Ịmaakị 5:7 - IWE ỌNỊNỊ

⁷ Di o nowu tụ́ ẹba nị, dị ọ ka, “Ijeesu, Ozi Ohomorihi ana ya ẹbẹẹba keekere, sẹ jị gẹ ẹmịrị ẹwụ? Aarịhịnị, mâ sị Ohomorihi dá ịpẹ wụ, asị ụ sị ụya rị mị!”

Ịmaakị 5:7 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

1 Ohinọyị 22:16

Di ohinọyị ka, “Hóò, ụpẹ ịrịka yà u wee si ka ma sị Ẹnẹyịmavara tụra wụ ka wa kà ịzẹyịza kẹnẹ mị?”

Ihoseya 14:8

Anisirẹrị nịnị vaa hụrẹ ụvọ hụụnị ori nịnị ọyị hẹkẹ. Ẹnẹyịmavara kà ọnị vaa wụ́ aduwa ẹnịnị, dị ọnị sị eyi pe wa; ọnị vaa vị uhuhu yị wa anka ọchị isipirẹsị avọọ nị. Ọnị ọ vaa mẹ ka o ze yị wa oze tụra oze nị.

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

Imatiwu 4:3

Dị ọzamọzare ọnọọ ka a vẹ, dị ọ ka, “Àa vị Ozi Ohomorihi ụ vị nị, mẹ ọda ka ịrẹta ẹnẹnị ẹ̀ vara akara!”

Imatiwu 8:29

Di e nowu zẹtẹ, dị ẹ ka, “Sẹ jị gẹ ẹyịrị ẹwụ, ẹwụ Ijeesu Ozi Ohomorihi? Ụ wáá vẹ ịzẹnị ka wa va sị ụya rị yị, dị ụmẹ ò ve tù nị?”

Ịmaakị 1:24

dị ọ ka, “Navọ yị hẹẹ, sẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị; ẹwa vị Ọza Ọnịnị Ohomorihi nị.”

Ịmaakị 14:61

Dị Ijeesu kú irenu, di ò yi tụ́ ohi nị. Dị ohirẹsụ ọbanyị irehi Ohomorihi rẹ ka, “Ẹ wáá vị Ikirisiti, Ozi Ohomorihi nị?”

Ịmaakị 3:11

Ịjị aza ana nyị ụhwẹ echu nịnị re e kẹnẹ, dị ẹ hyẹdụ nya ẹtẹ ọ́ vịdị anị, di e nowu zẹtẹ, dị ẹ ka, “Ẹwa vị Ozi Ohomorihi nọ!”

Ịmaakị 5:6

O mè re Ijeesu ẹ́nẹẹnẹ, di o zwe ne tù ọọ, dị ọ và ku ẹtẹ ọ́vịdị anị nị.

Ịmaakị 5:8

Ộ maanị kà, agụvị ka Ijeesu ộ vịdị kà a yọ ka, “jịnẹ hụụnị ẹngụ ọnọrụ ọnọọ, ẹwụ ụhwẹ echu!”

Iruuku 1:32

Ọzọbanyị ọ vaa vị nị, Ozi Ohomorihi ene hu keekere a vaa hị́ ọ nị. Ohomorihi Ananyị yị vaa mẹ̀ ẹ ohinọyị tụ́ udi Idevidi ohiku anị.

Iruuku 4:34

dị ọ ka, “Navọ yị hẹẹ, sị ẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị, ẹwa vị Ọza Ọnịnị Ohomorihi nị.”

Iruuku 6:35

Ama sì ịrẹyị ọnịvị awụ nịnị, dị ụ waa mẹ ọyịzaa yị aza nịnị! Waa sị ịsaa rere ọza, ama asị u tụra eyi ka ụ vaa dọ ọ varẹma! Ịjọnọọ ọgụ awụ nịnị vaa banyị, dị ụ zụ vị ozi Ohomorihi ana aha ene hu keekere nịnị. Ọọ̄ ngụ ayị aza ẹnẹ ẹ̀ yị mā kụ́ avọ, ọnịrị aza edivi.

Iruuku 8:28

O mè re Ijeesu, di o nowu zẹtẹ, dị ọ tana tụra ẹtẹ ọ́vịdị anị, di o nowu tụ́ ẹba ka, “Sị ẹ jị gẹ ẹmịrị ẹwụ, Ijeesu ana vị Ozi Ohomorihi ana nẹba hu keekere? Aarịhịnị, mâ dá ịpẹ wụ, asị ụ sị ụya rị mị!”

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Odeyi 16:17

Dị aa dụ ẹyịrị Ịpọọrụ zị, di ee nowu ka, “Aza ẹnẹnị vị ezi ahụ Ohomorihi ana nẹba hu kere-kere. Ẹ yaa kà a wụ nịnị, ụ mẹmẹ zụ há nịnị.”

Odeyi 19:13

 nyị Aniju ẹnyị anaā ngwọọ zị, dị ẹnị rẹẹ̄ dụ ụhwẹ echuu jịnẹ hụụnị ẹngụ aza nị. Ẹnị ree sì ka ẹnị ẹ̀ hị́ ịrẹha Ijeesu tụra aza ana nyị ụhwẹ echu. Dị ẹ ka, “Ịnị ịrẹha Ijeesu ọnị Ịpọọrụ aa kà ịrẹyị anị, yáa mẹ ọdaa wụ nịnị!”

Odeyi 8:36

Ẹ màa na óze, e ve tù aha ọnya aanị, ịzị enyi yà. Di osuretu ọnọọ ka, “Enyi yọ, sị a vọrọ ka ọ̀ za mị ka asị a mẹ̀ ọyịhwọzenyi mị?”

Aniroomi 16:20

Ohomorihi anaā sịị ẹngwọọrọ yị, o yi vee kù dị ọ̀ kà Echu ngụ ẹtẹ, dị waa kụ́ ahụụ hi ọọ nịnị. Ẹyịza ọọhẹ Ananyị yị Ijeesu Ikirisiti ọ̀ yà pe avaba awụ nịnị.

Anihiburu 2:14

Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

Anihiburu 7:1

Imerikizẹdẹkị ọnọọ vị ohinọyị Ịsarẹmị, dị ọ rẹ vị ohirẹsụ irehi Ohomorihi yị Ohomorihi ana nẹba hu keekere nị. Abụrahamị ộ và hụrị ịrẹkụ aa vẹ, ọ mẹ̀ na wụ ohinọyị ẹnyị aanị. Imerikizẹdẹkị ộ va gẹrị ọ, dị ọ mẹ̀ aduwaa yọ nị.

Ijemiisi 2:19

Wâ dọ wụ́ ka Ohomorihi vị ọnya, óo zoza. Ama ụhwẹ echu nịnị ẹnị ẹ rẹ vavọọ dọ bẹẹ, dị ẹ hyakụ hụ agụvị avọọ aa da ẹgahị papapa, e mee hí angwa.

2Ipita 2:4

Anggẹẹrị nịnị mẹ̀ mẹ ịvị, Ohomorihi ẹ́ yị sị vayị ẹnịnị. Vị ọ sị wa, dị ọ kụ wa va hi ini ẹkụra ịra nị. Â sị ẹba sụ́ wa tụ́ ịnị ịrahụ ruma-ruma ịzọọ. Ịzọọ ẹ vaa yà pooro nee tù ẹkụhị ọkarẹyị nị.

1 Ịjọọnụ 3:8

Ama ọza ana àa mẹ ịvị, ozi Echu ọ vị nị, agụvị ka Echu vị anaā mẹ ịvị dị a va yẹ ka aa mẹ ẹhẹ. Agụvị avọọ Ozi Ohomorihi vẹ ẹhẹ ka oni ò ve vú ụkọrọ Echu ẹtẹ nị.

Ijudi 1:6

Rẹ tamayị anggẹẹrị nịnị ene è yi sị eyi pe udi ana a sị yị wa, ệ hụrẹ ịzị a sị wa tụ́. Ohomorihi ộ sị ẹba tụ́ wa ọnị ọza ọ̀ yị vaa ngwa pooro zịna-zịna, dị ọ sị wa tụ́ ịnị ịrahụ tụ ụvẹtẹ-ụvẹtẹ ka ẹ̀ yà ịzọọ pooro ne tù ẹkụhị ọbanyị ọnọọ oni Ohomorihi vaa mẹ̀ ọkarẹyị ẹhẹ nị.

Ẹtore 12:12

Agụvị avọọ, ẹwụ nịnị ẹbẹẹba ọnịrị aza ene hi ịnị anị, waa jẹ nịnị! Ama ẹwụ nịnị ẹhẹ ọnịrị oku, wa sị da nịnị, agụvị ka Echu o zi chí ka wụ nịnị vẹ. Ayị anị aa dà ọva, agụvị ka ộ yẹ ka ụmẹ anị aa chee aanị.