Imatiwu 11:7 - IWE ỌNỊNỊ

⁷ Ịjị ezirẹma Ịjọọnụ si hu aa na, dị Ijeesu nyima aa kà ịrẹyị Ịjọọnụ zụ̀ ọkọnị aza nị. Dị ọ ka, “Ụ mẹ̀ nọ ịnị ụnọmị ne tù Ịjọọnụ, si u ro ka u vee re nịnị? Ịkẹ ana ahị ee henyi wáá yọ?

Imatiwu 11:7 ပူးပေါင်းရင်းမြစ်များ

Oyinyima 49:4

Ama ẹ yị vị ewee kuku vee hu ini ezi emi, agụvị ka wẹ yị jẹẹ aha ọnya anka enyi avọọ. Ẹwụrị onyeehi amị ộ sụ. Wa raà sị ọnọọ du mi ẹngụ.

Imatiwu 11:8

Si u ne re nịnị, ọza ene chire irikimba wáá yọ? Wáa yẹ ka ọza ana àa vavọọ kụ́ ẹnya vị anaā yà eehi ohinọyị.

Imatiwu 12:20

Ọ yị vaa dà ịkẹ ana àa dà gẹnẹ. Ozotupa oni owu anị ee mi, oyi vee mi ọọ. Ọyị vaa tụ́ ụhwọ́ pooro di ò re ka ịzẹyịza ộ nyị ẹbẹẹba.

Imatiwu 21:25

Ọyịhwọzenyi ọnị Ịjọọnụ aa mẹ avọọ, ịzị o re e hụrẹ? Ohomorihi ọ́ọ́ sị ọda anịị yọ nị, à vị ọza?” Dị eyee pe ẹngụụ nyị ahankata nị, dị ẹ ka, “Yàa kà a ka Ohomorihi ọ sị yọ nị, dị ọ ka sị ẹ vẹ dị ẹyị ẹ̀ yị dọ ọ wụ́?

Imatiwu 3:5

Avaba Anijerusarẹmị ẹnịrị avaba Anijudiya beri avaba anẹkụra ana kara Ijodani ệ ká a na.

Iruuku 8:18

Agụvị avọọ sị eyi pe ẹngụ awụ nịnị, ụ mẹmẹ aa wụ́ ịrẹyị nịnị! Ọza ana àa nyị ịsa, vị Ohomorihi vaa dàa tụ́ ọọ yọ nị. Ọza ẹnẹ ẹ̀ yị nyị, oyichee ọnị ọ hyakụ nyị, di aa dọ ọ hụrẹẹ ụvọ.”

Ịjọọnụ 1:38

Dị Ijeesu kana eyi, di o re ka ẹyaa dụ ọnịị vẹ nị. Ộ họ̀ wa ka, “Si u wee sì nịnị?” Dị ẹnịnị ka, “Iraabi, ịzị ụ ra?” (Iruvo “Iraabi” ọ vị “Iticha”.)

Ịjọọnụ 5:35

Ịjọọnụ vị ana sị mẹẹ anka ozotupa ana aa zẹtẹ chanyị-chanyị. Ịnị ụmẹ chee, wâ vịdị nyị inohine tụ́ ini ẹtohweyi anị nịnị.

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

Ijemiisi 1:6

Ama ọza ọnọọ àa pa ịsa ịnị ụvọ Ohomorihi, áa nyị ka ọ̀ dọ wụ ka ọ vaa sịị yị ọnị; asị ọ mẹ ayị ẹẹva. Ọza ana àa mẹ ayị ẹẹva vị ana sị mẹẹ anka enyi ini òkū ana ahị aā kụ́ụ vaachii vaa hịrẹ avọọ.