Ịmaakị 5:17 - IWE ỌNỊNỊ

¹⁷ Dị ẹ kwẹẹtẹ, dị ẹ yaa dá ịpẹẹ yị Ijeesu ka ọ̀ hụrẹ ẹkụra ẹnịnị nị.

Ịmaakị 5:17 ပူးပေါင်းရင်းမြစ်များ

Oyinyima 26:16

Ẹkụhị ọnya di Abimẹrẹkị kà a yị Ayiziiki dị ọ ka, “Ọ̀ huu ịda ẹnịnị ịzẹnị, agụvị ka ọ sị ụkata nyị huna ẹnị.”

1 Ohinọyị 17:18

Dị ọnẹẹ ọnọọ va hị́ Erija dị ọ ka, “Sị ẹ na jị gẹ ẹmịrị ẹwụ kẹ, ẹwụ ọza Ohomorihi? Vị ụ vẹ ịda amị ka wa va mẹ ka à tamayị ebira odivi ọnị mị vịdị mẹ, dị à wụ ozi emi nii?”

Imatiwu 8:34

Re, dị avaba anẹkụra ẹnẹẹ jịnẹ ve tù Ijeesu nị. E mè re e, dị ẹ dá ịpẹ yọ ka ọ̀ hụrẹ ẹkụra ẹnịnị nị.

Ịmaakị 1:24

dị ọ ka, “Navọ yị hẹẹ, sẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị; ẹwa vị Ọza Ọnịnị Ohomorihi nị.”

Ịmaakị 5:7

Di o nowu tụ́ ẹba nị, dị ọ ka, “Ijeesu, Ozi Ohomorihi ana ya ẹbẹẹba keekere, sẹ jị gẹ ẹmịrị ẹwụ? Aarịhịnị, mâ sị Ohomorihi dá ịpẹ wụ, asị ụ sị ụya rị mị!”

Iruuku 5:8

Ịjị Ịsayịmọnị maanị re e, dị ọ và ku ẹtẹ ọ́vịdị Ijeesu, dị ọ ka, “Ananyị yị, hụụ ịda amị, ka ọnịvị mị vị nị!”

Iruuku 8:37

Dị avaba anẹkụra ana kara Igerasa aa dá ịpẹẹ yị Ijeesu ka ọ̀ hụụ ịdị ẹnịnị nị, agụvị ka angwa ee hí wa ẹtẹẹtẹrẹ. Dị Ijeesu ngụ ẹpa, ka ọnị ọ̀ varẹma nị.

Odeyi 16:39

Dị ẹ va kụ́ Ịpọọrụ nịnị nyarọyịkụ, dị ẹ kụ́ wa hụụnị ẹngwa, dị ẹ dá ịpẹ yị wa ka ẹ̀ hụụnị ẹkụra ọnọọ nị.

Iwe Ọhụhị Imosiisi ana aa hị́ Ọyịvatụrọda 5:25

Sị ẹ zụ mẹ̀ ka asị ẹnị su, dị asị ịra ọbanyị rị ẹnị? Ẹnị ẹ kụkụ ka ẹnị aa wụ ọngwẹ anị hu avọ, eni e su nị.