Ịmaakị 9:24 - IWE ỌNỊNỊ

²⁴ Dị ada ozi ọnọọ wụsẹ nowu zẹtẹ, dị aa ká ẹgọ, dị ọ ka, “Nda, mâ sị ayị tụra wụ de; gụ mị ụvọ dị ma sị ayị tụra wụ hu avọọ!”

Ịmaakị 9:24 ပူးပေါင်းရင်းမြစ်များ

2 Ịsamụwẹrị 16:12

Ẹyịyara Ẹnẹyịmavara òo re ụya ọnị maa rị aanị, ọ vaa sị ịsa ozoza sị mị atọ ụhụ ana aa kụ̀ mị aanị.”

2 Ohinọyị 20:5

Ọ kà ọ na ka yị Ihezekaya ana vị ọdọvịdị aza anị ka, Ẹnẹyịmavara Ohomorihi ada anị Idevidi ka ọnị ọ raà wụ́ aduwa anị, di oni reè re orere anị nị.

Ahẹ Ụgama 126:5

Aza ana ahịka vi e yee sụ́ ùnè é mèe chire ịsa nị, navọ ẹ̀ẹ yaa kụ́ ịsa ọnọọ hụụnị aarẹ ahịka vị ẹ kụkụ aa jẹ nị.

Ahẹ Ụgama 39:12

Ẹnẹyịmavara, navọ wa wụ́ ịpọda amị sị wa gụ mị ụvọ Wê re m maa jị òrèrè, navọ we tụ́ mi ohi dị wa gụ mị ụvọ. Ọzọga mị vị dị mị ra pè wu anka ohiku amị mẹ̀ ra pè wu nị.

Ijeremaya 14:17

Ijeremaya ka, Ẹnẹyịmavara ộ kà a yị ọnị ka, ọnị ọ̀ kà a yị Anijuda nịnị ịsị ẹ vị ayodu anị, dị ọnị ọ̀ kà a ka, aanị eyi anị mẹ vaa ka ẹgọ, ọọdụ ọnịrị ịrahụ nị, ọnị ẹ yị hụụnị orere ọ̀ yị jị, agụvị ka aza anị ẹ́ raa tụ ụnava ngọtọọ, ịrẹyị odivi ô tù wa.

Ịmaakị 9:23

Dị Ijeesu ka, “Sị ụ waa kà kẹ, màa nyẹngụụ? Ọza ana àa sị ayị tụra mị, ọ nyẹngụ mẹ avaba ịsa bemi-bemi.”

Ịmaakị 9:25

Íjeesu mè re ka aza wusee zwee vẹ, dị ọ mẹ da yị ụhwẹ echu ọnọọ nị, dị ọ ka, “Ẹwụ ụhwẹ, eneē gu ọza irenu ọnịrị ụtọ, maa mẹ̀ ọdaa wụ, jịnẹ hụụnị ẹngụ anị, asị ụ kụkụ varẹma ngụ ịnị ẹngụ anị!”

Iruuku 17:5

Dị odeyi nịnị kà a yị Ananyị yị ka, “Aarịhịnị, mẹ ka ẹdọwụ ayị ọ̀ banyị hu avọọ!”

Iruuku 7:38

Ộ na jẹẹ ịrẹma Ijeesu, dị ọ jẹẹ ịpa ahụ anị, di ee sụ ùnè, dị aa ká ẹgọọ kú Ijeesu ahụ nị. Ọ raa sị ẹyị ịrẹsụ anịị nyee ẹgọ ọnọọ, di ee kú ahụ Ijeesu irenu, di aa và eturare ọnọọ hi Ijeesu ahụ nị.

Iruuku 7:44

Di Ijeesu và eyi ká ọnẹẹ ọnọọ, dị ọ kà a yị Ịsayịmọnị ka, “U wee re ọnẹẹ ọnọnị? Mâ vẹ ini eehi awụ, wẹ yị ká enyi mị ka ma sị nyịna ahụ. Ama ẹgọ anị ọ́nị sị nyịna ahụ amị, dị ọ sị ẹyị ịrẹsụ anị nyee yọ nị.

Odeyi 10:19

Ipita ee yii sì ka ọnị ọ̀ yẹ iruvo ẹtẹ oni oni re aanị, dị Ụhwẹ Ọnịnị kà a yọ ka, “Re, â nyị aza ẹnị ẹẹta ene ee sì wu.

Odeyi 10:31

Dị ọ ka: ‘Ịkọnẹrịyọsị! Ohomorihi ọ sị aduwa awụ dọ. Ọ rẹ tamayị ẹyịza ọnị ụ waa mẹ.

2 Anịkọrịntị 2:4

M mẹ̀ chẹrẹ iwe ọnọọ tụ́ hi wu nịnị, ayị amị vị ene du ẹtẹẹtẹrẹ, dị ẹgọ aa ká mị eyi. Ayị vị ka me si du wu nịnị ayị, ama dụ wa zụ sị yẹ nịnị ka mê sì ịrẹyị awụ nịnị ẹtẹẹtẹrẹ.

Anẹhwẹsọsị 2:8

Vị Ohomorihi vayị awụ nịnị kẹnẹ, dị ọ dọ wụ nịnị há, ụ mẹ̀ sị ayị tụraa nịnị nị. Ayị vị agụvị ịsị ụ mẹ nịnị, vị Ohomorihi sị yị wụ nịnị ọọhẹ kẹnẹ nị.

Anihwiripi 1:29

Ohomorihi ộ sị oze wụ nịnị ka wa sị ayị tụra Ikirisiti nịnị. Ẹ yị vị ọnọọ kẹnẹ, ama ọ rẹ mẹ ka we re oze rị ụya nịnị agụvị anị nịnị.

2 Anịtẹsaronika 1:11

Agụvị avọọ ị sịị̄ mẹ̀ aduwaa wụ nịnị pooro nị. Yaa dá ịpẹ ka Ohomorihi ọ̀ navọ wa vọrọ tụra ịsa ọnị ọ hị́ wụ nịnị ka wa mẹ: ọ̀ navọ ọ̀ sị ụkata anị mẹ ka waa mẹ̀ ebira ọyịza, anka u mè sì ọ nịnị, dị ụ wa zụ mẹ̀ ụkọrọ ẹdọwụ awụ nịnị ne tù ẹtẹ.

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

2 Itimoti 1:4

Mâ tamayị ụ maa jị òrèrè. Eyi awụ aa tụra mị ẹtẹẹtẹrẹ; mee sì ka me re wu dị ayị amị ò zụ hine ẹtẹẹtẹrẹ.

Anihiburu 12:17

Wáa yẹ nịnị ka ô vene sì pooro ka ada anị ọ̀ mẹ ka ò zé yị ọnị, ama ada anị ô yi. Iisọ ộ hyakụ yị sị ẹgọ sì oze ka oni ò tenyi ịsa ọnị ọnị vịdị mẹ, ama o yi kuku re oze.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.