Ịmaakị 5:34 - IWE ỌNỊNỊ

³⁴ Dị Ijeesu kà a yọ ka, “Ozi, ẹdọwụ awụ ọ sị wụ mẹ ụkụ, waa na ịnị ẹngwọọrọ, dị ẹngụ awụ ọ̀ ta!”

Ịmaakị 5:34 ပူးပေါင်းရင်းမြစ်များ

2 Ohinọyị 5:19

Dị Erisa ka, ọọ na ịnị ẹngwọọrọ nị. Di Igehazi varẹma aa nọ eehi anị nị.

Ịrẹyị Ọzwọzịsa 9:7

Wa naa sị ayohine rị ịsa ọnị waa nyị, dị wee hu waa mẹrị kẹnẹ; agụvị ka Ohomorihi ọ raa sị ụvọ tụ ịnị ịsị ọnị waa mẹ yị wụ.

Ireevi 14:48

Ama, ịrẹma ana a raa varẹma sisi irehi ọnọọ, ohirẹsụ irehi Ohomorihi ọ̀ọ vavẹ vaa zama a re, dị o re ka ẹ yị kụkụ nyị uru ịnị anị nị, ọ vaa nọ̀ọ ka irehi ọnọọ ọ́ọ nị, agụvị ka uru ana vịdị chị́ hi ọ ọ́ọ ta saka-saka.

Imatiwu 9:2

Aza ẹnyị ê chema oswẹngụ ọnya ká a vẹ ana hụtụ ini odooro. Íjeesu mè re ka ệ sị ayị tụra ọnị, dị ọ kà a yị oswẹngụ ọnọọ ka, “Ozi emi, ngwara eyi hi, ma raa vagu wu ịnị ịvị awụ.”

Imatiwu 9:22

Dị Ijeesu kana eyi, di o ree nị, dị ọ ka, “Ozi, ngụra eyi hi, ẹngụ awụ ộ ta, agụvị ka wâ sị ayị tụra mị.” Dị ẹngụ ọnẹẹ ọnọọ wụsẹ ta hụrẹ ụmẹ ọnọọ gẹdẹ-gẹdẹ nị.

Ịmaakị 10:52

Dị Ijeesu ka, “Waa na, ụkụ awụ ộ ta, agụvị ka wâ sị ayị tụra mị.” Obooboro ọnọọ di ee re ẹtẹ nị. Dị aa dụ Ijeesu na óze nị.

Ịmaakị 3:10

Ijeesu ọ raà mẹ aza ọrụrụ-ọrụrụ ụkụ; agụvị avọọ dị avaba ọnịkụ nịnị kụkụ aa haraa kú ọ nị, agụvị dị ẹ̀ zụ sị ụvọ kanyị ọ.

Ịmaakị 5:29

Obooboro ọnọọ anya o si jị ịnị ẹngụ anị. Ộ yẹ ịnị ẹngụ anị ka a sị ọnị mẹ ụkụ.

Ịmaakị 5:33

Ọnẹẹ ọnọọ ộ yẹ ịsị ẹ mẹ ịnị ẹngụ anị, dị ọ vẹ eyi angwahi-angwahi beri ẹgahị, dị ọ và ku ẹtẹ ọ́vịdị Ijeesu nị. Dị ọ kà avaba ịrẹyị anịị yọ, ọ mẹ̀ yị yà ịzẹyịza nị.

Iruuku 17:19

Dị Ijeesu kà a yọ ka, “Kwẹẹtẹ, dị ụ wa na, agụvị ka ẹdọwụ awụ ọ sị wụ mẹ ụkụ!”

Iruuku 18:42

Dị Ijeesu kà a yọ ka, “Wee re ẹtẹ! Ụkụ awụ ộ ta, agụvị ka wâ sị ayị tụra mị.”

Iruuku 7:50

Dị Ijeesu kà a yị ọnẹẹ ọnọọ ka, “Ọnẹẹ ọnọnị, ẹdọwụ awụ ọ sị wụ dọ há; wa na ịnị ẹngwọọrọ!”

Iruuku 8:48

Di Ijeesu kà a yọ ka, “Ozi, ẹngụ awụ ộ ta, agụvị ka wâ sị ayị tụra mị. Waa na ịnị ẹngwọọrọ!”

Odeyi 14:9

Ọ mẹ̀ yaayịtẹ ịzọọ, ộ wụ́, Ị́pọọrụ màa kà ịrẹyị. Ịpọọrụ ô jị eyi ngụ ọ, di o re e ka ộ dọ wụ́ ka a zụ mẹ̀ ẹ ụkụ nị.

Odeyi 15:33

Ịjị ẹ sị ụhwọ tụ́ ịzọọ chee, dị ọdọwụ ẹnẹẹ sị wa na tụ́ ịnị ẹngwọọrọ nị. Dị ẹ varẹma ne tù aza ana tụ́ wa ụtụ nị.

Odeyi 16:36

Dị ọga anịnẹngwa kà a yị Ịpọọrụ ka, “Ọmọkarẹyị ệ tụ́ vẹ ka à hụrẹ ẹwụrị Isira ụvọ. Agụvị avọọ waa na ịnị ẹngwọọrọ nịnị!”

Ijemiisi 2:16

ama dị ọza ịnyara awụ nịnị yị kà a yọ kẹnẹ ka: Ngwa o! Wa na ka u vee re itaa kú ẹngụ ajịnị ọnịrị ịsọyịrị, ama di ẹ̀ yị nyị ịsị ọ sị yọ ịnị ịsa ene ee sì nị, áá nyị ọgụvọ ịsị u ro ka ọ́ọ vị?

1 Ịsamụwẹrị 1:17

Di Eri va ka ọọ na, ka ẹ yị vaa nyị ịrẹyị. Ọ kà Ohomorihi Anisirẹrị vaa sị ịsị ee sìi yọ.

1 Ịsamụwẹrị 20:42

Di Ijonatani ka Idevidi ọ̀ọ na ka ẹ yị vaa nyị ịrẹyị. Ọ kà ẹnị ẹ raà sị Ẹnẹyịmavara hị́ eku yị ẹngụ ka ọta ẹnị vị nị. Ọ kà Ẹnẹyịmavara ọ̀ vị onivenu tụ́ ịnị akakana ẹnịnị ọnịrị ozi ẹnịnị ịrẹma-ịrẹma pooro zịna-zịna. Di Idevidi sị hu, di Ijonatani ọnị re si hu aa nọ ịnị ẹkụra nị.