Imatiwu 12:7 - IWE ỌNỊNỊ

⁷ Wàa yaanị yẹ iruvo ịrẹyị ọnọnị nịnị ka: ‘Me yi sì ịsọvọ ẹ̀ yị vị ayamva’, wẹ yị yaanị aa jị ịvịị yị ọza ẹnẹ ẹ̀ yị rị ịvị nịnị,

Imatiwu 12:7 ပူးပေါင်းရင်းမြစ်များ

Ijoovu 32:3

Ayị ộ rẹ kụ́ ọ tụ ọta Ijoovu ẹyịta agụvị ka ẹnịnị ẹ yị yẹ ohi sị yị Ijoovu, ama ẹnịnị ệ vịdị kà a yị Ijoovu ộ mẹ̀ divi.

Ahẹ Ụgama 109:31

Ọnị ọọ̄ gụ oniruwa ụvọ nị, dị ọ dọ ọ tụ́ hụụnị ụvọ aza ana aa jị ịvịị yọ.

Ahẹ Ụgama 94:21

Ệ va iruvo bẹ ẹ yaa gẹ eyi aza ana aa mẹ̀ ebira ana vọrọ, ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ ka à na wụ ọ.

Ụhịrẹyị 17:15

Ẹnẹyịmavara ọ nyị ịhyẹrẹ aza anaā jị ịvị yị ọnị ịzẹyịza, dị ọ̀ jị ịhị yị ọza ana rị ịvị.

Ihoseya 6:6

Ọ kà ọza o sì ịrẹyị anị ọ ngụ ọnị eyi hụụnị ka a sị ịsa ịsọvọ va yị ọnị nị. Ọza ọ yẹ ọnị ọ mẹ yị ọnị hụụnị ka ọ rị ịsọvọ ịra yị ọnị nị.

Imatiwu 22:29

Dị Ijeesu ka, “We si nyeeyi nịnị, agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị.

Imatiwu 9:13

Ama na nịnị, di u we ne sì uruvo ịsa ọnị ịrẹyị ọnọnị kà nịnị ka: ‘Me yi sì ịsọvọ, àyị vị ayamva.’ Agụvị ka mẹ yị vẹ ka ma hị́ ọnịrẹyịzẹyịza, àyị vị ka ọnịvị nịnị è ro ịnẹ varẹma nị.”

Ịmaakị 12:33

A rẹ vọrọ ka ọza ọ̀ sị avaba ayị anị sì ịrẹyị anị, beri avaba ịrẹyọyẹ anị ọnịrị avaba ụkata anị, di ò re sì ịrẹyị ọnọhụva anị anka ẹngụ anị. Ọda ẹẹva ẹnẹnị e huna avaba ịsọvọ ana aā rị ịra ọnịrị ịsọvọ ana vọ bemi-bemi nị.”

Odeyi 13:27

Aza ene hi Ijerusarẹmị beri ọdọvịdị ẹnịnị ẹ yị yẹ ẹngụ ọza oni Ijeesu vị. Ẹnịnị ẹ yị rẹ yẹ ịrẹyị ọnịsẹ nịnị ana aa kà ẹkụhị ụhwọtụ-ẹkụhị ụhwọtụ. Ama ệ mẹ ka ịrẹyị ọnịsẹ nịnị ọ̀ sẹ, ẹ mẹ̀ jị ịvị isu yị Ijeesu.

Ijemiisi 5:6

Aza ẹnẹ ẹ̀ yị nyị ịsị ẹ mẹ̀, wâ jị ịvị yị wa, wâ wụ̀ wa, ẹnịnị e yi tụ́ ohi.

Ijosuwa 5:5

Nyị ọza ịnị ẹnị ana a ma ịnị ụnọmị ana a vịdị jị ụvẹvẹnẹ ịrẹma aza ẹnẹẹ ene sụ ịnị ụnọmị.

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.