Ịmaakị 8:17 - IWE ỌNỊNỊ

¹⁷ Dị Ijeesu sị yẹ nị, dị ọ ka, “Sị ẹ vẹ dị ụ waa kà a ka wẹ yị nyị ịsọyịrị nịnị? Aanịka wẹẹ̀ yị va yị yẹ nịnị? Aanịka wa mā wụ́ ịrẹyị nịnị?

Ịmaakị 8:17 ပူးပေါင်းရင်းမြစ်များ

Ayịsaya 63:17

Sị ẹ vẹ dị ụ navọ ka ya ha hụrẹ oze awụ? Sị ẹ vẹ dị ụ mẹ̀ yị ọnịrẹsụ ọkatẹngụ ana mẹ̀ ka ya va hụụ ịrẹma wụ? Navọ wa vavẹ agụvị aza anaa hẹkẹ wụ ọnịrị aza ana ahịka awụ ẹ vị pooro nị.

Imatiwu 12:15

Íjeesu mẹ̀ sị yẹ, dị ọ hụụ ịzọọ nị. Dị aza ọrụrụ-ọrụrụ dụ ọ aa na nị. Dị ọ mẹ avaba ọnịkụ nịnị ụkụ nị.

Imatiwu 15:17

Wẹ́ yị yẹ nịnị ka ịsa ọza ọ̀ọ sị nọ irenu vị anaa nọ ịnị ịnẹ anị, di o ne he e ha ịnị itutu nịị?

Imatiwu 16:7

Dị ẹyaa kà a yị ẹngụ ka, “Wáá yẹ ka agụvị ka yẹ yị sị ịsọyịrị za yọ nị?”

Ịmaakị 16:14

Ịrẹma ọnọọ, dị Ijeesu rẹ sị ẹngụ zụ̀ ezirẹma anị ẹwụrọnya, ẹ́nịnị màa rị ịsa nị. Ộ tụ́ wa ohuvọ, agụvị ka ẹnịnị ẹ yị dọ ọnị wụ́, ayị ẹnịnị ọ sị katẹngụ, agụvị ka ẹnịnị ẹ yị dọ aza ene re ọnị ka ọnị ộ ha hụụnị isu wụ́.

Ịmaakị 2:8

Obooboro ọnọọ Ijeesu ọ sị yẹ ịsị eyee ro ịnị ayị ẹnịnị. Agụvị avọọ dị ọ kà a yị wa ka, “Sị ẹ vẹ dị ẹwụ nịnị vavọọ ee ro ẹngụ ịsa ẹnẹnị ịnị ayị awụ nịnị?

Ịmaakị 3:5

Dị Ijeesu kana eyi sì wa nị, ayị aa kụ́ ọọ, agụvị ka ayị aza ẹnẹẹ ẹ sị katẹngụ baaba. Dị ọ kà a yị osuvọ ọnọọ ka, “Tana ụvọ awụ!” Dị osuvọ ọnọọ tana ụvọ anị, dị ụvọ anị ta nị.

Ịmaakị 6:52

agụvị ka ẹnịnị ẹ̀ yị va yẹ iruvo ụkọrọ ohyozirenu Ịbụrẹẹdị ẹnẹẹ, agụvị ka ayị ẹnịnị ọ sị katẹngụ.

Ịmaakị 8:16

Dị ezirẹma anị aa kà a yị ẹngụ ka, “Wáá yẹ ka agụvị ka yẹ yị sị ịsọyịrị za yọ nị?”

Iruuku 24:25

Dị Ijeesu va aa kà a yị wa ka, “Ho! Wâ vị ọnụra nịnị, oo! Wa mā hụra dọ avaba ịrẹyị ọnị ọnịsẹ nịnị kà wụ́ụ?

Ịjọọnụ 16:30

Ya sị yẹ booro aanị ka wâ yẹ avaba ịsa, ẹ yị kụkụ nyị ka ọza ọ̀ọ họ̀ wụ use ịrẹyị. Ọsọnị ộ mẹ̀ ka ya dọ wụ́ ka ịdị Ohomorihi ụ hụrẹ vẹ nị.”

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.