Ịmaakị 9:12 - IWE ỌNỊNỊ

¹² Dị Ijeesu ka, “Ịzẹyịza, Erija ọ vịdị vẹ nị, ka ọnị ọ̀ va sị avaba ịsa tụ́ udi anị. Ama sị ẹ vẹ dị a maanị chẹrẹ ẹ ka Ozi ọza onigirima vaa rị ụya irenyi-irenyi, di e re yi ọọ tịtẹ?

Ịmaakị 9:12 ပူးပေါင်းရင်းမြစ်များ

Ahẹ Ụgama 74:22

Ohomorihi, tamayị ka aza edivi vi ene ee nyị wu unyi eyinị-eyinị. Navọ wa kwẹẹtẹ dị wa ba yi owu.

Ayịsaya 49:7

Ẹnẹyịmavara kà a yị Isirẹrị ka ọnị ọ vị Ohomorihi ọnịnị ana dọ wa ha hụụnị ụvọ ohinọyị nịnị ana za wa ọrịhị ọnịrị anẹkụra ana sị eyi wụ̀ wa. Ama booro aanị ọnị o wo oto ka ohinọyị nịnị ọnịrị ọdọvịdị nịnị vaa sị ụbanyị yị wa, di e yee ku ẹtẹ yị wa agụvị ka ọnị vị ọnịrẹyịzẹyịza, ọza ọnịnị Anisirẹrị ana nyị wa.

Ayịsaya 50:6

Ọnị ộ navọ ịrẹma yị aza ene tu ọnị, dị ọnị navọ eyi tịtẹ yị wa di e yee tura ọnị ịrẹwa, dị ẹ yaa jị achị kú ọnị, dị ẹ yaa kụ̀ ọnị ụhụ nị.

Ayịsaya 52:14

Aza ọrụrụ-ọrụrụ mè re e, ộ wa zizi. É mè dụ ọ ha pooro, ẹ yị hyakụ kụkụ vene ọza vụrụ-vụrụ.

Ịzakaraya 11:13

Dị Ẹnẹyịmavara kà yị ọnị ka ọnị ọ sị́ ẹkẹhị ọnọọ tụ ịnị ampo ẹkẹhị irehi Ohomorihi nị. Dị ọnị vavọọ sị́ isiriva ohurẹẹwụ ene e ro ka ọnị ọ hụ na tụ́ ịnị ampo irehi Ohomorihi nị.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Ịmarakayị 4:6

Ọ kà ọnị va mẹ ka ada ozi ọnịrị ezi ee zee. Ẹ yị vavọọ zee, dị ọnị wụ̀ aza ene hi ịzọọ, dị ọnị du ẹtẹ ọnọọ.

Imatiwu 16:21

Hụrẹ ụmẹ ọnọọ, dị Ijeesu aa kà a yị ezirẹma anị ka â nyị ka ọnị ọ̀ nọ Ijerusarẹmị, dị azọkụ nịnị beri ohirẹsụ ẹbanyị irehi Ohomorihi ọnịrị ọzwọzọda nịnị ẹ̀ sị ụya rị ọnị ẹtẹẹtẹrẹ, dị ẹ̀ wụ ọnị, ịhyẹgwẹta anị, dị Ohomorihi ọ̀ rẹ ha ọnị hụụnị isu.

Imatiwu 26:24

Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”

Ịmaakị 10:33

Ọ kà, “Re! Yaa hịrẹẹ nọ Ijerusarẹmị. A vaa sị ẹmị Ozi ọza onigirimaa chire ohirẹsụ ẹbanyị irehi Ohomorihi ụvọ, ọnịrị ọzwọzọda nịnị. Ẹ vaa mẹ̀ ọkarẹyị isuu mị, dị ẹ sị mị chire aza ẹnẹ ẹ̀ yị vị aniju nịnị ụvọ.

Ịmaakị 9:13

Dị ma kà a wụ, Erija ọ zị vẹ da, dị ẹ mẹ̀ ịsa ene zé wa eyi hi ọọ nị, anka Íwe Ohomorihi mẹ̀ kà a ini oze anị.”

Ịmaakị 9:31

agụvị ka vị aa zụ̀ ezirẹma anị ịsa nị. Dị ọ kà a yị wa ka, “A vaa sị ẹmị Ozi ọza onigirimaa chire aza ụvọ, dị ẹ wụ̀ mị; ẹ̀ẹ sị mị wụ, ịhyẹgwẹta anị dị mị rẹ ha hụụnị isu.”

Iruuku 1:76

Ẹwụ ozi emi, ọnịsẹ Ohomorihi ana yà ẹbẹẹba keekere a vaa hị́ wụ nị. Ẹwa vaa dọ ọvịdị Ananyị yị, di u we ne tenyi oze tịtẹ zí ọọ nị;

Iruuku 23:11

Dị Ịhẹrọdị ọnịrị isoja anị nịnị aa sị Ijeesu mẹ ịyẹyẹ nị. Dị ẹyaa mẹ̀ ẹ isiya, dị ẹ sị awuru nyanga-nyanga chire e, dị ẹ rẹ sị ọọ varẹma na yị Ipayireti nị.

Iruuku 23:39

Dị ọnya ini oyi ana a kanyị za apavahị, ọnị raa kụ̀ Ijeesu ụhụ nị. Dị ọ ka, “Àa vị ẹwa vị Ikirisiti ọnọọ nị, dọ ẹngụ awụ há, dị ụ wa rẹ dọ ẹ yị há!”

Odeyi 1:6

Ẹkụhị ọnya, odeyi nịnị ệ kụ́ gụ ị́dị Ijeesu, dị ẹ họ̀ ọ ka, “Ananyị yị, ụmẹ óó si tù booro aanị ọnị ụ vaa mẹ ka Anisirẹrị nịnị ẹ̀ kụkụụ mẹ ịjọva ẹngụ ẹnịnị?”

Odeyi 4:11

Ijeesu Íwe Ohomorihi kà ịrẹyị ini oze anị nị, ka ‘Ịrẹta ẹnẹ ẹwụ nịnị ọtụrarehi yi tịtẹ, ọnị ọ vana vị ọọnyị ịnị ịrẹta ana a sịị̄ dà irehi nị.’