Imatiwu 12:34 - IWE ỌNỊNỊ

³⁴ Ẹwụ nịnị ezi ibe, wẹ yị nyẹngụ kà ịrẹyị ozoza nịnị, agụvị ka ọza odivi ụ vị nịnị nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.

Imatiwu 12:34 ပူးပေါင်းရင်းမြစ်များ

Ahẹ Ụgama 53:1

Ọnụra vi ene eē ro o ịnị ayị ẹnịnị ka ẹ yị nyị Ohomorihi Dị ẹnịnị aa mẹ̀ ebira edivi-edivi irenyi-irenyi nyị ọza ikonya ana aa mẹ̀ ebira ana vọrọ.

Ahẹ Ụgama 64:3

Aza ẹnẹẹ ệ nyị ịrarẹ ẹnẹmẹhị ịrẹyị ẹnẹ ẹ̀ẹ ka vị ana sị mẹẹ anka ọpa anaā wụ̀ ọza avọọ.

Ahẹ Ụgama 64:5

Aza edivi ẹnẹẹ vị ana aa sị ọtụụ kà ẹngụ ịrẹma ka ẹnị ẹ̀ẹ mẹ̀ ebira odivi, Ẹ ka ịsa ẹnị aa mẹ vị ẹnị ẹnị sị tẹ, ẹ yị nyị ọza ene zụ re ẹnị.

Ụhịrẹyị 16:23

Ọza ana yẹ ịrẹyị vene rò ịrẹyị dị ọ vaa ka a. Ịrẹyị anị vị ana ngụ ọza ẹngụ.

Ụhịrẹyị 4:23

Sị eyi pe ẹtẹ ụ mẹmẹ e ro ịrẹyị. Ọza mee ro ịrẹyị ọọ ra ẹhẹ anị nị.

Ayịsaya 32:6

Ọnụra vi ana aā kà ebira ụra, di ee ro ebira odivi ọnị ọ vaa mẹ. Ebira ẹnị Ẹnẹyịmavara ò yi sì ọọ̄ mẹ nị, dị aa tụ́ aza ịrẹyị ka asị ẹ kụkụ sị ayị yị ẹnẹ ẹ̀ yị mā vara. Aza ọnị ụngwẹ àaa kụ̀, ẹ mā dà ịsa yọ, ẹ ma rẹ ká enyi yi aza oni onyi aa kụ̀.

Ayịsaya 59:14

Ẹ raà dụ ịzẹyịza ne vu, ẹnịrị ọ ẹ sị tara ẹngụ. Ịzẹyịza vị ọnị ẹ gụ hyẹdụ ịnị ikootu, dị ẹ sị tụ akaha ọnya.

Ayịsaya 59:4

Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na.

Ayịsaya 9:17

Ẹsẹnị Ananyị yị ọ yị vaa zẹẹ ka à nyị ọpa ozweyi ana ha. Ọ yị rẹ vaa vayị ozi oku ọnịrị osoku nịnị. Avaba ẹnịnị vị ana aa mẹ̀ ebira odivi, dị ahịka ịrẹyị odivi ẹ rẹẹ̄ kà nị. Agụvị avọọ Ẹnẹyịmavara ọ yị vaa vàa hụụnị ọyịkụ anị. Vị aa tịị tana ụvọọ za wa nị.

Imatiwu 12:35

Ịsa ọyịza ana yà ịnị ayị ọza ọyịza, ọọ̄ mẹ̀ ka ọọ mẹ̀ ebira ozoza nị. Ịsa odivi ana yà ịnị ayị ọza odivi, ọọ̄ mẹ̀ ka ọọ mẹ̀ ebira odivi nị.

Imatiwu 15:18

Ama ịsị ẹ jịnẹ hụrẹ ọza irenu, vị ana hụụnị ayị vẹ. Eni eē du ọza ẹngụ nị,

Imatiwu 23:33

Ẹwụ nịnị ẹwụ ana rẹ vị ezi ibe, wéé ro ka wa zụ jị ọkarẹyị ẹkụra nyee nịnị?

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Iruuku 3:7

Aza ọrụrụ-ọrụrụ ệ ká Ịjọọnụ na ka ọ̀ mẹ̀ ọyịhwọzenyi yị ẹnị. Dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwe yị ọyịkụ Ohomorihi ana aa vẹ?

Iruuku 6:45

Ịsa ọyịza ana yà ịnị ayị ọza ọyịza, ọọ̄ mẹ̀ ka ọ̀ọ mẹ̀ ebira ozoza nị. Ịsa odivi ana rẹ yà ịnị ayị ọza odivi, ọnị ọ rẹẹ̄ mẹ ka ọ̀ọ mẹ̀ ebira odivi nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.”

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Anẹhwẹsọsị 4:29

Asị ụ rẹ̀ kà ịrẹyị odivi nịnị! Ama waa kà ịrẹyị ọyịza ana vaa gụ aza ụvọ nịnị, dị aza ana aa wụ́ ịrẹyị awụ nịnị, è zụ re ọgụvọ ịnị anị.

Anẹhwẹsọsị 5:4

Ẹ yị rẹ vọrọ ka waa kà ịrẹyị ịdọtị ọnịrị ịrẹyị kẹnẹ-kẹnẹ nịnị. Ama ịsị a vọrọ ka waa mẹ nịnị ọ vị ka waa kụ́ Ohomorihi avọ nịnị nị.

Ijemiisi 3:2

Avaba ayị oō nyeeyi ini oze irenyi-irenyi nị. Àa nyị ọza ene è yi mē nyeeyi kà ịrẹyị, ọza ọnọọ ọ́ọ gụ; ọ nyẹngụ rẹ sị ụvọ za ẹngụ anị bẹẹ.

1 Ịjọọnụ 3:10

Ịsị ẹẹ̄ sị ọza ana vị ozi Ohomorihi ọnịrị ọza ana vị ozi Echuu zụ̀ yị: Ọza ẹnẹ ẹ̀ yị mẹ ịzẹyịza ọnịrị ọza ene è yi sì ịrẹyị ọnọhụva anị ẹ́ yị vị ozi Ohomorihi.

1 Ịsamụwẹrị 24:13

Anụmẹ ọkụkụ kà, Ọza odivi ọọ̄ mẹ̀ ịsa odivi nị. Ẹmị ẹ yị vaa sị ụvọ amịị kanyị ẹwụ.