Ịmaakị 8:22 - IWE ỌNỊNỊ

²² Ẹnịnị ê tù ẹkụra ana aā hị́ Ịbẹtịseda. Aza ẹnyị aanị ệ sị ogweyi ọnya ká a vẹ. Dị ẹ dá ịpẹ yị Ijeesu ka ọ̀ sị ụvọ kanyị ọọ nị;

Ịmaakị 8:22 ပူးပေါင်းရင်းမြစ်များ

Imatiwu 11:21

“Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị e kú ẹngụ ẹnịnị atịtọ.

Imatiwu 14:36

Ệ dá ịpẹ yọ ka ọ̀ navọ ọnịkụ nịnị ẹ̀ sị ụvọ kanyị ụtọ ịta anị kẹnẹ. Avaba aza ana sị ụvọ kanyị ọọ bemi, ẹngụ ẹnịnị ộ ta.

Imatiwu 8:15

Dị ọ sị ụvọ kanyị ọọ ụvọ nị; dị ọvanggoro anị ta nị. Dị ọ kwẹẹtẹ, dị ọ kụkụ ee sì wa ọzọga nị.

Imatiwu 8:3

Dị Ijeesu tana ụvọ anị, dị ọ sị kanyị ọ nị, dị ọ ka, “Mee sì de, ụkụ awụ ọ̀ ta!” Obooboro ọnọọ, dị ụkụ ọbanyị anị ta nị.

Imatiwu 9:29

Dị ọ sị ụvọ kanyị eyi ẹnịnị, dị ọ ka, “Ọ̀ yà yị wụ nịnị, anka ụ mẹ̀ dọ wụ́ nịnị!”

Ịmaakị 2:3

Ịjọnọọ dị aza ẹnị ẹẹna ẹnyị aanị ká a vẹ nị. Dị ẹnịnị chema oswẹngụ ọnyara vẹ nị.

Ịmaakị 3:10

Ijeesu ọ raà mẹ aza ọrụrụ-ọrụrụ ụkụ; agụvị avọọ dị avaba ọnịkụ nịnị kụkụ aa haraa kú ọ nị, agụvị dị ẹ̀ zụ sị ụvọ kanyị ọ.

Ịmaakị 6:45

Obooboro ọnọọ, dị Ijeesu ka ezirẹma anị ẹ̀ wụsẹ ngụ ịnị ẹpa, dị ẹ̀ nọ akẹnẹ irehu, dị ẹ̀ẹ nọ ẹkụra Ịbẹtịsedaa zí ọnị; dị ọ ka ọkọnị aza ẹnẹẹ ẹ̀ẹ na nị.

Iruuku 10:13

Di Ijeesu ka, “Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị ẹ yaayịtẹ ịnị atịtọ.

Iruuku 9:10

Ịjị odeyi ẹnẹẹ vẹ, dị ẹ kà a yị Ijeesu avaba ịsị ẹ mẹ nị. Dị Ijeesu sị wa, dị ọnịrị wa ịnya kẹnẹ zị aa nọ ịzị aza ẹ̀ yị yà ana yà ịnị ẹkụra ana aā hị́ Ịbẹtịseda nị.

Ịjọọnụ 1:44

Ihwiripi vị Anịbẹtịsayịda, ẹkụra Andụrụ ọnịrị Ipita.

Ịjọọnụ 12:21

Dị ẹnịnị ka Ihwiripi ana hụrẹ Ịbẹtịseda ẹkụra Igariri vẹ, dị ẹ kà a yọ ka, “Ọga, yee sì ka ye re Ijeesu.”