Ịmaakị 9:26 - IWE ỌNỊNỊ

²⁶ Dị ụhwẹ echu ọnọọ nowu zẹtẹ, di o henyi ozi ọnọọ jigi-jigi, dị ọ jịnẹ hụụnị ẹngụ anị nị. Dị ozi ọnọọ sị mẹẹ anka oku avọọ nị. Dị aza ka ô wusu nị.

Ịmaakị 9:26 ပူးပေါင်းရင်းမြစ်များ

Ọyịkụra 5:23

Ọ kà ọnị mẹ̀ hụrẹ nọ ịda Ihwarawo na kà ịrẹyị ọnị ọ ka ọnị ọ̀ kà yọ, ọ vana hụrẹ aa sị eyi aza ẹnẹnịị re ịrẹyị nị. Ọ kà ọ yị va ka ka ọnị aa dọ waa tụ́ vụrụ-vụrụ.”

Imatiwu 15:22

 nyị ọnẹẹ ọnyara aanị ana yà ịzọọ. Anikenaani ọ vị nị. Dị ọ vẹ, di ee nowu nị, dị ọ ka, “Ọga, ozi Idevidi, vayị amị de! Ozi emi ọnẹẹ ộ nyị ụhwẹ echu; aa sị ụyaa rị ọ ẹtẹẹtẹrẹ.”

Ịmaakị 1:26

Dị ụhwẹ echu ọnọọ henyi ọnọrụ ọnọọ jigi-jigi, di o nowu zẹtẹ, dị ọ jịnẹ hụụnị ẹngụ anị nị.

Ịmaakị 9:18

Ọ̀ọ sị ọọ za, dị aa jị ọọ kú ẹtẹ, di ee kú irenu, dị aa rị anyị, dị ọ sị tana geri-geri. Dị mị ka ezirẹma awụ ẹ̀ dụ ụhwẹ echu ọnọọ jịnẹ nị, ama ẹ yị nyẹngụ dụ ọọ.”

Ịmaakị 9:20

Dị ẹ sị ọọ ká Ijeesu na nị. Ụ́hwẹ echu ọnọọ mè yi re Ijeesu kẹnẹ, dị ọ sị ozi ọnọọ za, dị ọ hyẹdụ nya ẹtẹ, di ee muna ẹtẹ, di ee kú irenu nị.

Ịmaakị 9:25

Íjeesu mè re ka aza wusee zwee vẹ, dị ọ mẹ da yị ụhwẹ echu ọnọọ nị, dị ọ ka, “Ẹwụ ụhwẹ, eneē gu ọza irenu ọnịrị ụtọ, maa mẹ̀ ọdaa wụ, jịnẹ hụụnị ẹngụ anị, asị ụ kụkụ varẹma ngụ ịnị ẹngụ anị!”

Ịmaakị 9:27

Dị Ijeesu sị ụvọ gẹ ẹ ụvọ kwẹẹtẹ, dị ọ jẹẹ nị.

Ẹtore 12:12

Agụvị avọọ, ẹwụ nịnị ẹbẹẹba ọnịrị aza ene hi ịnị anị, waa jẹ nịnị! Ama ẹwụ nịnị ẹhẹ ọnịrị oku, wa sị da nịnị, agụvị ka Echu o zi chí ka wụ nịnị vẹ. Ayị anị aa dà ọva, agụvị ka ộ yẹ ka ụmẹ anị aa chee aanị.