Ịmarakayị 2:2 - IWE ỌNỊNỊ

² Ộ kà yị wa ka, ẹnịnị ẹ yị zẹẹ ka ẹnị ẹ saasa ịrẹyị anị, dị ẹ yị sị ụbanyị yi ọnị nị. Ọ kà ọnị vee chì hi wa. Ọnị vaa vara ize ẹnịnị ozirenu. Ọ kà ọnị ộ hyakụ raà vara a ozirenu agụvị ka ẹnịnị ẹ sị ịrẹyị anị tụ́ aruvore.

Ịmarakayị 2:2 ပူးပေါင်းရင်းမြစ်များ

Ahẹ Ụgama 69:22

Ohomorihi, navọ ịzị aza ẹnẹẹ yà aa rị ịsa ịsọvọ ọ̀ vara ịrẹpa za wa. Navọ ahịka ịzọọ ẹ yà rị ọgụ ebira odivi ẹnịnị nị.

Ụhịrẹyị 3:33

Ozirenu Ẹnẹyịmavara va ya ịrẹsụ ovwoovu ọza odivi ama ọọ̄ mẹ̀ ka o zee yị ọza ana mẹ̀ ọyịza nị.

Ayịsaya 42:25

Agụvị avọọ, ộ sị ọyịkụ anị zụ yị, dị ọ mẹ̀ ka à kụ́ ịrẹkụ tu yi, dị ya rị ụya nị. Dị ọyịkụ anị rị avaba ẹtẹ Isirẹrị anka ịra mẹẹ rị avọọ. Ama yẹ yị yẹ ịsaa mẹ̀, yẹ yị va kọ ọsẹ ịsa ọnyọọnyị hụụnị anị.

Ayịsaya 47:7

Ví ú ro ka vị ụ vaa vị ohinọyị anyẹnẹẹ pooro nị, wẹ yị sị ịrẹyị ẹnẹnị tụ́ ịnị ayị; we yi ro o ka sị ẹ vaa vị ọzẹtẹ anị kẹ”.

Ayịsaya 57:11

Ẹnẹyịmavara kà, “Ẹnẹ vị ori ẹnẹnị enee chire wu angwa, ana mẹ ka wee cheechee yị mị, di u ree hi ayị amị saka-saka. Agụvị ka me yi tụ́ ohi hụrẹ ịhị ọnọọ, ọ́ọ́ mẹ ka à sị ụ sị ụbanyị yị mị nị?

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

Ezikẹẹrị 3:7

Ama Anisirẹrị nịnị ẹ yị vaa wụ́ ịrẹyị anị, agụvị ka ẹnịnị ẹ́ yị hyakụ tenyi ẹngụ ọ̀ yị wụ́ ịrẹyị ọnị Ohomorihi. Ayị avaba Anisirẹrị nịnị vị ana katẹngụ ẹnịnị ẹ yị ma wụ́ ịrẹyị ọza.

Ịhagayị 1:6

Ọ kà ẹnịnị ê chire ịsa ọrụrụ ama dị ahịka ịsa chee kẹnẹ e re hụụnị anị nị. Ẹnịnị yáa rị ama ịnẹ ọ yị ha wa, e yee hu eche ama ọ yị nọ wa onyi, ẹ yaa sị ịta ku ẹngụ ama ọ yị ku wa ahị. Ẹ yaa dọ ẹkẹhị ụkọrọ ama dị ahịka ẹ yaa va a hi oku awuru ọ jị iruvo nị.

Ịhagayị 1:9

Ọ kà ẹnịnị ê tụra eyi ka ịsa ọyịna ẹnịnị vaa rụrụ ama chee kẹnẹ ê re nị. Ẹnẹyịmavara kà ịsa ọnị ẹ̀ẹ kụ vẹ ịnị eehi vị ọnị ọnị tụ́ ọ ahị va ha. Sị ẹ vẹ? Agụvị ka irehi anị vị ana jị eburu tịtẹ, ama dị ọzọza para a huu ne tenyi irehi ẹnịnị kẹnẹ nị.

Ịmarakayị 2:1

Ẹnẹyịmavara Ochẹtẹẹngụ ộ hị́ ohirẹsụ irehi Ohomorihi nịnị, dị ọ mẹ ọda yị wa nị.

Ịmarakayị 3:9

Agụvị avọọ, ê reè chi hí wa agụvị ka avaba ẹnịnị aa mẹ̀ ọnị rị.

Iruuku 17:18

Ẹ yị nyị ọza ịnya ene e re ana vavẹ va sị ụga yị Ohomorihi, ẹ̀ yị vị ọzọga ọnọnị ịnya kẹnẹẹ?”

Ijosuwa 7:19

Dị Ijosuwa kà a, “Ozi emi, ka ịzẹyịza ịzẹnị ọvịdị Ẹnẹyịmavara ana vị Ohomorihi Anisirẹrị nịnị. Ka irenu awụ kà a mị booro anị ịsị ụ mẹ̀. Asị ụ da a gu.”

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.

Ẹtore 14:7

Di o nowu tụ́ ẹba ka, “Nyị angwahi Ohomorihi, dị waa sị ụgaa yọ, agụvị ka ụmẹ ana aa sịị mẹ̀ ọkarẹyị anẹhẹ o si tù. Waa hẹkẹ ọza ana mẹ ẹbẹẹba ọnịrị ẹhẹ beri oku ọnịrị enyi ẹtẹ!”

Ẹtore 16:9

Dị ọyị aa rị aza kẹnẹ nị. Dị aza aa kà ịrẹyị odivii hi Ohomorihi, ana ahịka ọ́ọ nyị ụkata tụ́ ịrẹsụ ụyọrị ẹnẹnị nị. Ẹnịnị eyi ro ịnẹ varẹma, dị ẹ̀ẹ ga Ohomorihi.