Ịmaakị 7:9 - IWE ỌNỊNỊ

⁹ Dị Ijeesu rẹ ka, “Wâ da yara mẹ apẹ nịnị ọyịnavọ ọda Ohomorihi tịtẹ, di u we re oze sị ụvọ za ido ọnị ụ jị nịnị!

Ịmaakị 7:9 ပူးပေါင်းရင်းမြစ်များ

Ahẹ Ụgama 119:126

Ẹnẹyịmavara, wéē re aza màa jịnẹ ọda ọnị ụ mẹ. O si tù ka à nyị ịsị ụ mẹ ọgọnị.

Ayịsaya 24:5

Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ịdanịyẹrị 11:36

Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị.

Ịdanịyẹrị 7:25

Ohinọyị ọnọnị vaa kà kẹnẹ-kẹnẹ hi Ohomorihi ene hu keekere, dị ọọ raa sị ụyaa rị aza Ohomorihi. O vee si ka ọnị ọ̀ vara ọda ana aza Ohomorihi a sị mẹ ahẹkẹ ọnịrị eche ẹnẹ ẹ rị. Avọọ ọ mẹ̀ vaa mẹ ịjọvaa tụra wa ịrẹsụ pooro dị ọ mẹ ịrayị ẹẹta rị ẹjịjị nị.

Ịmaakị 7:13

Aanị ụ mẹ̀ navọ ọda Ohomorihi tịtẹ, dị ụ sị ido oni ohiku awụ nịnị jị, dọ ọ ịrẹsụ nị. Avọọ ụ màa yịị mẹ̀ ịsa irenyi-irenyi nịnị nị.”

Ịmaakị 7:3

Anihwarisi ẹnịrị Aniju nịnị ana vọ, ẹ mā rị ịsa, ẹ̀ yị vị ẹ nyịna ụvọ anka ido oni ohiku ẹnịnị jị.

Ịmaakị 7:5

Dị Anihwarisi nịnị ẹnịrị ọzwọzọda nịnị họ̀ Ijeesu use ka, “Sị ẹ vẹ dị ezirẹma awụ ẹ̀ yị mẹ ido oni ohiku ayị jị, dị ẹyaa rị ịsa dị ẹ̀ yị nyịna ụvọ?”

Aniroomi 3:31

Áá zụ kà a ka ya raà mẹ ka ọda Ohomorihi ọ̀ vị ịrẹyị kẹnẹ-kẹnẹ? Asị Ohomorihi zẹẹ! Ọda vị ọnị ị hyakụ sị tụ́ udi ana vọrọ tụra a.

2 Anịkọrịntị 11:4

Ọza ana àa vẹ kẹnẹ va kà enube Ijeesu ọyịza ọsa wụ nịnị, dị wụsẹ sị ọọ dọ nịnị. Ama ẹyị ẹ̀ẹ yị kà ẹngụ enube ọyịza ọnọọ wụ nịnị da. Waa dọ ụhwẹ ọsa ana jị Ụhwẹ Ohomorihi ọnị ụ vịdị nyị nịnị nyee. Ụ raa dọ enube ọyịza ọsa ana jị enube ọyịza ọnị ụ vịdị dọ nịnị nyee.

Anigaratiya 1:14

Ịnị avaba ọpa amị, ẹma sị ụvọ za ahẹkẹ Aniju hu kere-kere nị. Ẹma rẹ sị avaba ayị amị mẹ ido oni ohiku ayị jị hu nị.

Anigaratiya 2:21

Me yi vee yi ayamva Ohomorihi tịtẹ. Àa vị agụvị ka ọza ọ́ọ saasa ọda, Óhomorihi aa sịị jị ịhị yị ọza nị, ọnị ọ vị ka isu Ikirisiti vị osusu samị-samị.

2 Anịtẹsaronika 2:4

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.