Ịmaakị 9:23 - IWE ỌNỊNỊ

²³ Dị Ijeesu ka, “Sị ụ waa kà kẹ, màa nyẹngụụ? Ọza ana àa sị ayị tụra mị, ọ nyẹngụ mẹ avaba ịsa bemi-bemi.”

Ịmaakị 9:23 ပူးပေါင်းရင်းမြစ်များ

2 Ịtọpa 20:20

Ẹnẹnẹ viri-viri eyinẹhẹ anị, dị aza kwẹẹtẹ nọ ịnị ụnọmị ana gụrị Itekowa nị. Ẹnịnị màa kwẹẹtẹ, dị Ijehosahwati ka ịrẹyị ẹnẹnị yị wa nị. Ọ kà a, ẹnị anọrụ Ijuda ọnịrị Ijerusarẹmị ẹ sị ayị ẹnịnị tụra Ẹnẹyịmavara Ohomorihi ẹnịnị, dị ẹẹ jẹẹ geri-geri. Ẹnịnị ẹ dọ ịrẹyị ọnị ọnịsẹ nịnị ka yị wa, ka ẹ vaa nyị ehuna.

Imatiwu 14:29

Dị Ijeesu kà ọọ vẹ nị. Dị Ipita jịnẹ hụụnị ẹpa, dị aa zị ụsẹ ị́rẹsụ enyi naa gẹrị Ijeesu nị.

Imatiwu 17:20

Dị Ijeesu kà a yị wa ka, “Agụvị ka wẹ yị dọ wụ́ nịnịị yọ nị. Ịzẹyịza, m maa kà a wụ nịnị nị, ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ataba ọnọnị ka ò hu iruvo hụụ ịzẹnị na tụ́ ịzọsọọ, vi ee hu iruvo nị, ẹ yị nyị ịsị ụ wẹ̀ yị va zụụ mẹ nịnị. [

Ịmaakị 11:23

Ịzẹyịza mị kà a wụ nị, ọza tụra ọza ana àa kà a yị ataba ọnọnị ka ọ̀ kwẹẹtẹ di ò ne ẹngụ ngụ ini òkū, dị ọ̀ yị mẹ ayị ẹẹva nị, ama dị ọ dọ wụ́ ka ịsị ọnị kà vaa mẹ nị, avọọ ọ màa yàa yọ nị.

Ịmaakị 9:22

Ụpọsa-ụpọsa ọ sịị̄ sị ọọ ne ngụ ịra, ọnịrị ini enyi, ka ọnị ọ̀ wụ ọọ nị. Ama àa nyị ịsị ụ zụ mẹ, vayị ayị, dị ụ wa mẹ ọgụvọ yị!”

Ịmaakị 9:24

Dị ada ozi ọnọọ wụsẹ nowu zẹtẹ, dị aa ká ẹgọ, dị ọ ka, “Nda, mâ sị ayị tụra wụ de; gụ mị ụvọ dị ma sị ayị tụra wụ hu avọọ!”

Iruuku 17:6

Dị Ananyị yị ka, “Ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ọchị ọnọnị nịnị ka ọnịrị ẹpa anị ò hu, dị ọ̀ hị́ ẹngụ anị tụ́ ini òkū, vị aa wụ́ ịrẹyị awụ nịnị nị.”

Ịjọọnụ 11:40

Dị Ijeesu kà a yọ ka, “Aanịka mẹ yị vịdị sị ọọ kà a wụ ka u vee re igirima Ohomorihi, wàa sị ayị tụra mị?”

Odeyi 14:9

Ọ mẹ̀ yaayịtẹ ịzọọ, ộ wụ́, Ị́pọọrụ màa kà ịrẹyị. Ịpọọrụ ô jị eyi ngụ ọ, di o re e ka ộ dọ wụ́ ka a zụ mẹ̀ ẹ ụkụ nị.

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.