Ịmaakị 4:38 - IWE ỌNỊNỊ

³⁸ Ijeesu yà ịnị ẹpa ọnọ, ộ sị ịsa pe ịrẹsụ aa sụ̀ ara. Dị ẹ na ha a nị, dị ẹ ka, “Nda, eni ee vee sú ọ! Wẹ yị tẹsịị?”

Ịmaakị 4:38 ပူးပေါင်းရင်းမြစ်များ

Ayịsaya 63:15

Ẹnẹyịmavara navọ wa va eyi chi vẹ hụrẹ ẹbẹẹba, aha ọnịnị ọnịrị ụbanyị awụ, dị wee re ịsa ana aa na.

Ayịsaya 64:12

Tee! Ẹnẹyịmavara, aanị ka ẹ yị nyị ịzị avaba ọsọnị kanyị wụ? Aanị ụ wáá mẹ vaa yaatụ kẹnẹ dị ẹ yị nyị ịsị ụ mẹ, dị ụ mẹ ka ya rị ụya ọngwọọngụ nị?

Arụwẹ 3:8

Ọnị ộ hyakụ jị òrèrè, dị ọnị da ịpẹ ka ọ̀ mẹ ọgụvọ yị ọnị, ama Ohomorihi ô yi ka ọnị ẹ yị wụ́ aduwa anị.

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Imatiwu 8:25

Dị ezirẹma anị ve tù ọọ, dị ẹ haa nị, dị ẹ ka, “Ananyị yị, dọ yị tụ́, ka yee vee sú!”

Ịmaakị 4:37

Di opomi ọbanyị ọnyara aa tụ́ nị, di enyi aa dàa hi ịnị ẹpa nị. Ẹpa ọnọọ ee vee hí.

Ịmaakị 4:39

Di Ijeesu kwẹẹtẹ nị, dị ọ tụ́ ahị ọnọọ Ohuvọ nị. Dị ọ kà a yị enyi ka: ọ mẹ hẹẹ! Dị ahị jẹẹ keri, dị ẹtẹ tịtẹ sii nị.

Iruuku 8:24

Di e ne tù Ijeesu, dị ẹ ha a nị, dị ẹ ka, “Nda, Nda! Yee vee sú, ọ!” Dị ọ kwẹẹtẹ nị, dị ọ tụ́ ahị ohuvọ ọnịrị enyi ana aa dà nị, dị avaba ẹnịnị jẹẹ keri, dị ẹtẹ tịtẹ sii nị.

Ịjọọnụ 4:6

Ịkangga Ijekọvụ vị ana rẹ yà ịzọọ. Íjeesu mè tù ịzọọ, ụsẹ ọnọọ ọ sị ngụ ọọ ẹngụ, dị ọ yaayịtẹ ụtọ ịkangga ọnọọ nị. Ẹhụụ ụmẹ agogo ẹwụrẹva ọọdụ avọọ, ọ vavọọ sị na ngụ ịzọọ nị.

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.

1Ipita 5:7

Sị avaba ariro awụ nịnị chire Ohomorihi ụvọ, agụvị ka ọ́ọ sị ịrẹyị awụ nịnị tụ́ ịnị ayị anị.