Imatiwu 12:17 - IWE ỌNỊNỊ

¹⁷ agụvị ịrẹyị ana Ayịsaya ọnịsẹ kà, ọ̀ zụ sẹ. Ọ kà Ohomorihi ka:

Imatiwu 12:17 ပူးပေါင်းရင်းမြစ်များ

Ayịsaya 42:9

Re, ịsa ẹnị mị vịdị kà a ka ẹ vaa mẹ, ẹ́ va sị mẹ parahu. Ọyaanị, mị vaa kà ịsa ọwọọwaa tịtẹ dị ẹ̀ va mẹ.”

Ayịsaya 44:26

Ama ozi ahụ amị ọ̀ọ kà ịrẹyị tịtẹ ka ọ vaa mẹ, ịjị màa tụ ọnụtụ amịị tụ ka ọ̀ na kà a ịsị mị vaa mẹ, Mịị̄ mẹ ka ịrẹyị ẹnẹẹ ẹ̀ mẹ ịzẹyịza. Mâ kà a yị Ijerusarẹmị ka aza vanaa ra ịzọọ, dị mị rẹ kà a yị ẹkụra ene hi Ijuda ka e venee tenyi wa dà nị. Mị ka ẹkụra ẹnẹẹ ana jị eburu aanị vanaa kwẹẹtẹ.

Imatiwu 12:16

Di o hú wa ụvọ ka asị ẹ kà ịrẹyị anị zụ̀ aza nị,

Imatiwu 12:18

“Ọnịtụ amị ọnị mị nyị yị. Mée sì ịrẹyị anị, ayị amị ô hine tù ọ. Mị vaa mẹ ka Ụhwẹ Ọnịnị amị ọ̀ dọ avaba ayị anị. Ọ vaa naa nọọ yị anẹhẹ ka mị vaa mẹ̀ ọkarẹyị yị wa.

Imatiwu 13:35

Ộ maanị mẹ, agụvị ịrẹyị ọnị ọnịsẹ vịdị kà, ọ̀ zụ sẹ ka, “Màa kà ịrẹyị yị wa, ụhịrẹyị mị vaa sị kà a nị. Mị vaa kà a yị wa ịsa ana tẹ yị aza, a mẹ̀ hụrẹ mẹ ẹhẹ.”

Imatiwu 21:4

Avaba ẹsẹnị vị ana mẹ, agụvị ịrẹyị ọnị ọnịsẹ kà, ọ̀ zụ sẹ, ka:

Imatiwu 8:17

Ộ maanị mẹ, agụvị ịrẹyị ana Ayịsaya ọnịsẹ vịdị kà, ọ̀ zụ sẹ ka, “Ọnị ụvọta ộ sị ụkụ ayị irenyi-renyi, dị ọ kụ́ ọọ kwooze nị.”

Iruuku 21:22

Ẹkụhị ana a vaa sị sị ụyaa rị ọza ọ vị nị, agụvị dị ịrẹyị ana a chẹrẹ tụ́ ini Iwe Ohomorihi ọ̀ zụ sẹ.

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Ịjọọnụ 10:35

Yâ yẹ ka ọza ọ yị zụ vara ịrẹyị ini Iwe Ohomorihi pooro. Aza oni Ohomorihi kà ịrẹyị Ohomorihii yị, Ohomorihi ộ kà a ka ê véné Ohomorihi.

Ịjọọnụ 12:38

Ọ vavọọ yà, agụvị ịrẹyị ana Ayịsaya ọnịsẹ kà ịyẹẹyẹ ọ̀ nyẹngụ sẹ. Ayịsaya ộ kà a ka, “Ananyị yị, aza ẹ yị dọ enube ọnị yaa kà, ọ. Ẹ yị nyị ọza ana yẹ ụkata Ananyị yị.”

Ịjọọnụ 19:28

Ijeesu ộ yẹ ka booro aanị ọnị ọ sị avaba ịsa mẹ ta. Agụvị dị Iwe Ohomorihi ọ̀ zụ sẹ, dị ọ ka enyi aa kụ̀ ọnị nị.

Odeyi 13:27

Aza ene hi Ijerusarẹmị beri ọdọvịdị ẹnịnị ẹ yị yẹ ẹngụ ọza oni Ijeesu vị. Ẹnịnị ẹ yị rẹ yẹ ịrẹyị ọnịsẹ nịnị ana aa kà ẹkụhị ụhwọtụ-ẹkụhị ụhwọtụ. Ama ệ mẹ ka ịrẹyị ọnịsẹ nịnị ọ̀ sẹ, ẹ mẹ̀ jị ịvị isu yị Ijeesu.