Imatiwu 10:1 - IWE ỌNỊNỊ

¹ Ijeesu ộ hị́ ezirẹma anị ẹwụrẹva gụ, dị ọ sị ọda yị wa ka ẹ̀ẹ dụ ụhwẹ echuu jịnẹ, dị ẹ̀ rẹẹ mẹ avaba ụkụ irenyi-irenyii yị aza nị.

Imatiwu 10:1 ပူးပေါင်းရင်းမြစ်များ

Imatiwu 19:28

Dị Ijeesu kà a yị wa ka, “Ịzẹyịza m maa kà a wụ nịnị nị, ẹwụ nịnị ana aa dụ mịị zị aanị, ịjị àa sị ẹhẹ vara ọwọọwa, dị ẹmị Ozi ọza onigirima sị yaayịtẹ ị́rẹsụ aga ohinọyị amị nị, ẹwụ nịnị rẹ vaa yaayịtẹ ị́rẹsụ aga ohinọyị ẹwụrẹva, dị waa mẹ̀ ọkarẹyị tụ́ ịrẹsụ Anisirẹrị ana vị ịrẹsụ ẹwụrẹva nịnị.

Imatiwu 26:20

Ịjị oruva si tù, dị Ijeesu ọnịrị ezirẹma anị ẹwụrẹva yaayịtẹ aa rị ịsa nị.

Imatiwu 26:47

Íjeesu mẹ̀ yị yà ịnị ịrẹyị aa kà, dị Ijudasi, ọnya ini ezirẹma ẹwụrẹva vẹ nị. Ộ wara aza saasa ẹngụ vẹ; aza ẹnẹẹ ệ kụ́ ụhwọ beri arubebe za. Ohirẹsụ ẹbanyị irehi Ohomorihi ọnịrị azọkụ nịnị ẹ tụ́ wa vẹ nị.

Imatiwu 4:23

Ijeesu aa ngụ avaba Igariri zị, dị aa zụ̀ wa ịsa ini irehi ahẹkẹ Aniju ẹnịnị, dị aa kà enube ọyịza ịjọva Ohomorihi, dị ọ raa mẹ avaba ụkụ irenyi-irenyi yị aza ịnị akakana aza ẹnẹẹ nị.

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Imatiwu 9:35

Ijeesu aa ngụ avaba ẹkụra ọbanyị ọnịrị ẹkụra oweyii zị, dị aa zụ̀ wa ịsa ini irehi ahẹkẹ Aniju ẹnịnị nị, dị aa kà enube ọyịza, Óhomorihi mẹmẹ aa mẹ ịjọva nị. Dị ọ raa mẹ avaba ụkụ irenyi-renyii yị aza nị.

Imatiwu 9:38

Waa dá ịpẹẹ yị ọza ana nyị aarẹ nịnị ka ọ̀ tụ́ aza dị ẹ̀ na mẹ̀ ịsa ịnị aarẹ!”

Iruuku 10:19

Re, mâ sị ụkata wụ nịnị ka waa kụ́ ahụụ hi ẹwụ ọnịrị iku, dị ụ wa rẹ zụ nyị ehuna ụkata Echu nịnị. Ẹ yị nyị ịsị ẹ va zụụ mẹ wụ nịnị.

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Iruuku 24:49

Re, mị vaa sị ịsa ana Ada amị kà a ka ẹ yị zụ nyị ka ọnị ọ yị sị wụ nịnị, tụ́ hi wu nịnị. Ama jẹẹ Ijerusarẹmị nịnị pooro di Ohomorihi ọ̀ sị ụkata hụrẹ ẹbẹẹba va wụ nịnị!”

Iruuku 6:13

Ịjị eyi sị nị, dị ọ hị́ ezirẹma anị ka ẹ̀ vẹ nị. Dị ọ nyị ẹwụrẹva ọnị ọ hị́ odeyi nịnị nị.

Ịjọọnụ 17:2

Wa raà sị ọda avaba aza chire mi ụvọ, agụvị dị ma zụ mẹ ka avaba aza ọnị ụ kụ́ chire mi ụvọ, ẹ̀ yàra ị́dị awụ pooro zịna-zịna.

Ịjọọnụ 3:27

Dị Ịjọọnụ tụ́ wa ohi, dị ọ ka, “Ẹ yị nyị ịsị ọza nyẹngụ nyị, ẹ̀ yị vị Ohomorihi ọ̀ọ sị yọ.

Ịjọọnụ 3:35

Ohomorihi Ada ayị ô sì ịrẹyị Ozi anị, dị ọ rẹ sị avaba ịsavị-ịsavị chire e ụvọ nị.

Ịjọọnụ 6:70

Dị Ijeesu tụ́ ohi, dị ọ ka, “Wâ yẹ ka ẹma nyị ẹwụ nịnị ẹwụrẹva nị. Ama ọza ịnyara awụ nịnị vị echu.”

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 19:15

Ama dị ụhwẹ echu ọnọọ kà a yị wa ka, “Mâ yẹ Ijeesu, ma rẹ yẹ Ịpọọrụ, ama ẹwụ nịnị, ẹnị ụ vị nịnị?”

Ẹtore 12:1

 nyị apọtẹrẹwa ọbanyị ọnya ana jịnẹ tụ́ ẹhẹ ẹ́bẹẹba; apọtẹrẹwa ọnọọ yị:  nyị ọnẹẹ ọnya aanị ana sị ọyị mẹ ịta kú ẹngụ, dị ụhwẹ yà iruvo ahụ anị nị. Ô kú ọkẹkẹrẹkụ ọnya ana nyị ụzọmị ẹwụrẹva.