Ịmaakị 9:7 - IWE ỌNỊNỊ

⁷ Dị eguhi ọnya aanị dà và kú wa nị. Dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, waa wụ́ ịrẹyị anị nịnị!”

Ịmaakị 9:7 ပူးပေါင်းရင်းမြစ်များ

Ahẹ Ụgama 2:7

Dị ọza ọnị ọ sị rị ohinọyị ka, ọnị vaa kà a yị avaba aza ọda ẹnị Ẹnẹyịmavara mẹ. Ẹnẹyịmavara ộ hị́ ohinọyị dị ọ ka Ẹwa vị ozi emi nị, ajịnị mị ma wụ nị.

Ahẹ Ụgama 97:2

Eguhi dụmẹ-dụmẹ vị ana kara Ẹnẹyịmavara, ohinọyị anị vị ana aa sị ịzẹyịzaa mẹ, ọ mā mẹ apẹ.

Ọyịkụra 24:16

Di ẹtohweyi ụbanyị Ẹnẹyịmavara yà ịnị ataba ọnọọ nị. Avọọ eguhi ọnọọ mè kú ataba ọnọọ mẹ ẹkụhị ịhịnọnyị nị. Ịhị ẹ tụ́ ọ ẹkụhị ịhịmba, dị Ẹnẹyịmavara va yà ini eguhi ọnọọ dị ọ hị́ Imosiisi nị.

Ọyịkụra 40:34

Ịjọnọọ di eguhi chaka kú ajẹngụ ọnọọ dị ụbanyị Ẹnẹyịmavara dọ avaba ajẹngụ ọnọọ nị.

Ịdanịyẹrị 7:13

Ịdanịyẹrị ka ịnị ẹtẹ ọnị ọnị re ịrahụ, ọnị ô re ịsị ẹ sị mẹẹ anka ọza avọọ ka aa vẹ ịnị akakana eguhi. Dị a sị ọ ne tu ọza ana ya ịzọọ hụrị ụmọrụmọ aanị nị.

Imatiwu 27:43

Ộ sị ayị tụra Ohomorihi; Ohomorihi òo sì ọọ, ọ̀ dọ ọ tụ́ booro aanị kẹ! Ộ kà a ka Ozi Ohomorihi ọ́nị vị nị.”

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

Ịmaakị 1:11

Dị ọngwẹ ọnya hụrẹ ẹbẹẹba vẹ ka, “Ẹwa vị Ozi emi oni mi sì ịrẹyị anị nị, ịnẹ amị ô hine tù wu ẹtẹẹtẹrẹ.”

Ịmaakị 9:6

Ipita ọ yị yẹ ịsa a vọrọ ka ọ̀ kà, agụvị ka angwa ee hí wa ẹtẹẹtẹrẹ.

Ịmaakị 9:8

Kẹnẹ, dị ẹ kana eyi nị, e yi kuku re ọza ọnyọọnyị, ẹ yị vị Ijeesu ọnịnya kẹnẹ.

Iruuku 3:22

Dị Ụhwẹ Ọnịnị chí vẹ anka arivadi avọọ, dị ọ và kú ọọ nị. Dị ọngwẹ ọnya hụrẹ ẹbẹẹba vẹ ka, “Ẹwa vị Ozi emi oni mi sì ịrẹyị anị nị, ịnẹ amị ô hine tù wu ẹtẹẹtẹrẹ.”

Ịjọọnụ 1:34

Ma si oo re, mâ dọ ivenu tụ́ ọọ ka ọnị ọ vị Ozi Ohomorihi nị.”

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Ịjọọnụ 12:28

Ọga, sị igirima yị ẹngụ awụ!” Dị ọngwẹ ọnya kà ịrẹyị hụrẹ ẹbẹẹba vẹ nị, dị ọ ka, “Ma raà sị igirima yị ẹngụ amị da, mị rẹ vaa sị igirimaa yị ẹngụ amị.”

Ịjọọnụ 19:7

Dị Aniju nịnị tụ́ ọọ ohi, dị ẹ ka, “Yâ nyị ọda ọnya. Anka ọda ayị ọnọọ, vị a vọrọ ka ò sú nị, agụvị ka aa hị́ ẹngụ anị Ozi Ohomorihi nị.”

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ịjọọnụ 5:18

Agụvị avọọ dị Aniju ẹnẹẹ ee sì oze hu avọọ ka ẹnị ẹ̀ wụ ọọ nị, agụvị ka ẹ yị vị ọ jịnẹ ọda ẹkụhị ụhwọtụ kẹnẹ, ọ rẹ ka Ohomorihi ọ vị Ada anị nị, ọnọọ vị ka aa sị ẹngụ anịị pe Ohomorihi mẹ ọpa.

Ịjọọnụ 5:37

“Ada amị ụvọta ana tụ́ mị vẹ ẹhẹ ọnị ọ rẹ dọ ivenu tụ́ ịnị ịrẹyị amị. Wẹẹ̀ yị wụ́ ọngwẹ anị nịnị da, weè yi re re e nịnị, ọ mẹmẹ yà.

Ịjọọnụ 6:69

Ya sị dọ wụ́, ya rẹ sị yẹ ka ẹwa vị Ọza Ọnịnị Ohomorihi nị.”

Ịjọọnụ 9:35

Ijeesu ộ wụ́ ka ẹ sị ọnọrụ ọnọọ dụ kwooze. Ịjị o re e, ộ họ̀ ọ use ka, “Wáá sị ayị tụra Ozi Ohomorihi?”

Odeyi 1:9

Ịjị ọ maanị sị ịrẹyị kà yị wa, dị Ohomorihi sị ọọ nọ ẹbẹẹba nị. Ẹ́nịnị mèe yii re e, di eguhi vú ọọ hi wa eyi nị.

Odeyi 7:37

Imosiisi ọnọọ ộ kà a yị Anisirẹrị ka Ohomorihi vaa tụ́ ọnịsẹ ọnyaa hi wa anka ọ mẹ̀ tụ́ ọnị. Dị ọ ka anda awụ nịnị ọ vaa vị nị.

Odeyi 8:36

Ẹ màa na óze, e ve tù aha ọnya aanị, ịzị enyi yà. Di osuretu ọnọọ ka, “Enyi yọ, sị a vọrọ ka ọ̀ za mị ka asị a mẹ̀ ọyịhwọzenyi mị?”

Aniroomi 1:4

Ama ini oze ka Ohomorihi ộ ha a hụụnị isu, ọnọọ ộ sị zụ̀ ka ịdị Ohomorihi ọ hụrẹ vẹ nị, ọnịrị ka Ozi Ohomorihi ọnị ọ sị avaba ụkata yị ọ vị nị.

Anihiburu 2:1

Agụvị avọọ a sị vọrọ ka ya nyayịnẹ sị ụvọ za ịrẹyị ọnị ị wụ́, agụvị asị i ne nyeeyi nị.

2Ipita 1:17

Óhomorihi Ada anị mẹ̀ sị igirima ọnịrị ụbanyị yọ, yáa wụ́, Óhomorihi ana nyị avaba ụbanyị mẹ̀ kà ịrẹyị, dị ọ ka: Ozi emi yị, mee sì ịrẹyị anị ẹtẹẹtẹrẹ, ịnẹ amị óo hine tù ọ.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Ẹtore 1:7

Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.