Imatiwu 12:32 - IWE ỌNỊNỊ

³² Ọza tụra ọza ana àa kà ịrẹyị odivi hi ẹmị Ozi ọza onigirima, a vaa vagu ọọ ịnị anị. Ama ọza ana àa kà ịrẹyị odivi hi Ụhwẹ Ọnịnị, ọza ọyị vaa vagu ọọ ịnị ẹhẹ ọnọnị ọnịrị ịnị ẹhẹ ana aa vẹ.”

Imatiwu 12:32 ပူးပေါင်းရင်းမြစ်များ

Ijoovu 36:13

Ama ẹnị ana vị aza ọhịmị vi ene vee du ayị. Ẹnịnị e yi me si ọgụvọ aa tụ́ wa ịchẹkẹchẹkẹ.

Imatiwu 11:19

Ẹmị Ozi ọza onigirima ọ vavẹ; maa rị, mee hú, ẹ rẹ ka: ‘Ho! Wee re ọnịnọbanyị ọnịrị ohweche! Ọta ọdẹkẹhirehi ọnịrị aza edivi ọ vị nị.’ Ịrẹyọyẹ Ohomorihiī sị ẹngụụ zụ̀ ịnị ịsa ana aa mẹ.”

Imatiwu 12:31

Agụvị avọọ dị ma kà a wụ nịnị, ịvị tụra ịvị ọnịrị ụhụ ọnị ọza ọ̀ọ kụ̀ Ohomorihi, a vaa vagu ọọ ịnị anị. Ama ọza ana àa kụ̀ Ụhwẹ Ọnịnị ụhụ, ọza ọyị vaa vagu ọọ.

Imatiwu 12:8

agụvị ka ẹmị Ozi ọza onigirima ọ vị ọga ẹkụhị ụhwọtụ nị.”

Imatiwu 13:22

Ọza ana rẹ dọ ihu ọnọọ tụ́ ịnị akakana ikeyi, ọ vị ọza ana wụ́ ịrẹyị ọnọọ di ariro ẹhẹ ọnọnị ọnịrị evene ẹkẹhị ọnịrị ụbanyị za ịrẹyị ọnọọ rị nị, agụvị avọọ ẹyị nyị ẹtụtụ.

Imatiwu 13:39

Ọnịvị ọnọọ ene ne chire ebe ẹnẹẹ ọ vị echu nị. Ụmẹ anaa sịị̄ mẹẹ ọ vị ụmẹ ọdịrẹma ẹhẹ nị. Aza ana vaa mẹ wa ọ vị anggẹẹrị nịnị nị.

Imatiwu 13:40

Anka a mẹ̀ sụ́ ebe ẹnẹẹ, dị a rị wa ịra, avọọ ọ́dịrẹma ẹhẹ ọnọnị mẹ̀ vaa yà nị.

Imatiwu 13:55

Aanị ka ẹ yị vị ozi ikahunta ọnọọ yị? Áa vị Imeri ọ vị ọnyị anị? Aanị ka ẹ yị vị Ijemiisi ọnịrị Ijosẹẹhụ beri Ịsayịmọnị ne beri Ijudasi ọ vị ẹyịnyara anị?

Imatiwu 8:20

Dị Ijeesu kà a yọ ka, “Ahaka nịnị ệ nyị ụsị; inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana vọrọ ka ma yà tụ́ ụhwọ́.”

Ịmaakị 10:30

Ohomorihi rẹ vaa sị ịsa ene huna avọọ oze ẹchẹhị-ẹchẹhị sí ọọ atọ ịnị ẹhẹ ọnọnị, ẹhụụ irehi ọnịrị ẹyịnyara ọnọrụ ọnịrị anẹẹ, beri ọnyị ọnịrị ezi ọnịrị aarẹ, na vaka ụyọrị; ịnị ẹhẹ ana aa vẹ, Ohomorihi vaa mẹ ka ọ̀ yàra pooro zịna-zịna.

Ịmaakị 3:28

“Ịzẹyịza, mị kà wụ nị, Ohomorihi vaa vagu ọza ịnị avaba ịvị ọnịrị ụhụ ọnị ọ̀ọ kụ̀ Ohomorihi, ọ̀ọ daka divi pooro;

Ịmaakị 3:29

ama ọza ana àa kụ̀ Ụhwẹ Ọnịnị ụhụ, ọ yị va nyị ẹvagu ịnị anị, ộ rị ịvị pooro zịna-zịna.”

Iruuku 12:10

Ọza tụra ọza ana àa kà ịrẹyị odivi hi ẹmị Ozi ọza onigirima, a vaa vagu ọ ịnị anị. Ama ọza ana àa kụ̀ Ụhwẹ Ọnịnị ụhụ, o yi vee re ẹvagu dọ ịnị anị.

Iruuku 16:8

Dị ọga ọnọọ kà ọda yị ozi ahụ onirikichi ọnọọ nị, agụvị ka ộ vavọọ sị ịrẹyọyẹ mẹ. Anẹhẹ ọnọnị aa mẹ̀ ebira ịrẹyọyẹ ịnị ẹhẹ ẹnịnịị huna aza ana ka ẹnị yà ini ẹtohweyi nị.”

Iruuku 18:30

Ohomorihi rẹ vaa sị ịsa ene huna avọọ sí ọọ atọ ịnị ẹhẹ ọnọnị. Ịnị ẹhẹ ana aa vẹ, Ohomorihi vaa mẹ ka ọ̀ yàra pooro zịna-zịna.”

Iruuku 23:34

Dị Ijeesu ka, “Nda, vagu wa, agụvị ka ẹnịnị ẹ yị yẹ ịsị ẹyaa mẹ!” Dị aza ẹnẹẹ gà ịta Ijeesu nị, dị ẹyaa jị osisii tụ́ ọọ nị.

Iruuku 7:34

Ẹ mị Ozi ọza onigirima ọ vavẹ, maa rị, mee hú, ụ rẹ ka ‘Ho! Wee re ọnịnọbanyị ọnịrị ohweche! Ọta ọdẹkẹhirehi ọnịrị aza edivi ọ vị nị.’

Ịjọọnụ 7:12

Dị aza tangwa aa kà ịrẹyị Ijeesu nyamaa nị. Aza ẹnyị ka ọza ọyịza ọ vị nị; aza ẹnyị ka eyiye, vi ee vene aza nị.

Ịjọọnụ 7:39

Ịrẹyị ọnọnị oni Ijeesu kà aanị vị ịnị ịpa Ụhwẹ Ọnịnị, oni Ohomorihi vaa sị yị aza ana sị ayị tụra a, agụvị ka Ohomorihi ọọ̀ yị sị Ụhwẹ Ọnịnị yị aza ịnị ụmẹ ọnọọ, agụvị ka Ijeesu ọọ̀ yị dọ ụbanyị.

Ịjọọnụ 7:52

Dị ẹnịnị ka, “Anigariri ẹwụ wáá rẹ vị nị? Na zama Iwe Ohomorihi re, di u we re ka ẹ̀ yị nyị ọnịsẹ ikonya ana chị hụrẹ Igariri vẹ da.”

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Anẹhwẹsọsị 1:21

Ikirisiti ọ kụkụ nyị ẹbẹẹba avaba anggẹẹrị ọnụkata nị, ọnịrị avaba aza ana nyị ọda ọnịrị ụkata beri ohinọyị nịnị nị. Ọnị ọ nyị ẹbẹẹba ịsa tụra ịsa ọnị ọza ọ̀ọ hị́ ẹngụ anị ịnị ẹhẹ ọnọnị ọnịrị ịnị ẹhẹ ana aa vẹ nị.

1 Itimoti 1:13

Ịyẹẹyẹ vị ọnị mịị̄ vịdịị kà ịrẹyị odivii hi ọọ, dị maa sị ụyaa rị ọọ, dị mị raa kụ̀ ọọ ụhụ nị. Ama Ohomorihi ọ va vayị amị, agụvị ka ịnị ịyẹẹyẹ ọnọọ, eyi amị oyi vịdị hweyi, mẹ yị rẹ nyị ẹdọwụ.

1 Itimoti 1:15

Ịrẹyị ọnọnị vị ịzẹyịza, áa vọrọ ka à sị avaba ayị dọ ọ; ka Ijeesu Ikirisiti vị ana vẹ ẹhẹ ka ọnị ọ̀ va dọ ọnịvị há. Eme divi hu keekere ịnị ọnịvị ẹnẹẹ nị.

1 Itimoti 4:8

Ọza èee tenyi ọchẹngụ anị, ọ́ọ nyị ọgụ chee. Ama ọza èee tenyi ebira ini oze ene zé Ohomorihi eyi, ọ́ọ nyị ọgụ ini oze tụra oze; agụvị ka ọ vaa mẹ ka ọza ọnọọ ọ̀ ra ẹhẹ obooro ịnị ẹhẹ ọnọnị ọnịrị ịnị ẹhẹ ana aa vẹ.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

2 Itimoti 4:10

Ịdẹmasị ọ raà sị ayị tụ́ ịnị ịsa ẹhẹ ọnọnị, o si zwe kà na yị mị, ọ zị nọ Ịtẹsaronika. Ikirisẹnsị ọnị ọ zị nọ Ịgaratịya, Ịtayịtọsị ọnị ọ rẹ zị nọ Idarimatiya.

Ịtayịtọsị 2:12

Ayamva ọnọọ aa sịị zụ̀ ka ya hụrẹ avaba ebira oni Ohomorihi è yi sì ụvọ, ọnịrị ịsa ẹhẹ ọnọnị ọnị ọchẹngụ ayịị̄ sì, ama dị yaa mẹ̀ ebira ịrẹyọyẹ, dị yaa mẹ̀ ịsa ana vọrọ ọnịrị ịsa oni Ohomorihi sì ịnị ẹhẹ ọnị ị yà aanị.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.