Ịmaakị 4:39 - IWE ỌNỊNỊ

³⁹ Di Ijeesu kwẹẹtẹ nị, dị ọ tụ́ ahị ọnọọ Ohuvọ nị. Dị ọ kà a yị enyi ka: ọ mẹ hẹẹ! Dị ahị jẹẹ keri, dị ẹtẹ tịtẹ sii nị.

Ịmaakị 4:39 ပူးပေါင်းရင်းမြစ်များ

Ijoovu 38:11

Dị ộ ka yị oku ịzị ẹ vị ẹhị ọnị ọ zụ tu jẹẹ nị. Ẹhụ ẹhị ọnọọ ẹganggu zị tu jẹẹ nị.

Ahẹ Ụgama 107:29

Ohomorihi ộ za ahị ana vịdị aa tụ́ụ jẹẹ, di enyi kụkụ tịtẹ hẹẹ nị.

Ahẹ Ụgama 148:8

Ẹwụ nịnị apaana ihinẹba ọnịrị ata ihinẹba ne beri eguhi ọnịrị opomi ana aā zị ụtụụ yi Ẹnẹyịmavara ọ̀ọ kụ́ ọ avọ nịnị.

Ahẹ Ụgama 29:10

Ẹnẹyịmavara vị ana yaayịtẹ tụra ịrẹsụ ọhaara enyi Ọnị ọ vị ohinọyị pooro zịna-zịna nị.

Ahẹ Ụgama 65:7

Ịjị òkū aa dà vụụ-vụụ, dị aa jị ayị, ẹwa mẹ̀ ẹ ka ọ̀ varẹma nẹtẹ hẹẹ nị Mị ka ịjị anẹhẹ kwẹẹtẹ aa mẹ ezigi ẹwa varẹma sị wa ayị nẹtẹ nị.

Ahẹ Ụgama 89:9

Òkū ana aa dà vụ̀ụ́vụụ, ẹwa nyị ọda tụra a nị. Òo si nyima aa jị ayị, dị ụ rẹ kà a yọ ka ọ̀ mẹ hẹẹ.

Ọyịkụra 14:16

Tana okutẹ awụ, dụ wa tana ụvọ tụra oku ọnọọ. Oku vaa gàa hi ẹẹva dị Anisirẹrị ẹ̀ zi oze ịnị akakana oku na para hu ịrẹsụ ẹtẹ ọyịwụ.

Ọyịkụra 14:22

Di Anisirẹrị zi oze ini òkū na para hu ịrẹsụ ẹtẹ ọyịwụ nị. Di enyi kà jẹẹ gụgụrụgụ eyi ụvọrị ọnịrị eyi ụvọha ẹnịnị nị.

Ụhịrẹyị 8:29

Dị ọ mẹ ọda yị enyi ịnị oku ka asị ọ kụkụ hi ẹtẹ huna ọpa ọnị ọnị ka nị. Ộ ka eyi anị Ohomorihi ka ẹhẹ ẹtẹ nị.

Ijeremaya 5:22

Ẹnẹyịmavara kà, wẹ yị daba hí angwa anị nịnịị? Ayị anị ẹ yị daba hụrẹ ẹwụ nịnị ịnẹẹ? Ọnị ọ sị aarẹ tẹ ẹhwị ẹtẹ yị oku ka asị ọ zụ jịnẹẹ pooro nị. Enyi ini òkū ọ zụ jị ayị dị aa da gụgụrụgụ ama ẹ yị zụ jịnẹ ẹhwị ẹtẹ ọnọọ.

Arụwẹ 3:31

Ananyị yị ọyị vee yi yị tịtẹ pooro.

Ịnahụmị 1:4

Ẹnẹyịmavara ọ̀ọ mẹ̀ ọda kẹnẹ, dị avaba enyi ini irehu ọnịrị òkū nịnị wụ̀ za ẹtẹ. Avị ọnịrị ododo ene hi inozi Ịbasanị ọnịrị Ịrẹbanọnị ne beri Ataba Ịkamẹrị vị anaa wara za eteesu.

Imatiwu 8:26

Dị ọ kà a yị wa, dị ọ ka, “Sị ẹ vẹ du wee hí angwa nịnị? Ẹdọwụ awụ nịnị ô weyi, oo!” Dị ọ kwẹẹtẹ, dị ọ tụ́ ahị ọnịrị irehu ohuvọ nị, dị ẹtẹ tịtẹ sii nị.

Ịmaakị 4:38

Ijeesu yà ịnị ẹpa ọnọ, ộ sị ịsa pe ịrẹsụ aa sụ̀ ara. Dị ẹ na ha a nị, dị ẹ ka, “Nda, eni ee vee sú ọ! Wẹ yị tẹsịị?”

Ịmaakị 9:25

Íjeesu mè re ka aza wusee zwee vẹ, dị ọ mẹ da yị ụhwẹ echu ọnọọ nị, dị ọ ka, “Ẹwụ ụhwẹ, eneē gu ọza irenu ọnịrị ụtọ, maa mẹ̀ ọdaa wụ, jịnẹ hụụnị ẹngụ anị, asị ụ kụkụ varẹma ngụ ịnị ẹngụ anị!”

Iruuku 4:35

Dị Ijeesu tụ́ ọ ohuvọ, dị ọ ka, “Wụsẹ mẹ hẹẹ, dị ụ wa jịnẹ hụụnị ẹngụ ọnọrụ ọnọọ!” Ụ́hwẹ echu ọnọọ mè ne ọnọrụ ọnọọ nya ẹtẹ éyi aza ẹnẹẹ, dị ọ jịnẹ hụụnị ẹngụ anị nị, ama ọ yị tụ̀ ọ ụnava.

Iruuku 4:39

Dị Ijeesu na jẹẹ pee, dị ọ tụ́ ọvanggoro ọnọọ ohuvọ, dị ọvanggoro ọnọọ ta nị. Dị ọnẹẹ ọnọọ wụsẹ kwẹẹtẹ, di o kuku ee sì wa ọzọga nị.

Iruuku 8:24

Di e ne tù Ijeesu, dị ẹ ha a nị, dị ẹ ka, “Nda, Nda! Yee vee sú, ọ!” Dị ọ kwẹẹtẹ nị, dị ọ tụ́ ahị ohuvọ ọnịrị enyi ana aa dà nị, dị avaba ẹnịnị jẹẹ keri, dị ẹtẹ tịtẹ sii nị.