Ịmaakị 4:6 - IWE ỌNỊNỊ

⁶ Ịjị ọyị aa há, dị ẹ sị và hí nị, ama agụvị ka e yi re aha ha ẹpa ngụ, di e sú nị.

Ịmaakị 4:6 ပူးပေါင်းရင်းမြစ်များ

Ahẹ Isoromọnị 1:6

Asị ụ sị eyi wụ̀ mị nịnị ka maa ta mine agụvị ka ọyị ọ sị mị mẹ̀. Ẹnẹbẹnị amị nịnị ệ kụ́ ayị hi mi, dị ẹ dụ mị ka ma naa mẹ̀ ụkọrọ ịnị ụbazị ene e chire ọchị ịvayịnị hi nị. Mẹ yị kụkụ va nyị ụmẹ ọ́yị tẹsị ẹngụ amị.

Ayịsaya 25:4

Onosiye ọnịrị ọnụya nịnị ê zwe vẹ ịda awụ dị ụ dọ wa tụ́ ịnị ụmẹ ẹngụkata ẹnịnị nị. Wâ vi ihuhu gu wa ka asị anayịchama re oze sị ụya rị wa. Ịrẹyị anayịchama vị ana sị mẹẹ anka opomi ana aa tụ́ kù ugene. Aza edivi vị ana kụ ọ hana wa anka opomi avọ.

Ijona 4:8

Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị.

Imatiwu 13:6

Ịjị ọyị aa há, dị ẹ sị vahi nị; ama agụvị ka e yi re aha ha ẹpa ngụ di e sú nị.

Ịmaakị 4:5

Ihu ẹnyị ẹ rẹ hụrẹ tụ́ ịrẹsụ ịda ana nyị ezi chee aanị. Ịjịịjọọ dị ẹ chị nị, dị ẹyaa hụ nị, agụvị ka ezi anị ọyị rụrụ.

Ịmaakị 4:7

Dị ẹnyị rẹ hụrẹ ne ngụ ịnị akakana ikeyi nị. Ịjị ikeyi ẹnẹẹ aa hụ, dị ẹ za wa rị nị, dị ịsa ọyịna ẹnẹẹ ẹ yị nyị ẹtụtụ nị.

Anẹhwẹsọsị 3:17

Mị raa mẹ̀ aduwa ka Ikirisiti ọ̀ yà ịnị ayị awụ nịnị, ụ màa sị ayịị tụraa nịnị. Ọ̀ navọ wee sì ịrẹyị aza nịnị, ana zụ mẹ ka wa jẹẹ geri-geri nịnị,

Anikorasi 2:7

Che ayị za Ikirisiti ana sị ụhwẹ ọnịrị ụkata yị wụ nịnị! Yị jẹẹ geri-geri ịnị ẹdọwụ awụ nịnị, anka a mẹ̀ sị zụ̀ wụ nịnị; dị ụ wa rẹẹ kụ́ Ohomorihi avọ nịnị ẹtẹẹtẹrẹ!

2 Anịtẹsaronika 2:10

Ịnị ịsa odivi anị, ọ vaa sị irechee vene aza ene vee vụ ẹtẹ. E vee vu ẹtẹ kẹnẹ, agụvị ka ẹnịnị e yi sì ịrẹyị ịzẹyịza, ana zụ mẹ ka à yaanị dọ wa há.

Ijemiisi 1:11

Ọyị ọ̀ọ sị hụrẹ, dị aa há nganganga nị, dị ọ za avaba ododo, dị ọ wụ̀ wa, dị ẹ sụ̀ và ha, dị avaba uzoza anị ta saka-saka. Avọọ gẹdẹ-gẹdẹ ọzọbanyị mẹẹ̄ hụrẹ ẹhẹ ụvọ ịnị ụmẹ ọnị ọ ta ngụ ini echi ẹhẹ ee zwe nị.

Ijudi 1:12

Wàa kụ gụ aa rị ịsa ịnị oze ana sị zụ ka wee sì ịrẹyị ẹngụ nịnị, ịdọtị ẹ vị tụ́ ịnị akakana awụ nịnị nị. Sị ẹ vẹ? Agụvị ka ẹnịnị vị anaā rị ịsa anka ọza ọnị ụhị ọ̀yị ma nyị avọọ. Ẹngụ ẹnịnị kẹnẹ ee ro ịrẹyị anị nị. Ẹnịnị vị ana sị mẹẹ anka eguhi ana ahị aa kụ́ụ zịịzị, oni orihi anị ọ̀ yị mā zụ̀. Ịrẹyị ẹnịnị vị osusu anka ọchị ene wusu hụrị ụmọrụmọ, di e si o hu ne ta, dị ọ̀ yị kụkụ zụ tụ́ ẹtụtụ ịnị ụmẹ anị.

Ẹtore 7:16

Ụngwẹ ọnịrị onyi ọ mā vana kụ̀ wa pooro; Ọyị ọ mā vana ngụra za wa pooro.