Ịmaakị 5:15 - IWE ỌNỊNỊ

¹⁵ Ẹnịnị ê ve tù Ijeesu, di e re ọza ana vịdị nyị ọkọnị ụhwẹ echu aanị ka ộ yaayịtẹ hẹẹ ịzọọ, ộ sị ịta kú ẹngụ, ọ sị ịrẹyọyẹ nyị nị. Dị angwa ee hí avaba ẹnịnị nị.

Ịmaakị 5:15 ပူးပေါင်းရင်းမြစ်များ

1 Ịtọpa 13:12

Ịhị ọnọọ angwa Ohomorihi ô hí Idevidi; dị ọ ka, sị́ ẹ zụ mẹ ka ọnị ọ̀ sị apoti oto ọnọnị ve pe ẹngụ tụ ịnị eehi?

1 Ịtọpa 15:13

Idevidi ka, agụvị ka ẹ yị vị ẹnị ẹ vịdị na sị ọ, ịhị ịpaapa ẹnẹ ẹnị na sị ọ, Ẹnẹyịmavara, Ohomorihi ẹnịnị sị kụ́ ayị hi ẹnị nị; agụvị ka ẹnị ẹ yị saasa ọda ọnị Ohomorihi ka à sịị sị ọ.

Ijoovu 13:11

Aa vọrọ ka ee hí angwa Ohomorihi agụvị ụkata anị ọnịrị ịzị ọ ụbanyị ne tù.

Ahẹ Ụgama 14:5

Ama Ohomorihi vee chire wa angwa agụvị ka ộ yà pè aza ana aā mẹ̀ ebira oni o sì.

Imatiwu 12:29

Ẹ yị nyị ọza ana nyẹngụ ngụ ini eehi adarehi ana nyị ụkata dị ọ̀ na kụ́ ọọ ẹnya; ẹ̀ yị vị o vịdị sì oze dị ọ̀ za adarehi ọnọọ dị ọ̀ sụ́ ọ, ịjọnọọ ọgọnị di o ve re oze kụ́ ọ ẹnya irehi.

Imatiwu 26:53

Wéé ro ka mẹ yị nyẹngụ kà a yị Ada amị, dị ọ kụ́ ọkọnị anggẹẹrị nịnị va mị booro aanị?

Imatiwu 4:24

Ịrẹyị anị ọ sị ngụ ịrẹyị na ngụ avaba ẹtẹ Isiriya. Dị ẹnịnị kụ́ avaba aza ọnị ụkụ irenyi-irenyi aa sị ụyaa rị ka a vẹ nị, ọnịrị aza ana nyị ụhwẹ echu, ọnịrị aza oni odumpapara aa za beri aza ene sú ẹngụ, dị ọ mẹ wa ụkụ nị.

Imatiwu 9:33

Dị Ijeesu dụ ụhwẹ echu ọnọọ jịnẹ, di ogurenu ọnọọ aa kà ịrẹyị nị. O si hí ọkọnị aza ẹnẹẹ irenu, dị ẹ ka, “Yẹẹ̀ yị maanị re da ịnị ẹtẹ Isirẹrị.”

Ịmaakị 5:14

Aza anaā kụ́ ụra ẹnẹẹ rị ê zwe nọ eehi, dị ẹ na kà a ịnị ẹkụra ọnọọ ọnịrị ịnị aarẹ nị. Dị aza vẹ ka eni è ve re ịsa ana mẹ nị.

Ịmaakị 5:16

Aza ene re e, ệ kà a yị aza ana vọ ịsa ana mẹ ọza ana nyị ụhwẹ echu ọnọọ, ọnịrị ịsa ana rẹ mẹ ụra ẹnẹẹ.

Ịmaakị 5:18

Ịjị Ijeesu aa ngụ ẹpa, dị ọza ana vịdị nyị ụhwẹ echu ọnọọ, aa dá ịpẹ ka ọnị aa saasaa nị.

Ịmaakị 5:4

Ụpọọpọsa a sịị̄ sị ịchẹkẹchẹkẹ sụ́ ọọ, dị a rẹ sị ẹba sụ́ ọọ ahụ bẹẹ nị; ama dị ọ jị ẹba anị, dị ọ gara ịchẹkẹchẹkẹ anị ha rugu-rugu nị. Ẹ yị nyị ọza ana nyẹngụ za a jẹẹ.

Ịmaakị 5:9

Dị Ijeesu họ̀ ọ use ka, “Ị́rẹha awụ rị?” Dị ọ ka, “Ịrẹha amị ọ rị ‘Ọkọnị’ nị, agụvị ka yâ rụrụ.”

Iruuku 10:39

Ọnẹẹ ọnọọ ộ nyị ọyịnyara ọnya ana aā hị́ Imeri; dị ọ yaayịtẹ pe Ijeesu, di aa wụ́ ịrẹyị anị nị.

Iruuku 8:27

Íjeesu mèe chíi hi ẹtẹ kẹnẹ, dị ọnọrụ ọnya aanị hụụnị ẹkụra va gẹrị ọọ nị. Ọnọrụ ọnọọ ộ nyị ụhwẹ echu nịnị; o si ku ọnị ọ̀ yị me chire awuru, ọ mā rẹ yà ini eehi, ọgaanya ọọ̄ yà nị.

Anikorasi 1:13

Ohomorihi ộ dọ yị hụụnị ụkata ịrahụ, ọ raà sị yị va ngụ ịzị Ozi anị oni o sì ịrẹyị anị yà aa mẹ ịjọva.

2 Itimoti 1:7

Ụhwẹ Ọnịnị oni Ohomorihi sị yị, ọ mā mẹ ka yee hí angwa. Ama Ụhwẹ Ọnịnị ọnọọ vị anaa mẹ ka yaa nyị ụkata, di yee sì ịrẹyị ọza, dị yaa rẹẹ sị ụvọọ za ẹngụ ayị.

1 Ịsamụwẹrị 16:4

Ịzẹyịza dị Ịsamụwẹrị mẹ̀ ịsa ẹnị Ẹnẹyịmavara kà ọ̀ mẹ nị. Ịsamụwẹrị mẹ̀ na ngụ Ịbẹtịrẹhẹmị, Angwa ô hí ọdọvịdị ẹkụra nịnị èe me re e. Dị ẹ kà, “Áá vị ẹ̀ yị nyị ịrẹyịị?”