Ịmaakị 4:19 - IWE ỌNỊNỊ

¹⁹ dị ariro ẹhẹ ọnọnị ọnịrị evene ẹkẹhị ọnịrị ụbanyị ẹhẹ beri oyisì odivi ịsa ana vọ ngụ ịnị ayị ẹnịnị, dị ẹ za ịrẹyị ọnọọ rị nị; agụvị avọọ ẹ yị nyị ẹtụtụ.

Ịmaakị 4:19 ပူးပေါင်းရင်းမြစ်များ

Ụhịrẹyị 23:4

Asị ụ wụ ẹngụ awụ tụra ịrẹsụ ẹkẹhị oyisì. Sị ịrẹyọyẹ va ahụ vị ịrẹma.

Ụhịrẹyị 23:5

Ẹkẹhị ọ zụ ta ịnị abọnya-abọnya. Ẹkẹhị vị onozwọọhịmị. Óo hira anka inomi anaā hị́ ọkasịmẹ avọọ nị.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ayịsaya 5:2

Ô huru ẹtẹ ọnọọ dị ọ tọ̀ọ́ ịrẹta anị hụụnị anị; Dị ọ hị̄ ọchị ịvayịnị ozoza-ozoza hi ọ nị. Dị ọ rẹ dà irehi ọgọdọ tụ́ ịnị ụbazị ọnọọ ịzị oserẹtẹ vaa yà di oo sere e nị. Dị ọ va chị aha ịzị a vaa yàa kwọrọ ẹtụtụ igirepi ẹnẹẹ ẹ̀ẹ sị tụ́ nị. Ọta amị aa tụra eyi ka ọchị ẹnẹẹ vaa tụ́ ẹtụtụ ozoza, ama dị ahịka ẹtụtụ edivi-edivi ẹ na tụ́ nị.

Ayịsaya 5:4

Ọ kà sị a vọrọ ka à kụkụ mẹ tụ́ ịnị ụbazị ọnọọ ọnị ọnị ọ̀ yị mẹ? Maa tụra eyi ka ọ̀ tụ́ ẹtụtụ ozoza, sị ẹ vẹ dị ahịka ẹtụtụ edivi-edivi aa tụ́ nị?

Imatiwu 13:22

Ọza ana rẹ dọ ihu ọnọọ tụ́ ịnị akakana ikeyi, ọ vị ọza ana wụ́ ịrẹyị ọnọọ di ariro ẹhẹ ọnọnị ọnịrị evene ẹkẹhị ọnịrị ụbanyị za ịrẹyị ọnọọ rị nị, agụvị avọọ ẹyị nyị ẹtụtụ.

Imatiwu 19:23

Ịjọnọọ dị Ijeesu kà a yị ezirẹma anị ka, “Ịzẹyịza m maa kà a wụ nịnị nị, ọ vaa daa tụ́ akanyaa yị ọnyẹkẹhị nịnị kẹnẹ, dị ẹ̀ zụ ngụ ịzị Ada ayị ẹbẹẹba yà aa mẹ ịjọva.

Imatiwu 3:10

Booro aanị, á raa sị ịraga pe ọchị nịnị ẹpa, avaba ọchị ẹnẹ ẹ̀ yị tụ́ ẹtụtụ ozoza vị ana á vaa má, dị e ne e ngụ ịnị ịra.

Ịmaakị 4:18

Aza ẹnẹnị vị ana rẹ yà anka ihu ene e mi tụ́ ịnị akakana ikeyi. Ệ wụ́ ịrẹyị ọnọọ,

Iruuku 10:41

Dị Ijeesu tụ́ ohi, dị ọ kà a yọ ka, “Ịmata, Ịmata, ayị awụ ọ yị nẹtẹ, wee ro ịrẹyị ịsa ọrụrụ-ọrụrụ.

Iruuku 21:34

Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

Anẹhwẹsọsị 2:2

Ịnị ụmẹ ọnọọ, ebira odivi anẹhẹ ụ waa saasa nịnị nị. Waa mẹ̀ ịsa ọnị ọga ụhwẹ echu nịnị ana nyị ụkata hi ẹbẹẹba ẹ̀ẹ kà ka wa mẹ nịnị. Ụhwẹ echu ọnọọ aa yịị mẹ ọda tụra aza ẹnẹ ẹ̀ yị mā wụ́ ịrẹyị Ohomorihi ịrẹsụ nị.

Anẹhwẹsọsị 6:12

Ẹ yị vị ẹyịrị ọzarẹyịrẹsụ aa kụ̀ ịrẹkụ. Ẹyịrị ụhwẹ echu nịnị ana nyị ụkata hi ẹbẹẹba beri ohirẹsụ ẹnịnị ana nyị ụkata hi ịnị ẹhẹ ịrahụ ọnọnị aa kụ̀ ịrẹkụ nị.

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

2 Itimoti 4:10

Ịdẹmasị ọ raà sị ayị tụ́ ịnị ịsa ẹhẹ ọnọnị, o si zwe kà na yị mị, ọ zị nọ Ịtẹsaronika. Ikirisẹnsị ọnị ọ zị nọ Ịgaratịya, Ịtayịtọsị ọnị ọ rẹ zị nọ Idarimatiya.

2Ipita 1:8

Wàa vavọọ aa mẹ̀ ịsa ẹnẹnịị hu avọọ hu avọọ nịnị, ụ vaa yẹ Ijeesuu hu avọọ nịnị.

Ijudi 1:12

Wàa kụ gụ aa rị ịsa ịnị oze ana sị zụ ka wee sì ịrẹyị ẹngụ nịnị, ịdọtị ẹ vị tụ́ ịnị akakana awụ nịnị nị. Sị ẹ vẹ? Agụvị ka ẹnịnị vị anaā rị ịsa anka ọza ọnị ụhị ọ̀yị ma nyị avọọ. Ẹngụ ẹnịnị kẹnẹ ee ro ịrẹyị anị nị. Ẹnịnị vị ana sị mẹẹ anka eguhi ana ahị aa kụ́ụ zịịzị, oni orihi anị ọ̀ yị mā zụ̀. Ịrẹyị ẹnịnị vị osusu anka ọchị ene wusu hụrị ụmọrụmọ, di e si o hu ne ta, dị ọ̀ yị kụkụ zụ tụ́ ẹtụtụ ịnị ụmẹ anị.