Imatiwu 12:46 - IWE ỌNỊNỊ

⁴⁶ Íjeesu màa yịị kà ịrẹyịị yị ọkọnị aza ẹnẹẹ, dị ọnyị anị ọnịrị ẹyịnyara anị vẹ, dị ẹ jẹẹ ẹhẹ nị. Eyee sì ka eni è pe e kà ịrẹyị.

Imatiwu 12:46 ပူးပေါင်းရင်းမြစ်များ

Imatiwu 1:18

Aanị a mẹmẹ ma Ijeesu Ohinọyị oni Ohomorihi nyị ka ọ̀ dọ aza há nị: Ijosẹẹhụ ộ nyị Imeri tụ́ oze ana vị ọnyị Ijeesu. Ama dị ẹ va nyị ẹngụ obooro, ô re ka Ụhwẹ ọnịnị ọ mẹ ka òo zyẹẹ.

Imatiwu 12:47

Dị ọza ịnya kà a yọ ka, “Re, ọnyị awụ ọnịrị ẹyịnyara awụ jẹẹ ẹhẹ, eyee sì ka eni è pe wu kà ịrẹyị.”

Imatiwu 13:55

Aanị ka ẹ yị vị ozi ikahunta ọnọọ yị? Áa vị Imeri ọ vị ọnyị anị? Aanị ka ẹ yị vị Ijemiisi ọnịrị Ijosẹẹhụ beri Ịsayịmọnị ne beri Ijudasi ọ vị ẹyịnyara anị?

Imatiwu 2:11

Ịjị ẹ sị ngụ ịnị irehi ọnọọ, ê re ozi ọnọọ ọnịrị Imeri ọnyị anị, dị ẹnịnị va ku ẹtẹ, dị ẹ kụ ọ nị. Â nyị ẹnya ẹnẹ ẹ za na, ịjị ẹ sị ọ hụ, dị ẹ sị igooru ọnịrị eturare ana aā rị ịra ne beri eturare ọsa ene e siī sisi ẹngụ, dị ẹ sị mẹ Ijeesu ẹyịza nị.

Imatiwu 2:20

dị ọ ka, “Kwẹẹtẹ, sị ozi ọnọọ ọnịrị ọnyị anị, dị ụ wa nọ ịnị ẹtẹ Isirẹrị nịnị, agụvị ka aza enee sì ka ẹnị ẹ̀ wụ ọ ê wusu”.

Ịmaakị 2:21

Ọza ọ mā dà ịta ọwọọwa dị ọ̀ gẹ ẹ za awuru ọkụkụ. Ọza ọ̀ọ vavọọ mẹ, dị ịta ọwọọwa ọnọọ na hụụnị awuru ọkụkụ, dị awuru ọnọọ na hu avọọ.

Ịmaakị 6:3

Aanị ka ẹ yị vị ikahunta ọnọọ yị, ana vị ozi Imeri? Aa vị ọnị ọ rẹ vị ẹnẹbẹnị Ijemiisi ọnịrị Ijosẹsị beri Ijudasi ọnịrị Ịsayịmọnị? Aa vị ẹyịrị ẹyịnyara anị anẹẹ e dudu yà ịzẹnị?” Dị ẹnịnị aa kụ́ ayị anị nị.

Iruuku 1:43

Ẹnẹ vị ẹmị, ọnị ọnyị Ananyị yị ee vee heyi?

Iruuku 2:33

Ịrẹyị oni Isimiyọnị vavọọ kà ini oze Ijeesu aanị, ô hí Ijosẹẹhụ ọnịrị ọnyị Ijeesu irenu.

Iruuku 2:34

Dị Isimiyọnị rẹ mẹ̀ aduwa yị wa nị. Dị ọ kà a yị Imeri ọnyị Ijeesu ka, “Ohomorihi ọ sị ozi ọnọnị nyị ka ini oze anị aza ẹnyị ịnị Anisirẹrị nịnị vaa yàa hyẹdụ, dị aza ẹnyị rẹ varẹma kwẹẹtẹ nị. Ohomorihi ọ raà sị ọọ mẹ apọtẹrẹwa ọnị aza ẹnyị vee yii tịtẹ;

Iruuku 2:48

Ịjị aza ana ma a re e, ayị ẹnịnị ẹ sị vazi. Dị ọnyị anị kà a yọ ka, “Ho! Ozi emi, sị ẹ vẹ dị ụ maanị mẹ yị aanị? Wee re, ayị ẹmịrị ada awụ ẹ yị nẹtẹ vụrụ-vụrụ, i mèe sì wu zị.”

Iruuku 2:51

Dị Ijeesu saasa wa varẹma nọ Ịnazarẹtị nị. Ijeesu ộ ká ịrẹsụ hi yị wa. Dị ọnyị anị sị ịrẹyị ẹnẹnị tụ́ ịnị ayị anị nị.

Iruuku 8:10

Di Ijeesu ka, “Ohomorihi ọ raà mẹ ka wa yẹ nịnị ịrẹyị ịjọva Ohomorihi oni iruvo anị nyịnẹ nịnị. Ama aza ana vọ vị ana aa wụ́ ọọ ini oze ụhịrẹyị, agụvị ẹ̀ẹ daka re ẹtẹ pooro, asị ẹ yẹ ịsị eyee re. Ẹ̀ẹ sị ụtọ pe ẹtẹ pooro, di asị ẹ wụ́.”

Ịjọọnụ 19:25

Ọnyị Ijeesu ọnịrị onyeyiza ọnyị anị beri Imeri ose Ikiropasị ọnịrị Imeri Anịmagịdara ệ jẹẹ gụrị apavahị Ijeesu.

Ịjọọnụ 2:1

Ịhyẹgwẹta anị, â nyị ịzị a yà aa nyị ọnẹẹ Íkana ịnị ẹtẹ Igariri. Ọnyị Ijeesu yà ịzọọ

Ịjọọnụ 2:12

Ịrẹma ọsọnị, Ijeesu ọnịrị ọnyị anị beri ẹyịnyara anị ẹnịrị ezirẹma anị ê chí nọ Ikapanawumi. Dị ẹnịnị yà ịzọọ mẹ ẹkụhị chee kẹnẹ nị.

Ịjọọnụ 2:5

Dị ọnyị anị kụkụ kà a yị ezida ene hi ịzọọ ka, “Ịsị ọ̀ọ kà wụ nịnị kẹnẹ, ụ mẹ̀ ẹ nịnị!”

Ịjọọnụ 7:10

Ịjị ẹyịnyara anị si hu, dị Ijeesu ọnị raa hịrẹẹ nọ ini eche ọnọọ nị. Ama vi o were na nị, ọ yị sị ẹngụ tụ́ ẹhẹ na ọ maa na.

Ịjọọnụ 7:3

Dị ẹyịnyara Ijeesu kà a yọ ka, “Hụụ ịzẹnị, dị ụ wa nọ Ijudiya, di ezirẹma awụ ene hi ịzọọ ẹ̀ nyẹngụ re ụkọrọ ọnị ụ waa mẹ!

Ịjọọnụ 7:5

Ẹyịnyara Ijeesu ịnyẹmba ẹnị ẹyị hyakụ sị ayị tụra a bẹẹ.

Odeyi 1:14

Dị ẹnịnị sị ayị yị ẹngụ, dị ẹyaa mẹ̀ aduwa pooro nị, beri anyẹnẹẹ ẹnyị ọnịrị Imeri ọnyị Ijeesu ọnịrị ẹyịnyara Ijeesu nịnị.

1 Anịkọrịntị 9:5

Ẹ yị nyị ịsa ana za mị ka asị mị nyị ọnẹẹ ana dọ wụ́, dị ọ̀ọ saasa mịị zị. Avọọ Ézirẹma Ijeesu ana vọ ọnịrị ẹyịnyara Ananyị yị beri Ipita mẹ̀ mẹ nị.

Anigaratiya 1:19

Ẹ yị nyị odeyi ọsa oni mi re, àyị vị Ijemiisi kẹnẹ ana vị ọyịnyara Ananyị yị.