Imatiwu 10:17 - IWE ỌNỊNỊ

¹⁷ Ama sị eyi pe ẹngụ awụ nịnị, oo! Â nyị aza ana vaa za wụ nịnịị nọ ikootu. E re vee tụ́ wu nịnị ịjapa ini irehi ahẹkẹ Aniju ẹnịnị.

Imatiwu 10:17 ပူးပေါင်းရင်းမြစ်များ

Imika 7:5

Asị ụ dọ ịrẹyị ọta awụ tụ́ ịzọọ asị ẹwụ na sị ayị tụra a. Ịda ose ewu ụvọta, mị yarị ẹwụ, wa sị ụvọ za irenu awụ.

Imatiwu 10:18

A rẹ vaa za wụ nịnịị nọ ịda ịgọvọnọ nịnị ọnịrị ohinọyị nịnị agụvị amị kẹnẹ, ka wa kà enube ọyịza yị wa ọnịrị anẹhẹ ana vọ.

Imatiwu 20:19

dị ẹ sị mị chire anarịmadọwụ nịnị ụvọ. Aza ẹnẹẹ vaa sị mịị mẹ̀ isiya, dị ẹ jị atẹ kú mi, dị ẹ rẹ kanyị mị za ọchị apavahị. Ama ịhyẹgwẹta anị, mị vaa haa hụụnị isu.”

Imatiwu 23:34

Dị ma kà a wụ nịnị, mị vaa tụ́ ọnịsẹẹ hi wu nịnị ọnịrị ọyẹrẹyị nịnị beri ọzwọzịsa nịnị, ụ vaa wụ̀ aza ẹnyị ẹnịnị, ẹnyị vị ọnị ụ vaa kanyịị za ọchị apavahị nịnị, ẹnyị vị oni u vee tụ́ ịjapa ini irehi ahẹkẹ Aniju awụ nịnị, dị ụ waa dị waa hụrẹ aha ẹnyị naa ngụ aha ọsa.

Imatiwu 26:59

Ohirẹsụ ẹbanyị irehi Ohomorihi ọnịrị avaba ọmọkarẹyị ê sì ịrẹyị ireche ẹnẹẹ vaa kụ́ụ za Ijeesu, agụvị dị ẹ̀ zụ wụ ọ;

Imatiwu 5:22

Ama ẹ ma kà a yị wụ nịnị nị ka ọza ọ̀ọ kụ́ ayị hi ọnọhụva anị, vị aa mẹ̀ ọkarẹyị yọ nị. Ọza ana àa rẹ kụ̀ ọnọhụva anị ụhụ, a vaa hị́ ọọ ịrẹka; ama ọza ana àa tụ́ ozirenu hi ọza, ọ nyayịnẹ nọ ini ẹkụra.

Ịmaakị 13:12

Ẹyịnyara ẹnyị vee sì iruvo ọsa, dị a wụ ọọ. Ada vee sì iruvo ozi anị. Di ezi kwẹẹtẹ tù aza ana ma wa, dị ẹ wụ̀ wa.

Ịmaakị 13:9

Sị eyi pe ẹngụ awụ nịnị! A vaa za wụ nịnị nọ ini ikootu, di e re tụ́ wu nịnị ini irehi ahẹkẹ Aniju nịnị. A rẹ vaa za wụ nịnị naa jẹẹ ọvịdị ohirẹsụ ọnịrị ohinọyị nịnị agụvị amị, agụvị dị ụ wa dọ ivenu amị yị wa nịnị.

Iruuku 12:11

Ịhị àa za wụ nịnị nọ ini irehi Ohomorihi, àa vị ini ikootu, àa vị ịdị aza ana nyị ọda, asị u ne ro o nịnị ka u mè vee tụ́ ohi, à vị ka sị ụ vaa kà kẹ!

Ịjọọnụ 11:47

Dị ohirẹsụ ẹbanyị irehi Ohomorihi ọnịrị Anihwarisi nịnị kụ́ gụ, dị ẹ ka, “Sị a vọrọ ka ya mẹ? Ọnọrụ ọnọnị aa mẹ̀ ụkọrọ apọtẹrẹwa ọrụrụ-ọrụrụ aanị nị.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Odeyi 17:14

Dị ọdọwụ ene hi ịzọọ wụsẹ ka Ịpọọrụ ọ̀ọ na huuu dị ọ̀ na ngụ ụtọ oku nị. Di Isira ọnịrị Itimoti ẹnị yị yà Ibereya nị.

Odeyi 22:19

Di mi tụ́ ohi, dị mị ka: ‘Ananyị yị, ẹnịnị ệ yẹ ka m maa ngụ irehi Ohomorihii zị, dị maa kụ́ aza ana dọ wụ wụ hi ịnị ẹngwa, di mi ree tụ́ wa nọ!

Odeyi 26:11

Ụmẹ ọrụrụ-ọrụrụ mị sị sị ụya rị wa ịnị avaba irehi Ohomorihi nị, dị maa sị ụkata za wa ka ẹ̀ẹ kà ịrẹyị odivii hi Ijeesu nị. Ayị ẹnịnị ộ kụ́ mị pooro ne tù ka mâ tụra wa nọ ẹkụra ọsa ka ma na sị ụya rị wa.”

Odeyi 9:2

ka ọ̀ sị iwe yị ọnị, dị ọnị ọ̀ sị na yị irehi ahẹkẹ Aniju nịnị ene hi Ịdamasịkọsị nị. Ọ kà oni òo re ọza ana aa saasa oze Ikirisiti ịzọọ, dị ọnị ọ tụ́ wa orupa vẹ Ijerusarẹmị, ẹ̀ẹ vị ọnọrụ, ẹ̀ẹ daka vị anẹẹ.

Anihwiripi 3:2

Sị eyi pe ẹngụ awụ nịnị agụvị aza edivi ana aa mẹ̀ ebira anka irezi avọọ. Ẹ́nịnị maà mẹ̀ ụkọrọ Ohomorihi, ẹ ka ẹ̀ yị vị ọza dà ẹngụ anị, eyi ọ yị yà.

2 Itimoti 4:15

Ẹwụ nyẹmba ọ̀ sị ụvọ za ẹngụ awụ ịnị ụvọ anị, agụvị ka vị ọ nyayịnẹ aa kụ̀ụ hịrẹ ịrẹyị ayị nị.

Anihiburu 11:36

Aza ẹnyị ệ rị ụya ẹtẹẹtẹrẹ, aza màa mẹ wa isiya, di e ree tụ́ wa ịjapa. Â sị ẹba sụ́ aza ẹnyị, dị a rẹ kụ́ wa và hi ịnị ẹngwa nị.