Ịmaakị 9:25 - IWE ỌNỊNỊ

²⁵ Íjeesu mè re ka aza wusee zwee vẹ, dị ọ mẹ da yị ụhwẹ echu ọnọọ nị, dị ọ ka, “Ẹwụ ụhwẹ, eneē gu ọza irenu ọnịrị ụtọ, maa mẹ̀ ọdaa wụ, jịnẹ hụụnị ẹngụ anị, asị ụ kụkụ varẹma ngụ ịnị ẹngụ anị!”

Ịmaakị 9:25 ပူးပေါင်းရင်းမြစ်များ

Ịzakaraya 3:2

Dị anggẹẹrị Ẹnẹyịmavara kà yị echu ka Ẹnẹyịmavara ọ mẹ̀ ọkarẹyị yọ nị. Ẹnẹyịmavara ene sì ịrẹyị Ijerusarẹmị ọ jị ịvị yọ. Ọnọrụ ọnọnị sị mẹ anka ọchị ana tụ̀ hụụnị ịra avọọ nị.

Imatiwu 12:22

Dị aza ẹnyị aanị sị ọza ịnya aanị vẹ ịdị Ijeesu nị. Ọza ọnọọ vị ana nyị ụhwẹ echu ene gu ọ eyi ọnịrị irenu. Ijeesu ộ mẹ̀ ọnọrụ ọnọọ ụkụ, dị ọ kụkụ aa kà ịrẹyị, di o ree re ẹtẹ nị.

Imatiwu 17:18

Dị Ijeesu tụ́ ụhwẹ echu ọnọọ ohuvọ, dị ọ hụụnị ẹngụ ozi ọnọọ nị. Ẹngụ ozi ọnọọ ộ ta hụrẹ ụmẹ ọnọọ.

Ịmaakị 9:15

Aza mè yi re Ijeesu kẹnẹ, o si hí wa irenu ẹtẹẹtẹrẹ, di e wuse zwe na gẹrị ọọ, dị ẹ kụ́ ọọ nị.

Ịmaakị 9:24

Dị ada ozi ọnọọ wụsẹ nowu zẹtẹ, dị aa ká ẹgọ, dị ọ ka, “Nda, mâ sị ayị tụra wụ de; gụ mị ụvọ dị ma sị ayị tụra wụ hu avọọ!”

Ịmaakị 9:26

Dị ụhwẹ echu ọnọọ nowu zẹtẹ, di o henyi ozi ọnọọ jigi-jigi, dị ọ jịnẹ hụụnị ẹngụ anị nị. Dị ozi ọnọọ sị mẹẹ anka oku avọọ nị. Dị aza ka ô wusu nị.

Iruuku 11:14

Ijeesu aa dụ ụhwẹ echu ọnyaa jịnẹ hụụnị ẹngụ ogurenu ọnya. Ịjị ụhwẹ echu ọnọọ sị jịnẹ, dị ọnọrụ ọnọọ kụkụ aa kà ịrẹyị nị. Di o si hí aza ẹnẹ irenu nị.

Iruuku 4:35

Dị Ijeesu tụ́ ọ ohuvọ, dị ọ ka, “Wụsẹ mẹ hẹẹ, dị ụ wa jịnẹ hụụnị ẹngụ ọnọrụ ọnọọ!” Ụ́hwẹ echu ọnọọ mè ne ọnọrụ ọnọọ nya ẹtẹ éyi aza ẹnẹẹ, dị ọ jịnẹ hụụnị ẹngụ anị nị, ama ọ yị tụ̀ ọ ụnava.

Iruuku 4:41

Dị ụhwẹ echu nịnị ẹnị rẹ jịnẹ hụụnị ẹngụ ọza ọrụrụ-ọrụrụ, di eyee nowu ka, “Ẹwa vị Ozi Ohomorihi nị!” Ọ màa tụ́ wa ohuvọ, ọ yị zẹẹ ka ẹ̀ kà ịrẹyị, agụvị ka ẹnịnị ệ yẹ ka Ikirisiti ọ vị nị.

Iruuku 8:29

Ộ maanị kà, agụvị ka Ijeesu ộ vịdị kà a yị ụhwẹ echu ẹnẹẹ ka ẹ̀ jịnẹ hụụnị ẹngụ ọnọrụ ọnọọ. Ụmẹ tụra ụmẹ, ọ sịị̄ za a nị. Â sị ẹba sụ́ ọọ, di a rẹ sị ịchẹkẹchẹkẹ sụ́ ọọ nị, ama dị ọ jị wa và ha chẹkẹ-chẹkẹ nị. Dị ụhwẹ echu ọnọọ dụ ọ na tụ́ ịnị ụnọmị nị.

Iruuku 9:42

Ózi ọnọọ màa yịị na kẹnẹ, dị ụhwẹ echu ọnọọ rẹ za a nya ẹtẹ, dị ọ mẹ ka ọ̀ọ dà evutu nị. Ijeesu ộ tụ́ ụhwẹ echu ọnọọ ohuvọ, dị ọ mẹ ozi ọnọọ ụkụ, dị ọ rẹ sị ọọ chire ada anị ụvọ nị.

Odeyi 16:18

Ẹkụhị ọrụrụ-ọrụrụ ọ maanị sị sị aa yịị kà nị. Ụpẹ ọnya kẹnẹ, ọ sị kụ́ Ịpọọrụ ayị, dị ọ vara eyi, dị ọ kà a yị ụhwẹ echu ọnọọ ka, “Ịnị ịrẹha Ijeesu mâ mẹ ọdaa wụ, ka wa jịnẹ hụụnị ẹngụ anị!” Dị ụhwẹ echu ọnọọ wụsẹ jịnẹ hụụnị ẹngụ anị nị.

Ijudi 1:9

Ụmẹ oni ohirẹsụ anggẹẹrị nịnị ana aā hị́ Ịmayịkẹẹrị, ọnịrị Echu gẹ, dị ẹyaa nyị ahankata tụ́ ịrẹsụ oku Imosiisi, Ịmayịkẹẹrị ọ́ yị hyakụ nyayịnẹ kụ̀ Echu ụhụ, dị ọ mẹ̀ ọkarẹyị yọ. Vị́ ọ kà a yọ kẹnẹ ka: Ohomorihi ọ vaa tụ́ wụ ohuvọ nị.