Imatiwu 12:35 - IWE ỌNỊNỊ

³⁵ Ịsa ọyịza ana yà ịnị ayị ọza ọyịza, ọọ̄ mẹ̀ ka ọọ mẹ̀ ebira ozoza nị. Ịsa odivi ana yà ịnị ayị ọza odivi, ọọ̄ mẹ̀ ka ọọ mẹ̀ ebira odivi nị.

Imatiwu 12:35 ပူးပေါင်းရင်းမြစ်များ

Ijoovu 8:10

Ịrẹyọyẹ anịyẹẹyẹ ẹnẹẹ vaa sị ẹtohweyi yọ.

Ụhịrẹyị 12:6

Ịrẹyị aza ọhịmị vi ene vene ọza yi usu ama ọnịzẹyịza vị anaā ka ịrẹyị ana a sị ọza ha.

Ụhịrẹyị 15:23

Ọza anaa yẹ ohi ịrẹyị ana vọrọ tụ vị ọnị ayị ọza hine tu.

Ụhịrẹyị 15:28

Aza ọyịza vị eneē rò ịrẹyị dị e vee tu ọza ohi ịrẹyị ama aza edivi e mē rò o dị e tụ́ ohi akụvị eyiha-eyiha.

Ụhịrẹyị 15:4

Ịrẹyị ana a sị ayị ọza nẹtẹ vị ana a mẹ̀ ẹhẹ rọ ọza ẹngụ ama ireche vi enee du ọza ayị.

Imatiwu 12:34

Ẹwụ nịnị ezi ibe, wẹ yị nyẹngụ kà ịrẹyị ozoza nịnị, agụvị ka ọza odivi ụ vị nịnị nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.

Imatiwu 13:52

Dị Ijeesu rẹ kà a yị wa ka, “Avaba ọzwọzọda ana àa raà sị ịrẹyị ịjọva Ada ayị ẹbẹẹba zụ̀, vị ana sị mẹẹ anka adarehi ana nyẹngụ kụ́ ịsa ọwọọwa ọnịrị ọkụkụ hụụnị ụhwọ anị vẹ.”

Imatiwu 7:17

Ọchị ozoza vị anaā tụ́ ẹtụtụ ozoza. Ama ọchị ọnị ụkụ za vị anaā tụ́ ẹtụtụ odivi.

Iruuku 6:45

Ịsa ọyịza ana yà ịnị ayị ọza ọyịza, ọọ̄ mẹ̀ ka ọ̀ọ mẹ̀ ebira ozoza nị. Ịsa odivi ana rẹ yà ịnị ayị ọza odivi, ọnị ọ rẹẹ̄ mẹ ka ọ̀ọ mẹ̀ ebira odivi nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.”

Anẹhwẹsọsị 4:29

Asị ụ rẹ̀ kà ịrẹyị odivi nịnị! Ama waa kà ịrẹyị ọyịza ana vaa gụ aza ụvọ nịnị, dị aza ana aa wụ́ ịrẹyị awụ nịnị, è zụ re ọgụvọ ịnị anị.

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

Anikorasi 4:6

Re ka waa sị ịrẹyọyẹẹ kà ịrẹyịị yị aza, dị ịrẹyị awụ nịnị òo hine aza. Ọza ana àa họ̀ wụ nịnị use ịrẹyị, yẹ ụ mẹmẹẹ tụ́ ọọ ohi nịnị.