Ịmaakị 7:21 - IWE ỌNỊNỊ

²¹ agụvị ka ịnị ayị aza áriro odiviī hụrẹẹ vẹ nị, anaā mẹ ka ẹ̀ẹ sẹ̀ ịrẹka, di èe yi oyi, dị ẹ̀ẹ rẹẹ wụ̀ ọza,

Ịmaakị 7:21 ပူးပေါင်းရင်းမြစ်များ

Oyinyima 6:5

Ẹnẹyịmavara o ve re ka ebira edivi ana aza aa mẹ ịnị ẹhẹ ọ sị vị ẹnẹmẹhị, ariro odivi pooro kẹnẹ o hì ịnị ayị aza nị.

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

Ijoovu 14:4

Ẹnẹ zụ sị ịsa ana nị hụụnị ẹvụvụ? Ẹ yị nyị.

Ijoovu 25:4

Ọzarẹyịrẹsụ mẹmẹ nyẹngụ ka a ka ọnị ọ nị ọvịdị Ohomorihi? Áá nyị ọza ana hụ́ ọ ka avọọ?

Ahẹ Ụgama 119:36

Navọ ahịka ịrẹyị m mẹmẹ vaa mẹ dị ma nyị ẹkẹhị kẹnẹ mị sị tụ́ ịnị ayị nị.

Ahẹ Ụgama 14:1

Ọnụra vi ene eē ro o ịnị ayị ẹnịnị ka ẹ yị nyị Ohomorihi. Dị ẹnịnị aa mẹ̀ ebira edivi-edivi irenyi-irenyi; nyị ọza ikonya ana aa mẹ̀ ebira ana vọrọ.

Ahẹ Ụgama 14:3

Ama ô re ka avaba aza vi ene nyee eyi Avaba ẹnịnị vị ana aa mẹ̀ ebira odivi, nyị ọza ịnya ana aa mẹ̀ ebira ana vọrọ hyakụ maanị nyị ikonya.

Ahẹ Ụgama 53:1

Ọnụra vi ene eē ro o ịnị ayị ẹnịnị ka ẹ yị nyị Ohomorihi Dị ẹnịnị aa mẹ̀ ebira edivi-edivi irenyi-irenyi nyị ọza ikonya ana aa mẹ̀ ebira ana vọrọ.

Ahẹ Ụgama 53:3

Ama ô re ka avaba aza vi ene nyee eyi Avaba ẹnịnị vị ana aa mẹ̀ ebira odivi nyị ọza ịnya ana aa mẹ̀ ebira ana vọrọ hyakụ maanị nyị ikonya.

Ụhịrẹyị 15:25

Ọza anaā sịị ẹngụ tụ ẹba vị ọnị Ẹnẹyịmavara gara irehi anị, ama ogu osoku vị ọnị oō sere.

Ụhịrẹyị 4:23

Sị eyi pe ẹtẹ ụ mẹmẹ e ro ịrẹyị. Ọza mee ro ịrẹyị ọọ ra ẹhẹ anị nị.

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ayịsaya 59:7

Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha.

Ijeremaya 16:12

Ẹnẹyịmavara kà ebira odivi Anijuda nịnị o divi huna oohiku ẹnịnị nị. Ayị ẹnịnị vana katẹngụ dị ahịka ịsị odivi ene sì kẹnẹ ẹyaa mẹ nị. Ẹnịnị ẹ́ yị saasa ịrẹyị anị.

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ezikẹẹrị 38:10

Aanị Ẹnẹyịmavara Ochẹtẹẹngụ mẹ kà yị Ịgọgị nị: ịjị ụmẹ ọnọọ òo tu, u vee nyima ee rò ụ mẹmẹ vaa mẹ odivi.

Imatiwu 15:19

agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ.

Imatiwu 9:4

Ijeesu ộ yẹ ịsị eyee ro; dị ọ ka, “Sị ẹ vẹ di u wee ro ịsa odivi ịnị ayị awụ nịnị?

Ịmaakị 7:20

Dị Ijeesu ka ịsị ẹ̀ẹ hụụnị ayị ọza vẹ, oō du ọza ẹngụ nị;

Ịmaakị 7:22

dị ẹ rẹ yaa mẹ eyọhụrẹ ọnịrị ebira odivi, dị ẹyaa mẹ apẹ, dị ẹ rẹ yaa mẹ̀ ebira kẹnẹ-kẹnẹ, dị ẹyaa mẹ ụra.

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Odeyi 5:4

Dị ụ va ná ẹtẹ awụ, ẹwa nyị nị. Ụ mẹ̀ rẹ va sị ọọ ná, ẹwa yị nyị ẹkẹhị anị nị. Sị ẹ vẹ di u ve ro o ịnị ayị awụ ka ụ maanị aa mẹ aanị? Ẹ yị vị ọza u cheeche yị, Ohomorihi u cheeche yị nị o.”

Odeyi 8:22

Ro ịnẹ varẹma hụụnị ariro odivi awụ ọnọnị, dụ wa mẹ̀ aduwa hi Ohomorihi ka ọ̀ọ zụ vagu wu ịnị ịrẹyị oni u ro aanị!

Aniroomi 7:5

Ị mẹ̀ vịdị aa mẹ̀ ebira anka aza kẹnẹ mẹẹ̄ mẹ, yaa sị avaba ẹngụ ayịị mẹ̀ ịsa odivi ọnị ọchẹngụ ayịị̄ sì. Ọda ộ mẹ̀ ka ya hyakụụ mẹẹ hu avọọ. Isu ọ vị ọdịrẹma avaba ịsị ị vịdị vavọọ mẹ nị.

Aniroomi 7:8

Ịvị ọ kụkụ raà zị oze ịnị ọda aa mẹ ka maa mẹ̀ eyọhụrẹ irenyi-renyi. Ẹ yị yaanị nyị ọda, ịvị vị ana yaanị yà anka oku avọọ.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

Ịtayịtọsị 3:3

Yáa yẹ ka ẹyị nyẹmba vịdị vị ọnụra, dị ị rẹ vị anakamawụ, di e reè vene yi nị. Dị yaa hẹkẹ ịsa edivi ọnị ọchẹngụ ayịị̄ sì, dị ị rẹ dụ ọda ụbanyị ẹhẹ ọnọnị ọyịmẹ̀ nị. Ịị̄ vịdịị mẹ̀ ebira edivi, dị yaa mẹ eyọhụrẹ, dị yaa kụ́ ayị aza, dị ị hyakụ aa kụ́ ayị ẹngụ bẹẹ nị.

Ijemiisi 2:4

Wàa vavọọ aa mẹ, wee re ka we si nyima ee re aza ẹnyị eyii hu ọsa ịnị ẹngụ awụ nịnị avọọ? Yẹ ka ịsa oni u wee ro nịnị o yi zoza oo!