Imatiwu 11:11 - IWE ỌNỊNỊ

¹¹ Ịzẹyịza m maa kà a wụ nịnị nị, ịnị avaba aza anaa ma, Ịjọọnụ ọhwọzenyi ọ nyị ụbanyị hu nị. Ama ọza ene weyi hu ịzị Ada ayị ẹbẹẹba yà aa mẹ ịjọva, ọ nyị ụbanyị hu Ịjọọnụ nị.

Imatiwu 11:11 ပူးပေါင်းရင်းမြစ်များ

Ijoovu 14:1

Ẹhẹ ọnị ọza vẹ ẹ yị nyị ọ ya, dị ọ rẹ vị ọnịrị akanya-akanya kẹnẹ nị.

Ijoovu 14:4

Ẹnẹ zụ sị ịsa ana nị hụụnị ẹvụvụ? Ẹ yị nyị.

Ijoovu 15:14

Ẹnẹ ka ọnị ọ nị ọvịdị Ohomorihi? Ẹnẹ ka ọnị aa mẹ̀ ịsa ana vọrọ?

Ijoovu 25:4

Ọzarẹyịrẹsụ mẹmẹ nyẹngụ ka a ka ọnị ọ nị ọvịdị Ohomorihi? Áá nyị ọza ana hụ́ ọ ka avọọ?

Ahẹ Ụgama 51:5

A mẹ̀ hụrẹ ma mị, mị hụrẹ vị ọnịvị nị Ọnyị amị mẹ̀ hụrẹ ee zyẹẹ amị kẹnẹ mị hụrẹ vọ ọnịvị nị.

Ayịsaya 30:26

Ẹnẹyịmavara ana vịdị tụ̀ aza anị ụnava rẹ vaa mẹ ụnava ẹnịnịị yị wa. Ịhị àa mẹ ụnava ẹnịnịị yị wa aanị, ụhwẹ vị ana vaa zẹtẹ anka ọyị avọọ. Dị ọyị ọnị há hu ọ mẹ̀ vịdịị há ụpẹ ịhịmba. Ọyị ana vaa há ẹkụhị ọnya vị ana vaa sị mẹ anka èe rere kụ́ ọyịha ọnị ọ vịdị há ẹkụhị ịhịmba vabẹ avọọ. Avọọ ọ mẹ̀ vaa yà nị ịhị Ẹnẹyịmavara aa mẹ ụnava ọnị ọ vịdị tụ̀ aza anị, dị aa kụ́ wa ẹngụụ nịya nị.

Ịzakaraya 12:8

Ịnẹ ẹkụhị ọnọọ Ẹnẹyịmavara vaa vị ogonto kú aza ana ra Ijerusarẹmị agụvị ọkụmị ene hi akakana ẹnịnị ẹ ya anka Idevidi, dị ovwoovu Idevidi ẹ ya anka Ohomorihi, anka anggẹẹrị Ẹnẹyịmavara ana aa na ọvịdị ẹnịnị.

Imatiwu 11:10

Ịjọọnụ ọnọọ a vịdị chẹrẹẹ tịtẹ ini oze anị ka: ‘Re, maa tụ́ ọnụtụ amịị dọ ọvịdị awụ, dị ò ne tenyi oze tịtẹ zí wu.’

Imatiwu 11:12

Hụrẹ ụmẹ Ịjọọnụ ọhwọzenyi va ngụ ajịnị, ịjọva Ada ayị ẹbẹẹba sị hụrẹ ngụ ịrẹyị ụkata nị, dị aza sị ụkata-ụkata kwẹẹtẹ tù ọọ nị.

Imatiwu 3:1

Ịnị ụmẹ ọnọọ, dị Ịjọọnụ ọhwọzenyi vẹ ịnị ụnọmị Ijudiya, dị aa kà ịrẹyị Ohomorihi nị.

Imatiwu 3:11

Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi.

Imatiwu 5:19

Ọza ana àa jịnẹ ene weyi hu kere-kere ịnị ọda ẹnẹnị, dị ọ rẹ vavọọ sị kọ aza nị, ọnị ọ vaa vị ọza ene weyi hu ịzị Ada ayị ẹbẹẹba yà aa mẹ ịjọva nị. Ama ọza ana àa mẹ̀ ẹ, dị ọ rẹ kọ ọ yị aza nị, ọnị ọ vaa vị ọzọbanyị ịzị Ada ayị ẹbẹẹba yà aa mẹ ịjọva nị.

Iruuku 1:15

Ọzọbanyị ọ vaa vị ini eyi Ananyị yị nị. Ọ yị va nyayịnẹ ẹ hú eche vụrụ-vụrụ, ọ̀ daka vị eche ọkatẹngụ. Hụụnị ịnị ịnẹ ọnyị anị Ụ́hwẹ Ọnịnị vaa dọ avaba ayị anịị hụrẹẹ vẹ nị.

Iruuku 7:28

Dị ma kà a wụ nịnị, ịnị avaba aza ana a ma, Ịjọọnụ ọhwọzenyi ọ nyị ụbanyị hu nị. Ama ọza ene weyi hu ịzị Ohomorihi yà aa mẹ ịjọva, ọ nyị ụbanyị hu Ịjọọnụ nị.

Iruuku 9:48

Dị ọ kà a yị wa ka, “Ọza ana àa dọ ẹngụ ozweyi ọnọnị pe ẹngụ agụvị amị, ẹmị ọ rẹ dọ pe ẹngụ avọọ nị. Ọza ana àa dọ mị pe ẹngụ, ọza ana tụ́ mị vẹ ẹhẹ, ọ rẹ dọ pe ẹngụ avọọ nị. Ọza ana ka ẹngụ anị chi hu ịnị awụ nịnị, oni o hu keekere nị.”

Ịjọọnụ 1:15

Ịjọọnụ ộ vịdị kà ịrẹyị anị yị aza. Aa nọọ ka, “Ọza ọnị mị vịdị aa kà ịrẹyị anị yị, ka aa vẹ ị́rẹma amị, ama ọnị o huna mị nị, agụvị ka o si kù ọnị ọnị hụrẹ yà ịzọọ, dị a va yẹ ka aa ma mị.”

Ịjọọnụ 1:27

Ọza ọnọọ mị ka aa vẹ ị́rẹma amị nị; mẹ yị hyakụ yà ọza ana a vọrọ ka ọ̀ ngwa adava hụụnị ahụ anị.”

Ịjọọnụ 10:41

Dị aza ọrụrụ-ọrụrụ rẹ ká a nọ ịzọọ nị. Dị ẹ ka, “Ịjọọnụ ọ yị mẹ̀ ụkọrọ apọtẹrẹwa, ama avaba ịrẹyị ọnị ọnọrụ ọnọnị kà vị ịzẹyịza.”

Ịjọọnụ 3:30

 nyị ka ọnị ọ̀ọ nyị ụbanyịị hu avọọ, dị ẹmị èe weyii hu avọọ.”

Ịjọọnụ 5:35

Ịjọọnụ vị ana sị mẹẹ anka ozotupa ana aa zẹtẹ chanyị-chanyị. Ịnị ụmẹ chee, wâ vịdị nyị inohine tụ́ ini ẹtohweyi anị nịnị.

Ịjọọnụ 7:39

Ịrẹyị ọnọnị oni Ijeesu kà aanị vị ịnị ịpa Ụhwẹ Ọnịnị, oni Ohomorihi vaa sị yị aza ana sị ayị tụra a, agụvị ka Ohomorihi ọọ̀ yị sị Ụhwẹ Ọnịnị yị aza ịnị ụmẹ ọnọọ, agụvị ka Ijeesu ọọ̀ yị dọ ụbanyị.

1 Anịkọrịntị 15:9

Eme weyi hu keekere ịnị avaba ezirẹma Ijeesu nịnị nị. Mẹ yị hyakụ yà ọza anaa vọrọ ka àa hị́ ezirẹma Ijeesu, agụvị ka mâ sị ụya rị ịragụ Ohomorihi.

1 Anịkọrịntị 6:4

Agụvị avọọ, wàa vavọọ re ịrẹyị nịnị, asị ụ zẹẹ ka ahịka aza ẹnẹ ẹ̀ yị nyị ịsị ẹ zụ kà tụ́ ịnị ịrẹyị ịragụ Ohomorihi, ọ̀ mẹ ọkarẹyị anị yị wụ nịnị nị.

Anẹhwẹsọsị 2:3

Ịyẹẹyẹ avaba ẹyịrị ụhwẹ echu ẹnẹẹ vị anaā vịdịị kụ́ ogu, dị ahịka oyisì ẹngụ ẹyị ọza kẹnẹ, ị yaa mẹ nị. Dị yaa mẹ̀ ịsa ọnị ọchẹngụ ọnịrị ayị ayị òo sì kẹnẹ; anka aza ana vọ, ẹyị vị ana rẹ vịdị aa mẹ̀ ebira anaa vọrọ ka Ohomorihi ọ̀ sị kụ́ ayị hi yị.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.

2 Itimoti 1:10

Ijeesu Ikirisiti Ọdọzaha ayị mẹ̀ vavẹ ẹhẹ aanị, Ohomorihi ọ raà mẹ ka aza è ree. Ijeesu ọ va raà kụ́ ụkata isu kwooze; ọ raà mẹ ka aza ẹ̀ kụkụ yára pooro dị asị e kuku sú. Ini oze enube ọyịza ị ya yẹ ọsọnị nị.

Anihiburu 11:40

Ohomorihi ọnị ọ raà mẹ eto ịsa ene zoza hu avọọ tịtẹ yị ẹyị, ọnị ọ vị ka ẹyịrị wa oni dudu vaa mẹ ka ya gụ nị.

1Ipita 1:10

Ịnị ụmẹ ịyẹẹyẹ, ọnịsẹ nịnị ệ kà ịrẹyị ini oze ayamva oni Ohomorihi vaa vayị awụ nịnị. Ê sì iruvo hwịnị-hwịnị ka ẹnị ẹ̀ yẹ, Ohomorihi mẹmẹ vaa dọ wụ nịnịị há.

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.