Ịmarakayị 1:3 - IWE ỌNỊNỊ

³ dị ọnị nyị ịhyẹrẹ Iisọ nị. Ọnị ọ raà mẹ̀ ka ẹkụra Iisọ ana ya ịrẹsụ ataba ọ tụ́ osusu. Dị ahịka ahaka nịnị kẹnẹ ẹ kụ́ ịzọọ ogu nị.

Ịmarakayị 1:3 ပူးပေါင်းရင်းမြစ်များ

Oyinyima 25:23

Ọ mẹ na họ̀ ọ, Di Ẹnẹyịmavara tụ́ o ohi dị ọ ka: Anẹkụra ẹẹva e hi ịnị ịrẹka anị nị. Anẹkụra ẹẹva ọ vaa ma nị, ama vị ẹ vaa gàa hi nị. Ọnya ọ vaa nyị ụkata hu ọsa nị. Ana vị ọzọkụ ọ vaa hẹkẹ ana vi ozweyi nị.

Ayịsaya 35:7

Àarẹ ana aa ngụraa za ọza vaa vara adagu enyi, dị ẹtẹ ana sị wụ̀ kokoroko kụkụ aa tụ̀ enyi avaba aha. Ịzị akatapooro nịnịị̄ vịdịị yà, vị avị ini apasị ọnịrị ịkẹ vee nyii hi.

Ijeremaya 49:10

Ẹnẹyịmavara kà, ama, ọnị ọ sị evere Iisọ tụ ahwaahụ saka-saka, ẹnịnị ẹ yị kụkụ zụ tẹ. A sị avaba Anedomi vú ẹtẹ, ọza ịnyara ẹ́ yị vẹtẹ ịnị ẹnịnị.

Ijeremaya 49:20

Ọ kà, agụvị avọọ, wụ ịsị ọnị rò ka ọnị vaa mẹ Anedomi nịnị ọnịrị Anẹkụra ana aā hị́ Itemani nịnị. Ezweyi ẹnịnị vị ana vaa kụụ hara ẹtẹ nee hu, dị angwa ee hí avaba aza.

Ijeremaya 49:33

Ẹnẹyịmavara kà, Ịhazọ vị ọnị ọnị vaa tụ osusu paa dị ahịka irezi ịnị avị ẹ vanaa ra ịzọọ ọnị. Ẹ́ ma vana nyị ọza anaa vanaa ra ịzọọ.

Ijeremaya 49:7

 nyị anẹkụra ana aā hị́ Edomi. Ịrẹyị ẹnịnị ọnị Ẹnẹyịmavara Ochẹtẹẹngụ ka yị. Ọ kà, Aanịka vị Anedomi nịnị ẹ̀ yị vị ana kụkụ nyị ịrẹyọyẹ vụrụ-vụrụ nị? Aanịka ẹ́ yị kụkụ nyị ọza ana zụ pe wa juwe ịsa vọrọ ka ẹ̀ mẹ da? Vị́ ịrẹyọyẹ wa vana tá hụụ ịzọọ nị?

Ijeremaya 49:8

Ẹnẹyịmavara kà, ẹwụ nịnị Anidedani, vareyi wee zwè, dị wa ne tẹ̀ nịnị, ka ụmẹ o si tu ka ọnị ọ̀ sị ụya rị evere Iisọ, ọnị vee vụ wa ẹtẹ.

Ijeremaya 51:37

Ẹtẹ Ịbabịrọnị vaa jị eburu dị ahịka uye ịnị avị ẹ kụkụ ra ịzọọ nị. Ịrẹyị anị vaa mẹ ayịị hụrị aza ịnẹ, ẹtẹẹtẹrẹ èe re e, dị ọ kụkụ aa nyị ọza ịhyẹrẹ. Ọza ẹ́ yị ma vana ra ịzọọ.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Arụwẹ 4:22

Ụyọrị Anịzayọnị vaa ta. Ẹnẹyịmavara ẹ yị kụkụ vaa za ayị ku aha ịzị a za ayị ọrịhị ne hi aanị. Ama Ẹnẹyịmavara vaa sị ụya ịvị Anedomi rị wa. Ọ vaa kụ wa uruvo hi ẹhẹ dị è re ebira odivi ẹnịnị.

Ezikẹẹrị 36:7

Ọnị ọ́ọ hị́ eku ka avaba ẹkụra ana kara ẹtẹ Isirẹrị vị ana a vaa mẹ ụhịị nyị.

Ezikẹẹrị 36:9

Ọnị Ẹnẹyịmavara yà awụ nịnị ịrẹma. Ọnị vaa mẹ ka, à varẹma jị ẹtẹ awụ nịnị ịrịkụ, di e chire ịsa hi ọ.

Ijowẹrị 3:19

Ẹkụra Ijipiti ọnịrị Edomi vaa tụ́ osusu, dị ẹ jị eburu agụvị ka ẹnịnị ệ kụ ịrẹkụ tu Anijuda, dị ẹ wụ̀ aza va ha kẹnẹ-kẹnẹ nị.

Ọbadaya 1:10

Agụvị ka ệ dọ ezi Ijekọvụ ọnị ẹnịrị wa vị ezi ẹyịnyara ẹnya, dị ẹ wụ̀ wa, a vee vu wa ẹtẹ, dị ọ vị ụhị wa pooro zịna-zịna.

Iruuku 14:26

“Ọza ana àa vẹ ịdị amị, di ò yi hí ayị ada anị ọnịrị ọnyị anị beri ose anị ọnịrị ozi anị ọnịrị ẹyịnyara anị ọnẹẹ ọnịrị ọnọrụ, dị ọ̀ yị rẹ hyakụ hí ayị ẹngụ anị ụvọta nị, ọza ọnọọ ọ yị zụ vị ozirẹma amị.