Imatiwu 10:26 - IWE ỌNỊNỊ

²⁶ “Agụvị avọọ asị u hí angwa ẹnịnị nịnị! Agụvị ka ẹyị nyị ịsị a sị ịsa kú, ẹnẹ ẹ̀ yị vaa tụ́ ẹhẹ; ẹ yị nyị ịsị ẹ tẹ, ọnị ọza ọ̀ yị vaa yẹ.

Imatiwu 10:26 ပူးပေါင်းရင်းမြစ်များ

Ụhịrẹyị 10:9

Ẹ yị nyị ịsị ee chire ọza ana aā mẹ ịrẹyị ana vọrọ angwa ama ụvọ vee ku ọza ana a mẹ asuvu.

Ụhịrẹyị 28:1

Ọza ọhịmị ọọ̄ mẹ̀ ụha za gigiri nị, ama ayị ọnịzẹyịza vị ana vị́ anka ẹzụ avọọ.

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.

Ịrẹyị Ọzwọzịsa 12:14

Ohomorihi vaa mẹ̀ ọkarẹyị yị tụ ịrẹsụ avaba ịsị yaa mẹ, ịsị ị mẹ ịnị ewere, ọ̀ọ vị ọyịza, ọ̀ọ vị odivi.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Ijeremaya 1:8

Ẹnẹyịmavara kà, asị ọnị hí angwa ka ọnị vaa ya pe ọnị dị ọnị dọ ọnị tụ.

Ezikẹẹrị 2:6

Ẹnẹyịmavara kà, ama, ọnị ozi-ọza, asị ọnị hí angwa ẹnịnị o. A sị ọnị hí angwa ịsa tụra ịsa ọnị ẹẹ ka ẹnịị kà. Ọ kà ẹnịnị vaa sị eyii wụ̀ ọnị, dị ẹnịnị ẹ yị sị ụbanyị yị ọnị; vị́ ọ́ vaa sị mẹẹ anka ọza oo rere ra ịnị akakana iku nịnị avọọ nị. Asị ọnị hí angwa aza ẹnẹẹ anaa kụ̀ụ hịrẹ ọza avọọ. Asị ọnị hí angwa ịsa tụra ịsa ẹẹ ka ẹnịị ka.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Ịmaakị 4:22

Agụvị ka ẹ yị nyị ịsa ana tẹ ẹnẹ ẹ̀ yị vaa tụ́ ẹhẹ; ẹ yị nyị ịsa ẹ tẹ ini ewere, ẹnẹ ẹ̀ yị vaa tụ́ ẹhẹ chapaa.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Iruuku 8:17

Agụvị ka ẹ yị nyị ịsa ana tẹ, ẹnẹ ẹ̀ yị vaa tụ́ ẹhẹ; ẹ yị nyị ịsị ẹ tẹ, ọnị ọza ọ̀ yị vaa yẹ, dị ọ̀ yị rẹ vaa vẹ ịnị eyigede.

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 4:13

Ịjị anikootu maanị wụ́, ô hí wa irenu ka ayị Ipita ọnịrị Ịjọọnụ ọ́ maanị vị́, ịnị ụmẹ ana ahịka aza kẹnẹ ẹ vị nị, ẹnịnị ẹ yị yẹ iwe. Ệ yẹ ka ịdị Ijeesu ẹ vịdị yà nị.

Odeyi 4:19

Dị Ipita ọnịrị Ịjọọnụ tụ́ ohi dị ẹ ka, “Ẹwụ nịnị ọ̀ kà a dị a re, ọ́ọ́ vọrọ ini eyi Ohomorihi ka ya wụ́ ịrẹyị awụ nịnị huna ịrẹyị Ohomorihi?

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

1Ipita 3:14

Àa daka aa sị ụyaa rị wụ agụvị ka wáa vị ọnịzẹyịza, waa jẹ nịnị! Asị ụ hí angwa aza ene ee sì ka ẹnị ẹ̀ sị ụya rị wụ nịnị. Asị ayị awụ nịnị hụ agụvị avọọ vazi.