Ịmaakị 6:41 - IWE ỌNỊNỊ

⁴¹ Ịjị ẹ sị yaayịtẹ, dị Ijeesu sị Ịbụrẹẹdị ẹẹhị ọnịrị ivovo ẹẹva ẹnẹẹ nị. Ộ kụ̀rà eyi tụ́ ẹba re ihinẹba, dị ọ kụ́ Ohomorihi avọ nị. Ộ dà Ịbụrẹẹdị ọnọọ yị ezirẹma anị ka ẹnịnị ẹ̀ gà ẹ yị aza ẹnẹẹ. Dị ọ rẹ gà ivovo ẹẹva ẹnẹẹ yị avaba aza ẹnẹẹ bẹẹ nị.

Ịmaakị 6:41 ပူးပေါင်းရင်းမြစ်များ

Imatiwu 14:19

Dị ọ ka aza ẹnẹẹ ẹ̀ yaayịtẹ ịnị avị ohwoohu nị. Dị ọ sị Ịbụrẹẹdị ẹẹhị beri ivovo ẹẹva ẹnẹẹ, dị ọ sị eyi tụ́ ẹba, dị ọ kụ́ Ohomorihi avọ tụ́ ọọ nị. Dị ọ dà Ịbụrẹẹdị ẹnẹẹ yị ezirẹma anị, dị ezirẹma anị sị yị aza ẹnẹẹ nị.

Imatiwu 15:36

Dị ọ sị Ịbụrẹẹdị ịhịmba beri ivovo ẹnẹẹ, dị ọ kụ́ Ohomorihi avọ tụ́ ọọ, dị ọ dà wa, dị ọ sị yị ezirẹma anị, dị ẹ gà ẹ yị aza ẹnẹẹ nị.

Imatiwu 26:26

Ẹ́nịnị màa rị ịsa, dị Ijeesu sị Ịbụrẹẹdị, dị ọ mẹ̀ aduwa tụ́ ọọ nị. Dị ọ dà a, dị ọ sị yị ezirẹma anị nị. Dị ọ ka, “Dọ dị ụ wa rị ọọ nịnị, ọsọnị ọ vị ẹngụ amị nị.”

Ịmaakị 14:22

Ẹ́nịnị màa rị ịsa, dị Ijeesu sị Ịbụrẹẹdị, dị ọ mẹ̀ aduwa tụ́ ọọ nị. Ộ dà a, dị ọ sị yị ezirẹma anị nị. Dị ọ ka, “Dọ, dị ụ wa rị ọọ nịnị, ọsọnị ọ vị ẹngụ amị nị.”

Ịmaakị 6:40

Dị aza ẹnẹẹ ga ẹngụ ẹnịnị nị: Aza ẹnyị vị ẹnị ẹchẹhị, aza ẹnyị vị ẹnị ẹvarẹwụ, dị ẹ vavọọ yaayịtẹ nị.

Ịmaakị 6:42

Dị avaba ẹnịnị rị, dị ịnẹ há wa nị.

Ịmaakị 7:34

Dị Ijeesu sị eyi tụ́ ẹba, di o hi ụhwẹ zẹtẹ, dị ọ ka, “Ehwata”, ọnọọ vị ka, “Há!”

Ịmaakị 8:19

m mẹ̀ gà Ịbụrẹẹdị ẹẹhị yị aza akahị-akahị oze ẹẹhị (5,000)? Óhihii uji yà ana vẹtẹ, ọnị ụ kụ́ nịnị?” Ẹnịnị ka, “Uji ẹwụrẹva.”

Iruuku 24:30

Dị Ijeesu yaayịtẹ pe wa ka ẹnị ẹ̀ rị ịsa nị. Dị ọ sị Ịbụrẹẹdị, dị ọ mẹ̀ aduwa tụ́ ọọ, dị ọ dà a, dị ọ sị yị wa nị.

Iruuku 9:16

Ijeesu ộ sị akara ẹẹhị ọnịrị ivovo ẹẹva ẹnẹẹ, dị ọ sị eyi tụ́ ẹba, dị ọ kụ́ Ohomorihi avọ tụ́ ọọ nị. Dị ọ dà akara ẹnẹẹ yị ezirẹma anị ka ẹnịnị ẹ̀ gà ẹ yị ọkọnị aza ẹnẹẹ nị.

Ịjọọnụ 11:41

Dị ẹ sị ịrẹta ọnọọ kwooze nị. Dị Ijeesu sị eyi anị tụ́ ẹba, dị ọ ka, “Ọga, mâ kụ́ wụ avọ, agụvị ka wâ sị ụtọ tụ́ ịnị ịrẹyị amị.

Ịjọọnụ 17:1

Íjeesu mẹ̀ maanị sị ịrẹyị ẹnẹẹ kà kẹnẹ, dị ọ kụ̀rà eyi anị tụ́ ẹbẹẹba nị, dị ọ ka, “Ọga, ụmẹ o si tù, sị igirima yị Ozi ewu, dị Ozi ewu ọnị ọ̀ rẹ sị igirima yị wụ!

Ịjọọnụ 6:11

Dị Ijeesu sị Ịbụrẹẹdị ẹnẹẹ, dị ọ kụ́ Ohomorihi avọ tụ́ ọọ, dị ọ ka à gà ẹ yị aza ana yaayịtẹ ịzọọ nị. Dị ọ ka à rẹ vavọọ gà ivovo ẹnẹ yị wa nị. Ọzọza ộ nyị, o mè sì.

Ịjọọnụ 6:23

Ama â nyị ẹpa ọsa ana hụrẹ Itiberiyasi vẹ, di e hi ọgụrị ịzị nị.

Odeyi 27:35

Ịjị ọ maanị sị kà, dị Ịpọọrụ sị Ịbụrẹẹdị, dị ọ kụ́ Ohomorihi avọ tụ́ ọọ éyi avaba ẹnịnị, dị ọ dàa dị aa rị ọọ nị.

Aniroomi 14:6

Ọza ana àa sị ẹkụhị ẹnyị tụ́ irenyi, agụvị Ananyị yị ọ vavọọ aa sịị mẹẹ nị nị. Ọza ana ka ọnịị̄ rị avaba ịsa, Ananyị yị ọ́nị rẹ vavọọ aa mẹẹ yị nị, agụvị ka àaa rị ọọ, ọ vaa kụ́ Ohomorihi avọ. Ọza ana ka ọnị ọ mā rị avaba ịsa, Ananyị yị ọ́nị rẹ vavọọ aa mẹẹ yị nị; ọnị va na raa kụ́ Ohomorihi avọ.

1 Anịkọrịntị 10:31

Ịzẹyịza yọ, tamayị kẹnẹ ka wàaa rị, wèee hụ́, ịsa tụra ịsa ọnị ụ wàa mẹ, re ka ộ sị ụbanyị yị Ohomorihi!

Iwe Ọhụhị Imosiisi ana aa hị́ Ọyịvatụrọda 8:10

“Ụ vaa rị ịsa, dị ịnẹ ha wụ, dị waa kụ Ẹnẹyịmavara Ohomorihi awụ avọ ka ọ sị ẹtẹ ozoza yị wụ nị.

Anikorasi 3:17

Ịnị avaba ịsị ụ wàa mẹ ọnịrị ịnị avaba ịrẹyị ọnị ụ wàa kà, waa mẹẹ anka ọza Ijeesu Ananyị yị. Waa kụ́ Ohomorihi Ada ayị avọ ini oze Ijeesu.

1 Ịsamụwẹrị 9:13

Ama ẹnịnị e yi vee nyima ịsọyịrị di orẹtẹ ọnọọ ọ va na ngụ ịzọọ. Ẹ ka orẹtẹ vaa mẹ̀ aduwa tụ́ ịnị ịsa dị aza ana a hị́ vẹ ẹ̀ va rị ọ. Dị ẹ rẹ ka Ịsọọrụ nịnị ẹ̀ẹ na sị ngụ ịnị ẹkụra kẹnẹ, e vee re e dị ọ va nọ aha ịsọvọ na rị ịsa. Dị ẹ rẹ ka Ịsọọrụ nịnị ọ wụsẹẹ na booro aanị ka e vee re e dị ọ va na aha ịsọvọ nị.