Imatiwu 10:41 - IWE ỌNỊNỊ

⁴¹ Ọza ana àa dọ ọnịsẹ ọzọga, agụvị ka ộ vị ọnịsẹ Ohomorihi, ọ vaa nyị tụ́ ịnị ọgụ ọnịsẹ ọnọọ. Ọza ana àa dọ ọnịzẹyịza ọzọga, agụvị ka ộ vị ọnịzẹyịza, ọ vaa nyị tụ́ ịnị ọgụ ọnịzẹyịza ọnọọ.

Imatiwu 10:41 ပူးပေါင်းရင်းမြစ်များ

Oyinyima 20:7

Ọ kà Booro aanị ọ sị ose ọnọrụ ọnọọ varẹma naa yọ. Ọnọrụ ọnọọ vị ọnịsẹ, ọ vaa mẹ̀ aduwaa yọ, di o yi kuku sú. Ọ kà ama ò yị và a naa yọ, ọ̀ yẹ ka vị ee sú nị ne beri avaba aza anị nị.

Ayịsaya 3:10

Kà a ka vi o vee zee yi ọza ana aa mẹ̀ ebira ana vọrọ nị, agụvị ka ẹ vaa rị ọgụ ebira ẹnẹ ẹ̀ẹ mẹ.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 25:44

Ịjọnọọ dị aza ẹnẹẹ ẹnị re tụ́ ohi ka: ‘Ananyị yị, ịhị i re ka ụngwẹ aa kụ̀ wụ, à vị ka enyi aa kụ̀ wụ, à vị ka dị ụ vị ọzọga vẹ, à vị ka dị ụ yà ịnị ahwaahụ, dị ẹngụ raa zị wụ, dị ụ rẹ yà ịnị ẹngwa, dị yẹ̀ yị mẹ ọgụvọ wụ?’

Imatiwu 25:45

Ịjọnọọ dị Ohinọyị tụ́ wa ohi ka: ‘Ịzẹyịza mị kà wụ nịnị nị, ụ wẹ̀ yị mẹ mẹ̀ ẹ yị ene weyi hu ịnị aza ẹnẹnị aanị, ẹmị ụ wẹ̀ yị rẹ mẹ̀ ẹ yị nịnị avọọ nị.’

Imatiwu 6:1

“Sị eyi pe ẹngụ awụ nịnị! Asị ụ mẹ ahẹkẹ awụ nịnị agụvị aza è ree kẹnẹ, ka ẹ̀ yị va avọọ, wẹ yị vaa dọ ọgụ hụụnị ụvọ Ada awụ nịnị ẹbẹẹba.

Imatiwu 6:18

dị asị aza ana vọ yẹ ka waa sị awẹ nịnị, ẹ̀ yị vị Ada awụ nịnị ana yà aha ẹvagu kẹnẹ. Ada awụ nịnị eneē re ẹtẹ aha ẹvagu vaa sị ọgụụ wụ (ịnị eyigede).”

Imatiwu 6:4

Ama waa mẹ ẹyịza awụ ini ewere! Ada awụ eneē re ẹtẹ ini ewere vee sí wu atọ ịnị eyigede.”

Imatiwu 6:6

Ama ẹwụ àa mẹ̀ aduwa, ngụ ini aku awụ! Wàa sị oze awụ gù, dị ụ waa mẹ̀ aduwaa hi Ada awụ ana yà aha ẹvagu! Ada awụ nịnị eneē re ẹtẹ aha ẹvagu vee sí wu atọ ịnị eyigede.

Imatiwu 7:8

Agụvị ka avaba aza ene èe họ̀ use ịsa, aā sịị yị wa. Ọza ene èe sì ịsa, oō re e; ọza ana àa rẹ sị ụvọ ká oze, a vaa na oze yọ.

Odeyi 16:15

 mẹ̀ ọyịhwọzenyi yọ beri aneehi anị. Dị ọ dá ịpẹ ka ya vẹ ini eehi anị, yàa dọ ka ọnị ộ nyị ịzẹyịza hi Ananyị yị. Dị ọ dá ịpẹ yị ẹtẹẹtẹrẹ nị.

Aniroomi 16:23

Ịgayọsị adarehi amị ọnị ịragụ Ohomorihi ịzẹnị aa kụ́ụ gụ ị́da anị ka ẹnị kụ́ wụ nịnị. Ẹrasịtụsị anaā sịị ẹkẹhị ẹkụraa tẹ ka ọnị kụ́ wụ nịnị. Ikuaritu ọhụva ayị ka ọnị rẹ kụ́ wụ nịnị.

1 Anịkọrịntị 9:17

Àa vị ẹmị kẹnẹ ọ sị ayị amị sị ọọ ka maa mẹ̀ ẹ nị, mị yaanị ee họ̀ use ka èe sí mi ụta. Ama ẹ yị va vị ẹmị kẹnẹ ọ nyị ụkọrọ ọnọọ yị ẹngụ amị. Ohomorihi ọ mẹ ọda ụkọrọ ọnọọ, dị ọ sị ọọ chire mi ụvọ nị.

Anihiburu 6:10

Ohomorihi ọ ma mẹ irikichi. O yi vee hi ayị ụkọrọ awụ nịnị. O yi re vee hi ayị, u meme sì ịrẹyị aza Ohomorihi, dị ụ waa gụ wa ụvọ nịnị agụvị ịrẹha anị, anka ụ màa yịị mẹ nịnị.

2 Ịjọọnụ 1:8

Sị eyi pe ẹngụ awụ nịnị agụvị asị ụkọrọ awụ nịnị na vị osusu, ama dị ụ wa zụ rị ọgụ ụkọrọ awụ nịnị gụ.