Imatiwu 12:20 - IWE ỌNỊNỊ

²⁰ Ọ yị vaa dà ịkẹ ana àa dà gẹnẹ. Ozotupa oni owu anị ee mi, oyi vee mi ọọ. Ọyị vaa tụ́ ụhwọ́ pooro di ò re ka ịzẹyịza ộ nyị ẹbẹẹba.

Imatiwu 12:20 ပူးပေါင်းရင်းမြစ်များ

2 Ohinọyị 18:21

Anijipiti ọnị u si eyi tụra aanị, vị ana vaa sị mẹẹ anka ọza ọ̀ọ sị ẹpọmọ ene si che mẹ okutẹ avọọ. Vị ẹngụ okutẹ ọnọọ vee che, dị ọ jị ngụ wụ ụvọ nị. Avọọ ohinọyị Ijipiti mẹ̀ yà yị ọza ana si eyi tụra a nị.

Ahẹ Ụgama 147:3

Aza ana ayị anị kú du vi oni o vee hunẹnẹ ayị, di o si isuuru yị wa.

Ahẹ Ụgama 51:17

Ọza ana ayị anị du ka ọnị ọ raà mẹ̀ ebira odivi, ẹnị ẹ mẹ̀ ịsọvọ oni Ohomorihi sì nị Ẹnẹyịmavara, ẹngụ ọza ana ayị anị ọ̀ọ vavọọ du, we yi vee yi waa tịtẹ.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ezikẹẹrị 34:16

Ọnị vee sị̀ ẹnị ene vu, ọnịrị ẹnị ana sị ha hụrẹ oze, dị ọnị kụ́ wa vavẹ eehi. Ẹnị ana ahụ aa zị, ọnị vaa jị ịsaa sụ ọ yị wa. Ọnị vaa mẹ ka ẹnị ana tụ ọkụmị ẹ̀ nyị ụkata. Ọnị vaa si eyi pe ẹnị ẹbanyị-ẹbanyị ana nyị ụkata, dị ọnị aa sị ịzẹyịza pa avaba ẹnịnị.

Ireevi 10:20

Ịjị Imosiisi maanị wụ́ ịrẹyị ọnọnị, dị ọ́ vavọọ zee eyi nị.

Imatiwu 11:28

Ká mị vẹ nịnị, ẹwụ nịnị ana ayị anị sị vazi, di e reè kune ẹnya ọrata tụra wụ nịnị, ka mị vaa sị ụhwọtụụ yị wụ nịnị!

Imatiwu 11:7

Ịjị ezirẹma Ịjọọnụ si hu aa na, dị Ijeesu nyima aa kà ịrẹyị Ịjọọnụ zụ̀ ọkọnị aza nị. Dị ọ ka, “Ụ mẹ̀ nọ ịnị ụnọmị ne tù Ịjọọnụ, si u ro ka u vee re nịnị? Ịkẹ ana ahị ee henyi wáá yọ?

Iruuku 4:18

“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ;

2 Anịkọrịntị 2:14

À vẹ ya kụ́ Ohomorihi avọ! Ẹ́yịrị Ikirisiti mẹ̀ sị vị ọnya, ộ mẹ̀ ka è ree ka Ikirisiti ọ raà nyị ehuna avaba ayị. Ộ sị yị mẹ anka ịsa ana nyị agụ ozoza ọnị ọzọza aa wụ́ avọọ ka aza ẹ̀ zụ yẹ ini oze Ikirisiti avaba aha.

2 Anịkọrịntị 2:7

Ama kụkụ vagu ọọ du wee hunẹnẹẹ ayị nịnị, ka ayị anị ve si du ẹnẹmẹhị!

Ẹtore 6:2

Dị mị kana eyi, di mi re ka umaata ọvwọọvụ ọnya nị. Ọza ana tụra umaata ọnọọ, ộ sị ọkịta rị ụvọ, dị a sị ọkẹkẹrẹkụ yọ nị. Dị ọ jịnẹ tụ́ ẹhẹ anka ọza anaā nyị ehuna ịrẹkụ avọọ ka ọnị ọ̀ na nyị ehuna ịrẹkụ nị.