Ịmaakị 8:34 - IWE ỌNỊNỊ

³⁴ Dị Ijeesu hị́ ọkọnị aza ọnịrị ezirẹma anị, dị ọ kà a yị wa ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Ịmaakị 8:34 ပူးပေါင်းရင်းမြစ်များ

1 Ohinọyị 14:8

Ọ kà ọnị ọ tụ̀ ohinọyị hụụnị ovwoovu Idevidi dị ọnị sị yị Ijerobowami nị. Ọ kà ama Ijerobowami ọ yị mẹ anka ozi ahụ anị Ẹnẹyịmavara. Ọ kà Idevidi vị ana si eyi pe ọda anị, dị ọ sị avaba ayị anị saasa ọnị, dị ahịka ebira ana vọrọ ini eyi ọnị Ẹnẹyịmavara kẹnẹ aa mẹ nị.

Ịrịka 14:24

Ama ozi ahụ anị Ikarẹbị vị irenyi ya aza ana vọ, ọ wụ́ chire ọnị, avọọ ọnị vaa sị ọ na ngụ ịnị ẹtẹ ọnọọ. A rẹ vaa ga ẹtẹ tu evere anị.

Imatiwu 10:38

Ọza ẹnẹ ẹ̀ yị sị apavahị anị dị ọ̀ sịị dụ mị ịrẹma, ọ yị hụ ọ vị áamị.

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Imatiwu 27:32

Ẹ mẹ̀ sị ọọ aa na, ê re Anisayireni ọnya aanị. Aā hị́ ọọ Ịsayịmọnị. Dị ẹ sị ụkata za a ka ọ̀ va za apavahị Ijeesu nị.

Ịmaakị 10:21

Ijeesu ô re ọnọrụ ọnọọ pooro, ô sì ịrẹyị anị, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi, dị ụ wa vẹ, dị ụ wa vaa dụ mịị zịịzị!”

Ịmaakị 7:14

Ijeesu ộ hị́ avaba ọkọnị aza gụ, dị ọ ka, “Avaba awụ nịnị ọ̀ sị ụtọ pe ẹtẹ, dị ụ wa wụ́ ịrẹyị nịnị!

Iruuku 13:24

“Sị vụrị dị ụ wa zị oze dẹẹrẹ ngụ eehi nịnị! Dị ma kà a wụ nịnị ka aza ọrụrụ vee sì ka ẹnị ẹ̀ ngụ eehi, dị ẹ̀ yị zụ ngụ ọọ.

Iruuku 14:33

Dị Ijeesu ka, “Avọọ gẹdẹ-gẹdẹ ọ mẹ̀ rẹ yà nị; ọza tụra ọza ịnị ẹngụ awụ nịnị ene è yi yi avaba ịsa ọnị ọ nyị tịtẹ, ọ yị zụ vị ozirẹma amị.”

Iruuku 18:22

Ịjị Ijeesu maanị wụ́ ọọ, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi; dị ụ wa vẹ, dị ụ wa vaa dụ mịị zịịzị!”

Iruuku 20:45

Avaba aza mẹ̀ sị ụtọ pe ịrẹyị Ijeesu, dị ọ kà a yị ezirẹma anị ka:

Iruuku 9:23

Dị Ijeesu kà a yị avaba ẹnịnị ka, “Àa nyị ọza ana ka ọnị aa dụ mị ịrẹma, â nyị ka ò hí ayị ẹngụ anị, dị ọ̀ sị apavahị anị, dị ọ̀ sịị dụ mị ịrẹma eyinị-eyinị.

Ịjọọnụ 10:27

Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

Ịjọọnụ 19:17

Dị Ijeesu jịnẹ tụ́ ẹhẹ, dị ọ za apavahị anị, dị ọ sị ọ aa nọ aha ọnya aanị ana aā hị́ “Aha akokoro ịrẹsụ” ọnị Anihiburu anaā hị́ ịzọọ “Ịgọrịgọt”.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Aniroomi 6:6

Yâ yẹ ka ebira ayị ọkụkụ ọnịrị Ijeesu a kanyị za ọchị apavahị nị. Â vavọọ mẹ, agụvị dị wụ ebira ayị eneē sì ka ọnị ọ̀ọ mẹ ịvị. Ọnọọ vaa ka asị ị kụkụ vị ozi ahụ yị ịvị.

Aniroomi 8:17

Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

1 Anịkọrịntị 15:31

Ẹwụ nịnị ẹyịnyara amị, ẹmịrị isu ẹ yị tára ẹngụ eyinị-eyinị. Ịzẹyịza ọ vị nị, anka m maa sị wụ nịnị wo oto ka aza Ijeesu Ikirisiti Ananyị yị ụ vị nịnị nị.

1 Anịkọrịntị 8:13

Agụvị avọọ, mê re ka ịsị maa rị, vaa mẹ ka ọnọhụva amị ọ̀ mẹ ịvị, mẹ yị kụkụụ vanaa rị ịsa ọnọọ paa, agụvị asị mị na mẹ ka ọnọhụva amị ò vu ẹtẹ.

1 Anịkọrịntị 9:19

Ẹ yị nyị ọza ana nyị ọda amị; ama mâ sị ẹngụ amị vị ozi ahụ avaba aza, agụvị ma zụ mẹ ka aza ọrụrụ-ọrụrụ ẹ̀ va dọ Ijeesu Ikirisiti wụ́.

Anigaratiya 2:20

Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị.

Anigaratiya 5:24

Aza ana vị aza Ijeesu ẹ raà sị avaba ebira edivi ẹnẹẹ ẹnẹ ẹ vịdịị mẹ kwooze beri avaba ariro odivi ẹnịnị; ẹ raà kanyị ọọ za ọchị apavahị.

Anigaratiya 6:14

Àa vị ẹmịị yọ, ẹ yị nyị ịsị mị zụ sị mẹ eyi, àyị vị isu oni Ijeesu Ikirisiti Ananyị yị sú ị́rẹsụ apavahị. Agụvị isu anị ọnọọ, ịsa ẹhẹ ọnọnị kụkụ vị kẹnẹ-kẹnẹ yị mị, ma sị vara oku yị ẹhẹ.

Anihwiripi 3:10

Avaba ịsị mee sì ọ vị ka ma yẹ Ikirisiti, dị ma rẹ yẹ ụkata ana mẹ ka ọ̀ há hụụnị isu. Mi ree sì ka me beri ọ rị ụya, dị ma rẹ zụ nyị ẹngụ ayị ọnị Ikirisiti nyị o me sú.

Anihwiripi 3:7

Avaba ịsị mị vịdị ro ka ọgụ ẹ vị mị nị, ịsa kẹnẹ-kẹnẹ mi kuku re wa tụ́ nị, agụvị ịrẹyị Ikirisiti.

Anikorasi 1:24

Maa jẹ booro aanị, agụvị ka maa rị ụya agụvị awụ nịnị. Maa rị ụya ana vọ ọnị Ikirisiti ka ma rị yị ịragụ Ohomorihi, ana jẹẹ yị ẹngụ Ikirisiti.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

2 Anịtẹsaronika 3:11

Yáa wụ́ ọọ ka aza ẹnyị ịnị awụ nịnị ẹyị mẹ̀ ụkọrọ vụrụ-vụrụ. Ẹyaa nyị uworo, dị ẹ rẹ yaa jị eyii ngụ ịrẹyị ọnịrẹyị.

Ịtayịtọsị 2:12

Ayamva ọnọọ aa sịị zụ̀ ka ya hụrẹ avaba ebira oni Ohomorihi è yi sì ụvọ, ọnịrị ịsa ẹhẹ ọnọnị ọnị ọchẹngụ ayịị̄ sì, ama dị yaa mẹ̀ ebira ịrẹyọyẹ, dị yaa mẹ̀ ịsa ana vọrọ ọnịrị ịsa oni Ohomorihi sì ịnị ẹhẹ ọnị ị yà aanị.

Anihiburu 13:13

À vẹ vi ye ne tù ọ ịrẹma ẹkụra, dị ẹ yà rẹ gà ịnị ụhị anị!

1Ipita 4:1

Wáa yẹ nịnị ka Ikirisiti ọnị nyẹmba ọ́ọ rị ụya ịnị ọchẹngụ anị. Agụvị avọọ ẹwụ nịnị ò re tenyi ẹngụ, dị ụ wa vavọọ nyị ariro nịnị! Ọza ana àa vavọọ rị ụya, ọ sị hụụnị ịvị ọyịmẹ̀.

1Ipita 4:13

Ama waa jẹ nịnị, agụvị ka waa rị ụya nịnị, anka Ikirisiti mẹ̀ rẹ rị ụya, agụvị ịhị ụbanyị Ikirisiti ọ̀ọ sị ẹngụ zụ, ayị awụ nịnị ò zụ hine hu avọọ.

2Ipita 1:14

Máa yẹ ka o yi kuku kù, dị ma hụụnị ẹhẹ ọnọnị, anka Ijeesu ikirisiti Ananyị yị mẹ̀ vịdị kà a mị.

1 Ịjọọnụ 3:16

Aanị ị mẹmẹ zụ yẹ ịsị aā hị́ ka ọza óo sì ịrẹyị ọza nị: Ikirisiti ọ́ọ hụrẹ ụhwẹ anị ụvọ agụvị ayị. Áa vọrọ ka ẹ yà rẹ hụrẹ ụhwẹ ayịị ụvọ agụvị ọdọwụ nịnị.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.