Imatiwu 12:29 - IWE ỌNỊNỊ

²⁹ Ẹ yị nyị ọza ana nyẹngụ ngụ ini eehi adarehi ana nyị ụkata dị ọ̀ na kụ́ ọọ ẹnya; ẹ̀ yị vị o vịdị sì oze dị ọ̀ za adarehi ọnọọ dị ọ̀ sụ́ ọ, ịjọnọọ ọgọnị di o ve re oze kụ́ ọ ẹnya irehi.

Imatiwu 12:29 ပူးပေါင်းရင်းမြစ်များ

Ayịsaya 49:24

Áá zụ dọ isoja ẹnya ọnị kụ hụrẹ eyi ịrẹkụ? Áá zụ dọ aza ana za ọrịhị eyi ịrẹkụ hụụnị ụvọ ọza ana chamayị yị ọ?

Ayịsaya 53:12

Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”

Imatiwu 12:28

Ama àa vị Ụhwẹ Ọnịnị Ohomorihi, m maa sịị dụ ụhwẹ echuu jịnẹ nị, ọnọọ ộ sị zụ̀ ka ịjọva Ohomorihi ọ sị gụrị ẹwụ nịnị.

Imatiwu 12:30

Ọza ẹnẹ ẹ̀ yị yà beri emi, vị aa bàrà mị nị. Ọza ene è yi pe mi kụ́ ịsa gụ, vị aa garaa ha nị.

Ịmaakị 3:27

“Ọza ẹ yị rẹ nyẹngụ ngụ ini eehi adarehi ana nyị ụkata ẹtẹẹtẹrẹ, dị ọ̀ na kụ́ ọọ ẹnya; ẹ yị vị o vịdị sì oze dị ọ̀ za adarehi ọnọọ, dị ọ̀ sụ́ ọọ, ịjọnọọ ọgọnị di ò ve re oze kụ́ ọọ ẹnya irehi.

1 Ịjọọnụ 3:8

Ama ọza ana àa mẹ ịvị, ozi Echu ọ vị nị, agụvị ka Echu vị anaā mẹ ịvị dị a va yẹ ka aa mẹ ẹhẹ. Agụvị avọọ Ozi Ohomorihi vẹ ẹhẹ ka oni ò ve vú ụkọrọ Echu ẹtẹ nị.

1 Ịjọọnụ 4:4

Ẹwụ nịnị ezi emi, àa vị ẹwụ nịnị yọ, ẹwụ nịnị vị ezi Ohomorihi, wa sị ọnịsẹ onireche ẹnẹẹ huna nịnị, agụvị ka, Ụhwẹ Ọnịnị ana yà ịnị ayị awụ nịnị, o huna ụhwẹ ana yà ịnị ayị anẹhẹ nị.