Ịmaakị 7:22 - IWE ỌNỊNỊ

²² dị ẹ rẹ yaa mẹ eyọhụrẹ ọnịrị ebira odivi, dị ẹyaa mẹ apẹ, dị ẹ rẹ yaa mẹ̀ ebira kẹnẹ-kẹnẹ, dị ẹyaa mẹ ụra.

Ịmaakị 7:22 ပူးပေါင်းရင်းမြစ်များ

2 Ịtọpa 32:31

Ụmẹ ọnị ohinọyị Ịbabịrọnị sị tụ́ va họ̀ Ihezekaya use ịrẹyị ịvọpa ana mẹ̀ ịnị ẹtẹ anị. Ohomorihi ộ navọ ka Ihezekaya ộ zama ebira anị re dị ộ yẹ ayị anị.

Ahẹ Ụgama 10:4

Aza edivi vi ene ee wo otoo zị ẹ yị kà ka ẹnị ee sì Ohomorihi. Ẹ yị nyị ụmẹ ọnị ẹ hyakụ sị tamayị Ohomorihi ịnị ayị ẹnịnị.

Ahẹ Ụgama 119:36

Navọ ahịka ịrẹyị m mẹmẹ vaa mẹ dị ma nyị ẹkẹhị kẹnẹ mị sị tụ́ ịnị ayị nị.

Ụhịrẹyị 12:23

Ọza ana yẹ ịrẹyị vị ana sị irenu anị kwoku ama onututu vị ana da ụra anị zụ.

Ụhịrẹyị 22:15

Ụra vi ene chi ezweyi ayị, ama inori aā sị kụ ụra hụrẹ wa ẹngụ nị.

Ụhịrẹyị 23:6

Asị ụ rị ịsa eneyiche. Asị eyi awụ ya ịnị ịsa ozoza anị.

Ụhịrẹyị 24:9

Avaba eto ọnị ọnụra aa mẹ̀ vị ọhịmị. Aza vị anaā nyị ịhyẹrẹ ọza anaa sị ọzaa mẹ enyinyi.

Ụhịrẹyị 27:22

Ọza ọ daka tụ́ ọnụra anka a meē tu ayị ọnịrị ụra anị aa yịị zị nị.

Ụhịrẹyị 28:22

Eneyiche nịnị vị anaā ha eyi ka ẹnị ẹ hụra nyị ẹkẹhị, dị asị ẹ yị yẹ ka osiye aa za a ịrẹsụ yị ẹnị nị.

Ịrẹyị Ọzwọzịsa 7:25

Ọzwọzịsa ka ọnị ộ sị avaba ẹhẹ anị sị iruvo ka ọnị ọ̀ yẹ iruvo ịsa ọrụrụ-ọrụrụ nị. Ọnị ọ sị yẹ ka ọza anaa chamayị dị aa mẹ̀ ebira kẹnẹ-kẹnẹ vị ọnụra.

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ayịsaya 59:7

Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha.

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Imatiwu 20:15

Aanịka me yi re oze sị ẹkẹhị amị mẹ̀ ịsa ene zé mi eyi? A vị agụvị ka mâ mẹ ẹyịza, áyị aa sịị kụ́ wụụ?

Imatiwu 6:23

Ama eyi ọza òo si divi, avaba ẹngụ anị vị ana vaa vị ịrahụ-ịrahụ. Etohweyi ana yà ịnị ẹngụ ọza ọ̀ọ sị vara ịrahụ, ịrahụ ọnọọ vaa daa banyị kẹnẹ.”

Ịmaakị 7:21

agụvị ka ịnị ayị aza áriro odiviī hụrẹẹ vẹ nị, anaā mẹ ka ẹ̀ẹ sẹ̀ ịrẹka, di èe yi oyi, dị ẹ̀ẹ rẹẹ wụ̀ ọza,

Ịmaakị 7:23

Avaba ịsa edivi ẹnẹnị vị anaā hụụnị ayịị vẹ, di e du ọza ẹngụ.

2 Anịkọrịntị 10:5

Yaa gara avaba ahankata ireche ha. Ịsị ẹẹ̄ sị ẹngụụ tụ́ ẹba ẹnẹ ẹ̀yị mā zẹẹ ka aza ẹ̀ yẹ Ohomorihi vị ọnị ị raa garaa ha. Ị raa za ariro aza ka ẹ̀ẹ wụ́ụ chire Ikirisiti.

Iwe Ọhụhị Imosiisi ana aa hị́ Ọyịvatụrọda 15:9

Asị e rò ka ịrayị ịhịmba anaā sịị sị eyi hụụnị ụta yị ọza ọ sị gụrị ẹtẹ, agụvị avọọ wẹ yị sị. Onosiye ọnọọ òo na owu hị́ Ẹnẹyịmavara, ọza ọnọọ aa mẹ̀ ịvị.

Iwe Ọhụhị Imosiisi ana aa hị́ Ọyịvatụrọda 28:54

Ọza hẹẹ anaā ngụ ayị ọzaa hu ịnị ẹngụ awụ nịnị ẹ yị hyakụ vaa dọ ka ọnị ọ̀ da ịsọyịrị yị ọyịnyara anị, ọ̀ọ vị ose, àa vị ezi anị ana vọ.

Iwe Ọhụhị Imosiisi ana aa hị́ Ọyịvatụrọda 28:56

Ọnẹẹ ana nyị ebira hẹẹ, dị ọọ̄ ngụ ayị ọzaa hu ịnị ẹngụ awụ nịnị, ne tu ka ẹ yị hyakụ nyayịnẹ sị ahụ hí ihine, ẹ yị hyakụ vaa dọ ka ọnị ọ da ịsọyịrị yị ọva anị. Ẹ yị hyakụ va dà ịsaa yị ozi ọnọrụ anị ọnịrị ozi ọnẹẹ anị.

1Ipita 2:15

Ohomorihi ô sì ka waa mẹ̀ ebira ọyịza, agụvị dị ụ wa zụ mẹ ka ọnụra nịnị ẹnẹ ẹ̀ yị nyị ịsị ẹ yẹ, ẹ̀ sị irenu ẹnịnị kú oku.

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.