Ịmaakị 7:7 - IWE ỌNỊNỊ

⁷ Ahẹkẹ ẹnẹẹ ka ẹnị aa hẹkẹ mị, vị osusu kẹnẹ, agụvị ka ọda aza kẹnẹ ẹ́ yaa sịị zụ̀, dị ẹ ka ọda Ohomorihii yọ nị.’

Ịmaakị 7:7 ပူးပေါင်းရင်းမြစ်များ

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ịmarakayị 3:14

Dị ọ ka ẹnịnị aa kà a ka, ẹ yị nyị ọgụ ka ọza ọ sị ụvọ za ịrẹyị Ohomorihi. Sị ẹ vị ọgụ ka ọza ọ sị ụvọ za ịrẹyị ọda anị, dị ọ hyakụ ka ẹngụ anị chi ọvịdị Ẹnẹyịmavara?

Imatiwu 15:9

Ahẹkẹ ẹnẹẹ ka ẹnị aa hẹkẹ mị vị osusu kẹnẹ, agụvị ka ọda aza kẹnẹ ẹ́ yaa sịị zụ̀, dị ẹ ka ọda Ohomorihi yọ nị.’ ”

Imatiwu 6:7

Ama wàaa mẹ̀ aduwa nịnị, asị ụ rẹ̀ kụ́ ịrẹka ọrụrụ kẹnẹ-kẹnẹ nịnị, anka anarịmadọwụ nịnị mẹ̀ẹ̄ mẹ. Eē roo ka agụvị ịrẹyị ọrụrụ ẹnịnị Óhomorihi a sịị wụ́ aduwa ẹnịnị nị.

1 Anịkọrịntị 15:14

Ikirisiti ọ̀ yị yaanị ha hụụnị isu, ịrẹyị Ohomorihi ọnị yaa kà yaanị vị osusu kẹnẹ-kẹnẹ, dị ahịka osusu kẹnẹ-kẹnẹ ẹwụ nịnị rẹ yaanị dọ wụ́ nị.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

Iwe Ọhụhị Imosiisi ana aa hị́ Ọyịvatụrọda 12:32

Re ka wa tangwa saasa avaba ịsa ọnị mẹ ọda yị wụ nịnị aanị. A sị ụ dà tụ ọ, dị a sị ụ rẹ da hụụnị anị nịnị.

Anikorasi 2:22

Avaba ọda ẹnẹẹ ẹnẹ ẹyaa sịị zụ̀ aza vị ọda ịsị ẹ̀ yị mā jẹẹ dị è du, àa sịị mẹ̀ ịsa. Aza kẹnẹ ẹ mẹ̀ ẹ nị.

Ịtayịtọsị 3:9

Sị ụvọ hụụnị ahankata ụra ọ̀yị nyị. Rẹ hụụnị ịrẹha ohiku ọ̀yị tara hi ẹtẹ, ọnịrị ịrazị beri egidi agụvị ịrẹyị ọda Aniju nị! Ẹ́ yị nyị ọgụ, ịrẹyị kẹnẹ-kẹnẹ ẹ vị nị.

Ijemiisi 1:26

Ọza ene èe ro ka ọnị ọ́ọ nyị ahẹkẹ, dị ọ̀ yị sị ụvọ za ịrarẹ anị nị, ọza ọnọọ ee vene ẹngụ anị. Ahẹkẹ ẹngụ ọza ọnọọ vị ahẹkẹ osusu kẹnẹ-kẹnẹ.

Ijemiisi 2:20

Ịrẹyọyẹ awụ óo weyi oo! Ụ́ wáá ka à rẹ kụkụ kà a wụ ka ọza ọ̀ọ ka ọnị ọ́ọ dọ Ohomorihi wụ́, dị ọ̀ yị sị vị ebira mẹ nị, ka osusu samị-samị ọ vị nị?

Ẹtore 22:18

Ẹmị Ịjọọnụ, mee hú avaba aza ana aa wụ́ ịsẹ ana a kà tụ́ ini iwe ọnọnị ụvọ ẹtẹẹtẹrẹ; ọza ana àa da tụ́ ịnị ịrẹyị ẹnẹnị, Ohomorihi vaa dà tụ́ ịnị ụyọrị ana achẹrẹ tụ́ ini iwe ọnọnịị yọ.

1 Ịsamụwẹrị 12:21

Asị ẹ rẹ kụkụ dụ ori kẹnẹ-kẹnẹ ẹnẹ ẹ yị zụ gụ wa ụvọ dị ọ vaa zụ dọ wa ha. Ẹ yị nyị ịsị ori nịnị vị.