Ịmaakị 9:19 - IWE ỌNỊNỊ

¹⁹ Dị Ijeesu ka, “Sị ẹ vẹ dị ẹwụ nịnị anụmẹ ọgọnị ọ̀ yị dọ wụ́ vụrụ-vụrụ aanị? M mẹmẹ kụkụ vaa yà ịdị awụ nịnị kùu hu aanị? Ịzị mị vaa sị ẹngụụ dọ ịrẹyị awụ nịnị nee tù? Sị ozi ọnọọ vẹ!”

Ịmaakị 9:19 ပူးပေါင်းရင်းမြစ်များ

Ahẹ Ụgama 78:22

Iruvo ọ vị ka ẹnịnị ẹ yị sị ayị tụra Ohomorihi, ẹ yị dọ ka ọ zụ dọ ẹnị tụ́.

Ịrịka 14:11

Dị Ẹnẹyịmavara kà a yị Imosiisi ka, aanị ka aanị aza ẹnẹnị me vee yi ọnị tịtẹ nị? Avaba ohyozirenu pọpọrọpọ ọnị ọnị mẹ̀ ẹyị ẹnịnị, ẹnịnị ẹ yị yị sị ayị tụra ọnị.

Ịrịka 14:22

ẹ yị nyị ọza ịnị aza ẹnẹnị ana vaa ngụ ịnị ẹtẹ ọnọọ. Ẹnịnị è re ụbanyị anị ọnịrị ịvọpa irenyi-irenyi ọnị ọnị mẹ̀ ịnị ẹtẹ Ijipiti ọnịrị ịnị ụnọmị, ama dị ẹ̀ yaa sị akamawụ zama ọnị re nị.

Ịrịka 14:27

Ụpẹ ịrịka ya aza edivi ẹnịnị va sị rị uhuhu hi ọnị kẹ? Ụtọ anị o si hi yị ịrẹka ọnị ẹ yaa kụ́ ku ọnị.

Imatiwu 17:17

Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị anụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? Ịzị mị vaa yàa pe wu nịnị nee tù? Ịzị mị vaa sị ẹngụụ dọ ịrẹyị awụ nịnị nee tù? Sị ọọ ve tù mi ịzẹnị!”

Ịmaakị 16:14

Ịrẹma ọnọọ, dị Ijeesu rẹ sị ẹngụ zụ̀ ezirẹma anị ẹwụrọnya, ẹ́nịnị màa rị ịsa nị. Ộ tụ́ wa ohuvọ, agụvị ka ẹnịnị ẹ yị dọ ọnị wụ́, ayị ẹnịnị ọ sị katẹngụ, agụvị ka ẹnịnị ẹ yị dọ aza ene re ọnị ka ọnị ộ ha hụụnị isu wụ́.

Ịmaakị 9:18

Ọ̀ọ sị ọọ za, dị aa jị ọọ kú ẹtẹ, di ee kú irenu, dị aa rị anyị, dị ọ sị tana geri-geri. Dị mị ka ezirẹma awụ ẹ̀ dụ ụhwẹ echu ọnọọ jịnẹ nị, ama ẹ yị nyẹngụ dụ ọọ.”

Ịmaakị 9:20

Dị ẹ sị ọọ ká Ijeesu na nị. Ụ́hwẹ echu ọnọọ mè yi re Ijeesu kẹnẹ, dị ọ sị ozi ọnọọ za, dị ọ hyẹdụ nya ẹtẹ, di ee muna ẹtẹ, di ee kú irenu nị.

Iruuku 24:25

Dị Ijeesu va aa kà a yị wa ka, “Ho! Wâ vị ọnụra nịnị, oo! Wa mā hụra dọ avaba ịrẹyị ọnị ọnịsẹ nịnị kà wụ́ụ?

Iruuku 9:41

Dị Ijeesu ka, “Ho! Sị ẹ vẹ dị ẹwụ nịnị anị ụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? M mẹ̀ kụkụ vaa yà ịda awụ nịnị hu aanị? Ịzị mị vaa sị ẹngụ dọ ịrẹyị awụ nịnị nee tù? Sị ozi ewu ọnọọ vẹ ịzẹnị!”

Ịjọọnụ 12:27

Dị Ijeesu rẹ ka, “Ayị amị o si du booro aanị. Sị mị vaa kà? M máá vaa kà a ka Ada amị ọ̀ sị ịrẹyị ọnọnị hụrẹ mị ịrẹsụ nị? Ama agụvị avọọ mị sị vẹ ẹhẹ nị.

Ịjọọnụ 20:27

Dị Ijeesu kà a yị Ịtọmọsị ka, “Sị igege awụ tụ́ ịzẹnị, di u we re ụvọ amị! Rẹ tana ụvọ awụ, dị ụ wa sị tụ́ ịnị akaha amị! Asị ụ rẹ̀ kụkụ mẹ ayị ẹẹva, waa dọ ọ wụ́!”

Iwe Ọhụhị Imosiisi ana aa hị́ Ọyịvatụrọda 32:20

Agụvị akamawụ awụ nịnị ọnịrị arịmanyị ịzẹyịza awụ nịnị Ẹnẹyịmavara sị yi wu nịnị tịtẹ, di e re ịsa ene vee tu wu nịnị nị.