Imatiwu 12:14 - IWE ỌNỊNỊ

¹⁴ Dị Anihwarisi nịnị hụụ ịzọọ, dị ẹ na aa gẹ eyi, ẹ́nị mẹmẹ vaa wụ̀ Ijeesu nị.

Imatiwu 12:14 ပူးပေါင်းရင်းမြစ်များ

Imatiwu 26:4

Dị ẹ gẹ eyi ka ẹnị èe weree za Ijeesu, dị ẹnị ẹ̀ wụ ọọ nị.

Imatiwu 27:1

Ịnị ẹnẹnẹ viri-viri, avaba ohirẹsụ ẹbanyị irehi Ohomorihi beri ọdọvịdị Aniju nịnị ê gẹ eyi Ijeesu ka à wụ ọọ.

Ịmaakị 14:1

Ọ sị vọ ẹkụhị ẹẹva, dị à rị eche ana aā hị́ Eche Ọyịparahu, ọnịrị eche ana a rẹ sịị̄ rị Ịbụrẹẹdị ọnị ọza ọ̀ yị mā sị òwù tụ́. Dị ohirẹsụ ẹbanyị irehi Ohomorihi beri ọzwọzọda nịnị ee sì oze ka ẹ́nị mẹ̀ vaa mẹ vene Ijeesuu za, dị ẹnị ẹ̀ na wụ ọọ nị.

Ịmaakị 3:6

Dị Anihwarisi nịnị jịnẹ tụ́ ẹhẹ nị, dị ẹ wụsẹ nọ ịda ogu Ịhẹrọdị nịnị, dị ẹ naa gẹ eyi Ijeesu ka ẹ́nị mẹmẹ vaa mẹ, dị ẹnị ẹ̀ wụ ọ nị.

Iruuku 22:2

Dị ohirẹsụ ẹbanyị irehi Ohomorihi ọnịrị ọzwọzọda nịnị ee sì oze ka ẹ́nị mẹmẹ vaa mẹẹ wụ Ijeesu nị, agụvị ka angwa aza vị ene ee hí wa.

Iruuku 6:11

Dị ayị aa kụ́ aza ẹnẹẹ ẹtẹẹtẹrẹ nị, dị ẹyaa kà a yị ẹngụ ka sị ẹnị vaa mẹ Ijeesu nị.

Ịjọọnụ 10:31

Dị Aniju nịnị rẹ raà kụ́ ụvọ kụ́ ịrẹta ka eni è ne e hi ọọ nị.

Ịjọọnụ 10:39

Di e re yee sì ka ẹnị ẹ̀ za Ijeesu nị, ama dị ọ sị tụ̀ wa ụvọ nị.

Ịjọọnụ 11:53

Hụrẹ ịhị ọnọọ dị ọdọvịdị Aniju nịnị aa gẹ eyi ka ẹnị ẹ̀ wụ Ijeesu nị.

Ịjọọnụ 11:57

Ohirẹsụ ẹbanyị irehi Ohomorihi ọnịrị Anihwarisi nịnị ệ vịdị sị ọda mẹ ka àa nyị ọza ana yẹ ịzị Ijeesu yà, ọ̀ va kà a, agụvị dị ẹnị ẹ̀ zụ na za a.

Ịjọọnụ 5:18

Agụvị avọọ dị Aniju ẹnẹẹ ee sì oze hu avọọ ka ẹnị ẹ̀ wụ ọọ nị, agụvị ka ẹ yị vị ọ jịnẹ ọda ẹkụhị ụhwọtụ kẹnẹ, ọ rẹ ka Ohomorihi ọ vị Ada anị nị, ọnọọ vị ka aa sị ẹngụ anịị pe Ohomorihi mẹ ọpa.

Ịjọọnụ 7:30

Ịjọnọọ di eyee sì ka ẹnị ẹ̀ za a nị; ama ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ịjọọnụ 7:32

Anihwarisi nịnị ệ wụ́ ka aza tangwa vavọọ aa kà ịrẹyị Ijeesu. Agụvị avọọ dị ẹnịrị ohirẹsụ ẹbanyị irehi Ohomorihi tụ́ iporisi irehi Ohomorihi ka ẹ̀ na za Ijeesu vẹ nị.

Ịjọọnụ 7:44

Aza ẹnyị yaanị sì ka ẹnị ẹ̀ za a, ama ẹ yị nyị ọza ana sị ụvọ kanyị ọọ.

Ịjọọnụ 8:59

Dị ẹ kụ́ ụvọ kụ́ ịrẹta, ka eni è ne e hi Ijeesu nị, ama dị Ijeesu sị ẹngụ anị tẹ yị wa, di o hụụnị irehi Ohomorihi nị.