Ịmaakị 4:24 - IWE ỌNỊNỊ

²⁴ Dị ọ kà a yị wa ka, “Sị ụtọ pe ịrẹyị ọnị ụ waa wụ́ nịnị o! Ịsị ụ wàa sị mọ ịsa yị ọza, a rẹ vaa sị mọ ọ yị wụ nị; dị a ká tụ ọ wụ hu avọọ.

Ịmaakị 4:24 ပူးပေါင်းရင်းမြစ်များ

Ụhịrẹyị 19:27

Ozi emi, ụmẹ ọnị waa ka wẹ yị kụkụ wụ́ ịrẹyị ọza, ịrẹyọyẹ nyima aa hụrẹ wụ ụvọ avọọ nị.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ijeremaya 17:21

Ẹnẹyịmavara kà, ẹnịnị ee sì ịrẹyị ẹhẹ ẹnịnị, asị e chema ẹnya ọnyọọnyị ẹkụhị ụhwọtụ. Asị e chema ịsị ọnyọọnyị zị oze ana a zịị̄ ngụ Ijerusarẹmị para hu ẹkụhị ụhwọtụ.

Imatiwu 7:2

Ẹngụ ọkarẹyị ọnị ụ wàa mẹ yị aza, Ohomorihi rẹ vaa mẹẹ yị ẹwụ nị. Ịsị ụ wàa sị mọ ịsa yị ọza, a rẹ vaa sị mọọ yị wụ nịnị nị.

Ịmaakị 9:7

Dị eguhi ọnya aanị dà và kú wa nị. Dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, waa wụ́ ịrẹyị anị nịnị!”

Iruuku 8:18

Agụvị avọọ sị eyi pe ẹngụ awụ nịnị, ụ mẹmẹ aa wụ́ ịrẹyị nịnị! Ọza ana àa nyị ịsa, vị Ohomorihi vaa dàa tụ́ ọọ yọ nị. Ọza ẹnẹ ẹ̀ yị nyị, oyichee ọnị ọ hyakụ nyị, di aa dọ ọ hụrẹẹ ụvọ.”

Ịjọọnụ 10:16

Ma rẹ nyị atẹmẹ ọsa, ana ahịka e yi hi ini irehi atẹmẹ ọnọnị. Â nyị ka ma kụ́ wa vẹ, ẹnị rẹ vaa wụ́ ọngwẹ amị. Ọnya avaba ẹnịnị kụkụ vaa vị nị, ọza ịnya ọ vaa tẹsị ẹnịnị nị.

Ịjọọnụ 10:27

Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

Ịjọọnụ 5:25

Ịzẹyịza m maa kà a wụ nịnị nị, ụmẹ aa vẹ, ộ hyakụ si tù booro aanị, ana ahịka oku nịnị vaa wụ́ ọngwẹ ẹmị Ozi Ohomorihi. Aza ana àa wụ́, ẹ vaa yàra.

Odeyi 17:11

Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

2 Anịkọrịntị 9:6

Ịsị maa kà yị ka: ọza ene èe chire ịsa chee, ịsa chee o re vee ree há nị; ama ọza ene èe chire ịsa ọrụrụ, o re vee re ịsa ọrụrụ há nị.

Anihiburu 2:1

Agụvị avọọ a sị vọrọ ka ya nyayịnẹ sị ụvọ za ịrẹyị ọnị ị wụ́, agụvị asị i ne nyeeyi nị.

1Ipita 2:2

Ama waa mẹ nịnị anka ozi ọwọọwa eneē sì ịrẹva oyi hú. Ẹwụ nịnị ọ̀ rẹ vavọọ sì ịrẹyị Ohomorihi ọ̀yị wụ́, agụvị dị ụ waa vịraa tụ́ ịnị ẹdọha nịnị,

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.