Ịmaakị 4:32 - IWE ỌNỊNỊ

³² Èe si oo chire, dị ọ chị, dị ọ hụ, dị ọ vara ọchị ana banyị hu keekere ịnị avaba ọchị ịsẹpẹ. Ọọ̄ nyị avọ ọbanyị, di inomi nịnị vẹ, dị ẹ mẹ ịrẹngwẹ hi ini ihuhu anị.”

Ịmaakị 4:32 ပူးပေါင်းရင်းမြစ်များ

Ahẹ Ụgama 104:12

Inomi nịnị ệ mẹ ịrẹngwẹ gụrị enyi ọnọọ, di e hi ịnị avọ́ ọchị dị ẹ yaa jị ahẹ nị.

Ahẹ Ụgama 91:1

Ọza ana aa sị ẹngụ anị na tẹ̀ ịda Ohomorihi ana nẹba hu keekere ẹnị Ananyị yị vaa jị òkúu kú, dị ẹ yaa tụ́ ụhwọ nị.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ahẹ Isoromọnị 2:3

Ọchị anaā tụ́ ẹtụtụ ana aā hị́ apụrụ mẹ vị irenyi tu ini iruku avọọ, avọọ ọnọrụ ọnị mị sì ịrẹyị anị hu kere-kere aanị mẹ vị irenyi tụ ịnị akakana anọrụ ana vọ nị. Miī sì ka ma yaatụ ịnị uhuhu anị nị. Ẹtụtụ anị vi eneē hine mi ẹtẹẹtẹrẹ.

Ayịsaya 11:9

Ịnị ụmẹ ọnọọ, ịrẹsụ Ịzayọnị ana vị ataba Ohomorihi, ẹ yị vaa nyị ịsị ẹ vaa mẹ̀ ọza ịsa odivi. Òkū mẹ̀ vị enyeenyi avọọ, avọọ avaba ẹhẹ mẹ̀ vaa yẹ ịsa oni Ohomorihi sì nị.

Ayịsaya 32:2

Aza vi ene vee zwe naa vaka aza ene hi ini ịjọva anka aza mèe zwe nee sì aha vaka ini ụmẹ oni orihi àa zụ̀, di opomi aa tụ́ avọọ. Ẹ rẹ vaa mẹ kà ẹngụ aza è hunẹnẹ anka okuha ana yà ịnị ụnọmị ọnịrị anka ihuhu ịrẹta ọbanyị ana yà ịzị ọchị è yi hi avọọ.

Arụwẹ 4:20

Ẹ raà za ohinọyị ọnị Ẹnẹyịmavara nyị yị yị ka ya sị eyi tụra. Ọnị ọ vị ọza ọnị ị sị ayị tụra ka ọ vaa dọ yị ha hụnị ụvọ anẹkụra tụra anẹkụra anaa vị eyi ịrazị ka yị nị.

Ezikẹẹrị 17:23

Ọ kà ọnị vaa hị́ ọ tụ ịrẹsụ ataba ana nẹba hu kere-kere ẹtẹ Isirẹrị. Ọ vaa ha avọ, dị ọ tụ ẹtụtụ, dị ọ vara ọchị Isida ọyịza-ọyịza inomi irenyi-irenyi vaa mẹ ịrẹngwẹ tụ ọ, dị ẹ sị ịzọọ mẹ irehi.

Imatiwu 13:32

Ọnị ọ weyi hu keekere ịnị avaba ihu nị. Ịjị ọ̀ọ sị chị, dị ọ sị hụ nị, ọnị ọ banyị hu kere-kere ịnị avaba avị ịsẹpẹ nị. Dị ọ vara ọchị, di inomi nịnị vẹ, dị ẹ mẹ ịrẹngwẹ hi ịnị avọ anị.”

Ịmaakị 4:31

Vị ọ sị mẹẹ anka ihu oweyi ọnya aanị nị, ene weyi hu keekere ịnị ẹhẹ nị. Eē chire e tụ́ ịnị ẹtẹ.

Ịmaakị 4:33

Ijeesu ộ rẹ sị ụhịrẹyị ọrụrụ-ọrụrụ kà ịrẹyị Ohomorihi yị wa. Ọpa ẹ mẹ̀ zụ wụ́ kẹnẹ, ọ kà ịrẹyị yị wa nị.