Ịmaakị 9:41 - IWE ỌNỊNỊ

⁴¹ Ịzẹyịza m maa kà nị, ọza ana àa ká enyi ako ọnya yị wụ nịnị ka we hú ọọ, agụvị ka wâ vị Íikirisiti nịnị, ẹ yị zụ nyị ka ọ yị vaa rị ọgụ anị.”

Ịmaakị 9:41 ပူးပေါင်းရင်းမြစ်များ

Imatiwu 10:42

Ọza ana àa ká enyi ohunẹnẹ yị ọnya ịnị aza ene èe weyi hu keekere ini ezirẹma amị, agụvị ka ộ vị ozirẹma amị, ayị zụ nyị ka ọ yị vaa dọ ọgụ anị.”

Imatiwu 25:40

Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Ịmaakị 4:10

Ịjị ọ sị vị ọnịnya, dị aza anaā dụ ọọ zị ọnịrị ezirẹma anị ẹwụrẹva va họ̀ ọ use ini oze ụhịrẹyị ẹnẹẹ nị.

Aniroomi 14:15

Ẹngụ ịsa ọnị ụ waa rị, àaa mẹ ka ọhụva awụ òo du ayị, wẹ yị kụkụ mẹ̀ ebira ịrẹyị ọza oyisì. Ọza oni Ikirisiti hụ ụvị anị sú, asị ụ kụkụ na sị ẹngụ ịsọyịrị awụ mẹ ka ò vu ẹtẹ!

Aniroomi 8:9

Ama Ụhwẹ Ohomorihi ọ̀ọ yà ịnị ayị ẹwụ nịnị, wẹ yị kụkụ sị ayị tụ́ ịnị ịsa ọnị ọchẹngụ awụ nịnị sì kẹnẹ. Ịsa ene zé Ụhwẹ Ohomorihi eyi, ụ sị ayị tụ́ ịnị anị nịnị nị. Aza ọnị Ụhwẹ Ikirisiti ọ̀ yị yà ịnị ayị anị, ẹ yị vị aza anị ẹ vị.

1 Anịkọrịntị 15:23

Ịsa ẹnẹnị vị ana vaa mẹẹ tù ẹngụ tù ẹngụ: Ijeesu Ohinọyị oni Ohomorihi nyị ka ọ̀ dọ yị há, ọ vịdị vaa haa hụụnị isu nị; ịnị ụmẹ ọnị ọ̀ọ vaa sị vaa vẹ ịnị ẹhẹ ọnọnị, avaba aza ana vị áanị ẹnị rẹ vaa ha hụụnị isu.

1 Anịkọrịntị 3:23

Ikirisiti ọ nyị ẹwụ nịnị, dị Ohomorihi ọnị nyị Ikirisiti nị.

2 Anịkọrịntị 10:7

Wáá yẹ nịnị ka ịzẹyịza ọ yị kà a ka asị ọza kà ọnị? Àa nyị aza ana dọ ka hịịn Óohinọyị oni Ohomorihi nyị ka ọ̀ dọ yị há ẹnị vị nị, aza ẹnẹẹ ẹ̀ tamayị ka, ẹnị mẹ̀ vị Óohinọyị oni Ohomorihi nyị ka ọ̀ dọ yị há avọọ, avọọ ẹyị mẹ̀ rẹ vị aanị nị.

Anigaratiya 3:29

Agụvị ka avaba ayị kụkụ vị Íikirisiti, ọnị ọ vị ka ezi Abụrahamị i kụkụ vị nị. Ẹyị rẹ vaa dọ avaba ẹyịza oni Ohomorihi kà a ka ayị zụ nyị ka ọnị ọyị vaa sị yị Abụrahamị.

Anigaratiya 5:24

Aza ana vị aza Ijeesu ẹ raà sị avaba ebira edivi ẹnẹẹ ẹnẹ ẹ vịdịị mẹ kwooze beri avaba ariro odivi ẹnịnị; ẹ raà kanyị ọọ za ọchị apavahị.