Imatiwu 13:32 - IWE ỌNỊNỊ

³² Ọnị ọ weyi hu keekere ịnị avaba ihu nị. Ịjị ọ̀ọ sị chị, dị ọ sị hụ nị, ọnị ọ banyị hu kere-kere ịnị avaba avị ịsẹpẹ nị. Dị ọ vara ọchị, di inomi nịnị vẹ, dị ẹ mẹ ịrẹngwẹ hi ịnị avọ anị.”

Imatiwu 13:32 ပူးပေါင်းရင်းမြစ်များ

Ahẹ Ụgama 104:12

Inomi nịnị ệ mẹ ịrẹngwẹ gụrị enyi ọnọọ, di e hi ịnị avọ́ ọchị dị ẹ yaa jị ahẹ nị.

Ezikẹẹrị 31:6

Inomi irenyi-irenyi vị ana mẹ ịrẹngwẹ hi ịnị avọ anị, dị uye ini avị ee hi iruvo anịị ma ozi. Avaba anẹkụra ẹbanyị-ẹbanyị vị anaa vaa tụ́ ụhwọ́ ịnị ihuhu anị.

Ịdanịyẹrị 4:12

Avị ọchị ọnọọ ee zoza ẹtẹẹtẹrẹ, dị ọchị ọnọọ rẹ nyayịnẹ tụ ẹtụtụ nị. Ẹtụtụ anị ộ hụ avaba anẹhẹ rị. Uye ịnị avị nịnị vaa tụ́ ụhwọ́ iruvo anị, dị inomi nịnị ẹnị rẹ mẹ ịrẹngwẹ hi ịnị avọ anị nị. Avaba ịsa anaā tụ́ ụhwẹ aa rị ẹtụtụ ọchị ọnọọ nị.

Ịzakaraya 4:10

Aza ana si eyi wụ̀ ịsị e nyima kiiki vaa jẹ ịjị ee re ka Izerubabẹrị aa da irehi ọnọọ na tụ́ ọvịdị. Anggẹẹrị kà ịhịmba ọnọọ vị eyi Ẹnẹyịmavara ene re avaba ịsa ene hi ini ẹhẹ.

Ịmaakị 4:30

Ijeesu ka, “Si i ve sii juwe ịzị Ohomorihi yà aa mẹ ịjọva kẹ? Ye re ụhịrẹyị oni i ve sii mẹ apojuwe anị?

Ịmaakị 4:32

Èe si oo chire, dị ọ chị, dị ọ hụ, dị ọ vara ọchị ana banyị hu keekere ịnị avaba ọchị ịsẹpẹ. Ọọ̄ nyị avọ ọbanyị, di inomi nịnị vẹ, dị ẹ mẹ ịrẹngwẹ hi ini ihuhu anị.”

Iruuku 13:18

Dị Ijeesu ka, “Sị a nyẹngụ sị juwe ịjọva Ohomorihi kẹ, si o véné?

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 21:20

Ẹ mẹ̀ wụ́ ọọ, dị ẹyaa sị ụgaa yị Ohomorihi nị. Dị ẹ kà a yị Ịpọọrụ ka, “Ẹnẹbẹnị ayị, wê re, ọ mẹ̀ yà avọọ. Aniju ọrụrụ-ọrụrụ ẹ sị dọ wụ́. Ẹnịnị vị ana nyayịnẹ sị ụvọ za ọda Imosiisi ẹtẹẹtẹrẹ.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”