Imatiwu 13:19 - IWE ỌNỊNỊ

¹⁹ Ọza ọ̀ọ wụ́ ịrẹyị ịjọva Ohomorihi dị ọ̀ yị yẹ ịsị ọ wụ́ nị, di Echu vẹ, dị ọ va sị ịsa enee mi tụ́ ịnị ayị hụụ ịzọọ. Ọza ọnọọ vị ana yà anka ihu enee mi tụ́ ụtọ oze avọọ.

Imatiwu 13:19 ပူးပေါင်းရင်းမြစ်များ

Ụhịrẹyị 1:7

Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Ụhịrẹyị 17:16

Sị ẹ vẹ dị ọnụra à sị ẹkẹhị rị ụvọ ka a ná ịrẹyọyẹ yị ọnị, ịrẹma ọnị ọ ka ọnị ẹ yị kọsẹ.

Ezikẹẹrị 31:18

Ohinọyị Ijipiti ọnịrị aza anị ẹ vị ọchị ọnọọ nị. Ọchị ene hi Edẹnị ẹ́ yị hyakụ vavọọ nẹba. Ẹnịnị ẹ́ yị hyakụ vavọọ ngụ ọza eyi bẹẹ. Ama, booro aanị, ọ vaa nọ iro anka ọchị ene hi Edẹnị, dị o ne tu aza ene ẹ̀ yị yẹ Ohomorihi ana a wụ a maa kụ̀ ịrẹkụ. Ọnị, Ẹnẹyịmavara Ochẹtẹẹngụ ọ kà avọọ nị.

Imatiwu 12:26

Echu àaa dụ echuu jịnẹ, ọnọọ vị ka echu ọ sị gà hi ẹẹva, e sị eyi và kà ẹngụ; ị́jọva anị mẹmẹ kụkụ nyẹngụ jẹẹ?

Imatiwu 13:20

Ọza ana dọ ihu ọnọọ tụ́ ịnị ẹtẹ ịda yị: ịjị aza ẹnẹẹ wụ́ ịrẹyị ọnọọ, dị ẹ wụsẹ sị ịrajẹ dọ ọ nị.

Imatiwu 13:38

Ẹhẹ ọ vị aarẹ ọnọọ nị. Ihu ozoza ọ vị ezi oni Ohomorihi aa mẹ ịjọva tụra nị. Ebe ẹnẹẹ ẹnị vị ezi Echu nị.

Imatiwu 4:23

Ijeesu aa ngụ avaba Igariri zị, dị aa zụ̀ wa ịsa ini irehi ahẹkẹ Aniju ẹnịnị, dị aa kà enube ọyịza ịjọva Ohomorihi, dị ọ raa mẹ avaba ụkụ irenyi-irenyi yị aza ịnị akakana aza ẹnẹẹ nị.

Imatiwu 5:37

Wàa kà a ka ‘Hịịn’, ọ̀ vị hịịn; wàa kà a ka ‘Eyiye’, ọ̀ rẹ yị vị eyiye! Ịsị èe si huna ẹnẹẹ, ịdị Echu ọ hụrẹ vẹ nị.”

Ịmaakị 4:15

Aza ẹnẹnị vị ana yà anka ihu enee mi tụ́ ụtọ oze; aza ẹnẹnị mẹ̀ yị wụ́ ịrẹyị Ohomorihi kẹnẹ, di Echu wụsẹ vẹ, dị ọ sị ịrẹyị enee mi tụ́ ịnị ayị ẹnịnị hụụ ịzọọ nị.

Iruuku 10:9

mẹ ọnịkụ ene èe hi ịzọọ ụkụ nịnị! dị ụ wa kà a yị wa ka: ‘Ohomorihi aa vaa mẹ ịjọva tụra wụ nịnị ịrẹsụ!’

Iruuku 9:2

Ộ tụ́ wa ka ẹ̀ naa kà enube ọyịza, Óhomorihi mẹmẹ aa mẹ ịjọva, dị ẹ̀ rẹẹ mẹ aza ụkụ.

Ịjọọnụ 18:38

Dị Ipayireti ka, “Sị ẹ vị ịzẹyịza kẹ?” Ịjị ọ vavọọ sị kà, dị ọ rẹ varẹma ne tù Aniju nịnị, dị ọ ka, “Ẹ yị nyị ịvị oni mi re ka ộ rị nịnị, oo!

Ịjọọnụ 8:43

Wáá yẹ ịsị ẹ vẹ dị ụ wẹ̀ yị yẹ ịrẹyị amị nịnị? Ịsị ẹ vẹ ọ vị ka wẹ yị dọ ka wa wụ́ ịrẹyị amị nịnị.

Odeyi 17:32

Ẹ mẹ̀ wụ́ ka Ịpọọrụ ộ kà ịrẹyị ka aa ha ọzaa hụụnị isu, aza ẹnyị aa kụ́ ọọ isiya. Dị aza ẹnyị ka, “Yee sì ka ye re tenyi ịrẹyị ọnọọ wụ́ ịhị ọsa.”

Odeyi 18:15

Ama a mẹ̀ hị́ ka ịrẹyị ahẹkẹ ọnịrị ịrẹha aza ẹnyị beri ọda awụ nịnị, ụ waa nyị ahankata anị nịnị aanị nị, ẹwụ nịnị ụvọta ọ̀ na mẹ̀ ọkarẹyị ẹngụ awụ nịnị! Mẹ yị vaa mẹ̀ ọkarẹyị ẹngụ ịrẹyị ẹnẹẹ.”

Odeyi 20:25

“Ma raà na kà enube ọyịza yị avaba awụ nịnị ka Ohomorihi ọ vị ohinọyị nị. Mâ yẹ ka we mē vene kuku re mi nịnị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

Aniroomi 14:17

Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị.

Aniroomi 2:8

Ama aza ẹnyị vị ene ee sì ọyịzaa yị ẹngụ ẹnịnị ịnya kẹnẹ. Ẹnịnị ẹ vị ana aa mẹ akamawụụ hi ịzẹyịza, ịsa odivi kẹnẹ ẹẹ̄ dụụ zị nị. Ẹngụ aza ẹnẹẹ, Óhomorihi vaa kụ́ ayịị hi ẹtẹẹtẹrẹ, dị ọ mẹ̀ ọkarẹyị yị wa nị.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.

2 Anịtẹsaronika 2:12

Avaba ẹnịnị ẹnẹ ẹ̀ yị dọ ịzẹyịza wụ́ dị a hịka ịvị ọyị mẹ kẹnẹ áyị ẹnịnị hine tụ́ nị, Ohomorihi vaa jị ịvịị yị wa.

Anihiburu 2:1

Agụvị avọọ a sị vọrọ ka ya nyayịnẹ sị ụvọ za ịrẹyị ọnị ị wụ́, agụvị asị i ne nyeeyi nị.

1 Ịjọọnụ 3:12

Asị ị mẹ̀ ebira anka ọza ana aā hị́ Ikeeni. Ikeeni vị ozi Echu, dị ọ za ọyịnyara anị dị ọ wụ̀ ọ nị. Sị ẹ vẹ dị ọ wụ̀ ọ? Agụvị ka avaba ịsa ọnị Ikeeni aa mẹ, vị ịsa edivi; ama ọyịnyara anị vị anaā mẹ ịzẹyịza.

1 Ịjọọnụ 5:18

Yáa yẹ ka ezi Ohomorihi ọ mā kụkụ aa yịị mẹ ịvị, ama oō sere ẹngụ anị, dị Echu ọ́ yị nyẹngụ kanyị ọ.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.