Ịmaakị 9:2 - IWE ỌNỊNỊ

² Ịrẹma ẹkụhị ịhịnọnyị, dị Ijeesu sị Ipita ọnịrị Ijemiisi beri Ịjọọnụ nọ ịrẹsụ ataba ọnẹba ọnya aanị nị. Ẹnịnya kẹnẹ ẹ yà ịzọọ nị. Dị a vara Ijeesu ẹngụ éyi ẹnịnị nị.

Ịmaakị 9:2 ပူးပေါင်းရင်းမြစ်များ

1 Ohinọyị 18:33

Di o tenyi ọkụ hi ịrẹsụ atakuji ọnọọ, dị ọ vọ imaaru ọnọọ, dị ọ kụ́ ọ hi ịrẹsụ ọkụ ọnọọ nị.

1 Ohinọyị 18:42

Ịzẹyịza di Ahabị kwẹẹtẹ, dị ọ rị ịsa, di o sì ịsa hú nị. Ahabị màa rị ịsa, di Erija si hu aa hịrẹ nọ ịrẹsụ ataba Ịkamẹrị nị. O mè tù ịzọọ, di o kú ẹtẹ ini idinku anị, dị ọ và eyi chi nị.

Ọyịkụra 24:13

Di Imosiisi ọnịrị Ijosuwa ozi ahụ anị tenyi ẹngụ ẹnịnị, di Imosiisi hịrẹ ataba Ohomorihi na nị.

Ayịsaya 33:17

Ẹkụhị ọnya aa vẹ, ịhị ọnọọ u vee re ohinọyị ana nyị ụbanyị ka a mẹ ohinọyịị tụra ẹkụra ana kara a.

Ayịsaya 53:2

Agụvị ka ộ hụ ọvịdị Ẹnẹyịmavara anka ọchị ene èe yị kù ọnị ọ chị. Vị ọ rẹ sị mẹẹ ọchị anaa hà ẹ̀pà ịnị ẹtẹ ọyịwụ avọọ nị. Ẹ yị nyị ịsị ó vene; ẹ yị nyị ụbanyị ọnyọọnyị ana a vọrọ ka à sị kana eyi si ọ. Ẹ yị nyị ịsị ẹ yà ịnị ẹngụ anị ana a vọrọ ka ò tura ọza kà pe e.

Imatiwu 14:13

Ịjị Ijeesu wụ́ ọ, dị ọ hụụ ịzọọ, dị ọ ngụ ẹpa, dị aa nọ aha ọnya ịzị ọnịnya kẹnẹ vaa yà nị. Aza mẹ̀ sị yẹ, dị ẹ hụrị ẹkụra ẹnịnị, dị ẹ sị ahụ dụ ọ aa na nị.

Ịmaakị 14:33

Dị ọ sị Ipita ọnịrị Ijemiisi beri Ịjọọnụ aa na nị. Ẹngụ ô nyima aa jị Ijeesu obe, dị ẹngụ anị aa vaa hi nị.

Ịmaakị 16:12

Ịjọnọọ ẹnị ẹẹva ịnị ẹnịnị ệ zị oze ịnị avị aa nọ eehi. Ẹ màa na óze, dị Ijeesu sị ẹngụ zụ̀ wa ini oze irenyi nị.

Ịmaakị 5:37

Ijeesu ẹ yị zẹẹ ka ọza ọnyọọnyị ọ̀ dụ ọnị na, ẹ̀ yị vị Ipita ọnịrị Ijemiisi ne beri Ịjọọnụ, ọyịnyara Ijemiisi.

Iruuku 6:12

Ẹkụhị ọnya, dị Ijeesu hịrẹ nọ ịnị ataba ka ọnị aa na mẹ̀ aduwa nị. Dị ọ yà ịzọọ ịnị avaba ịrahụ, dị aa mẹ̀ aduwa nị.

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

2 Anịkọrịntị 13:1

Ụpẹ ọhụta oni mee vee hee wu nịnị yị. Dị ịrẹyị ọ̀ va nyị ahụ jẹẹ, â nyị ka aza ẹnị ẹẹva, à vị ẹẹta ẹ̀ dọ ivenu tụ́ ọọ.

Anihwiripi 3:21

Ọ vaa sị ụkata anị ọnị ọ sị nyị ehuna avaba ịsa, dị ọ sị vara ọchẹngụ ayị ịnị ẹhẹ ọnọnị, dị ọ kụkụ mẹẹ ka ò véné ọchẹngụ anị ana nyị igirima.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.