Ịmaakị 4:3 - IWE ỌNỊNỊ

³ “Sị ụtọ pe ẹtẹ nịnị! Re, â nyị ọza ịnya aanị ene ne mi ịsa ọyịna.

Ịmaakị 4:3 ပူးပေါင်းရင်းမြစ်များ

Ahẹ Ụgama 34:11

Ẹwụ nịnị ezi emi vẹ dị wa wụ́ ịrẹyị amị nịnị! Mee sì ka ma sị kọ wụ nịnị ka waā sị ụbanyịị yị Ẹnẹyịmavara nịnị.

Ahẹ Ụgama 45:10

Ẹwụ ose ohinọyị, navọ wa sị ụtọ tụ́ ịnị ịrẹyị ọnị maa vaa kà Sị ayị hụrẹ ịda anda awụ nịnị ọnịrị aneehi ada awụ.

Ụhịrẹyị 7:24

Ẹwụ nịnị ezi emi, sị ụtọ pe ẹtẹ dị wa wụ́ ịrẹyị ọnị ma vaa ka booro aanị.

Ụhịrẹyị 8:32

Wụ́ ịrẹyị amị, ẹwụ nịnị ọmụha. Waa mẹ ịsị maa ka wụ nịnị, ka ayị awụ nịnị vee hine.

Ịrẹyị Ọzwọzịsa 11:6

Waa sị avaba ụmẹẹ chire ịsa irenyi-irenyi agụvị ka wẹ yị yẹ ana vaa mẹ. Wẹ yị yẹ avị avaba anị ọ vaa mẹ ẹtẹẹrẹ nị à vị ẹnyị ọ vaa mẹẹ huna ọsa nị.

Ayịsaya 46:12

Sị ụtọ pe ẹtẹ nịnị, ẹwụ nịnị ana ayị anị katẹngụ, ẹwụ nịnị ana hịka o vee ku dị ụ wa va ha nịnị.

Ayịsaya 46:3

Ẹnẹyịmavara kà, sị ụtọ pe mị nịnị, ẹwụ nịnị ezi Ijekọvụ, avaba ẹwụ nịnị aza amị ana vọ ẹ̀ sị ụtọ pe ẹtẹ. Ẹmaa tẹsị awụ nịnị á mẹ̀ hụrẹ ma wụ nịnị nị.

Imatiwu 13:24

Ijeesu o re che ụhịrẹyị ọnya yị wa; ọ ka, “Oze ana Ada ayị ẹbẹẹba aa zịị mẹ ịjọva vị ana sị mẹẹ anka ọnọrụ ọnya aanị, ana sị ihu ozoza, dị ọ na tụ́ ọ tụ́ ịnị aarẹ nị.

Imatiwu 13:26

Ịjị akụ aa chị, dị ẹyaa hụ, dị avị edivi ẹnẹẹ ẹnị rẹ chị bẹẹ nị.

Imatiwu 13:3

Dị ọ sị ụhịrẹyị, dị aa sịị kà ịrẹyị ọrụrụ-ọrụrụ zụ̀ wa nị. Dị ọ ka, “Re, â nyị ọza ịnya aanị ene ne mi ịsa ọyịna.

Ịmaakị 4:14

Ọza ene mi ịsa ọyịna aanị vị ene ne mi ịrẹyị Ohomorihi.

Ịmaakị 4:2

Dị ọ sị ụhịrẹyị, dị aa sịị sị ịsa ọrụrụ-ọrụrụụ zụ̀ wa nị. Ọ màa zụ̀ wa ịsa, dị ọ kà a yị wa ka:

Ịmaakị 4:23

Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Ịmaakị 4:4

O mèe mi ọọ, dị ẹnyị hụrẹ tụ́ ụtọ oze nị; di inomi nịnị wụsẹ vẹ, dị ẹ tọ̀ọ́ yọọ rị nị.

Ịmaakị 4:9

Dị Ijeesu ka, “Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Odeyi 2:14

Dị Ipita kwẹẹtẹ jẹẹ beri ẹnị ẹwụrọnya ana vọ, di o nowu tụ́ ẹba, dị ọ kà a yị aza ẹnẹẹ ka, “Ẹwụ nịnị anda ayị Anijudiya ọnịrị ẹwụ nịnị ana ra hi Ijerusarẹmị, batọ ịrẹyị amị, dị ma kà a wụ nịnị iruvo ịsị ẹ mẹ aanị.

Iwe Ọhụhị Imosiisi ana aa hị́ Ọyịvatụrọda 4:1

Ụmẹ ọnọọ Imosiisi ộ hị́ Anisirẹrị, dị ọ̀ ka, Ẹwụ nịnị Anisirẹrị navọ wa saasa avaba ọda Ẹnẹyịmavara ọnị maa sị zụ wụ nịnị aanị, wàa dọ ọ, eyi awụ Ẹnẹyịmavara ana vị Ohomorihi ohiku awụ nịnị aa sị ẹtẹ ọnọnị yị wụ, dị ọ̀ vị awụ nịnị nị.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

Ẹtore 2:11

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, e mē vene sú ụpẹ ọhụva.”

Ẹtore 2:29

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi!”

Ẹtore 2:7

Ọza ana àa nyị ụtọ, ọ̀ sị ụtọ pe ịsa ọnị ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, mị vaa sị ọdaa yọ ka ọ̀ rị ẹtụtụ ọchị ana aā mẹ ka ọza ọ̀ yàra pooro zịna-zịna, ana yà ịnị Aha Ọyịza ịdị Ohomorihi.