Ịmaakị 3:5 - IWE ỌNỊNỊ

⁵ Dị Ijeesu kana eyi sì wa nị, ayị aa kụ́ ọọ, agụvị ka ayị aza ẹnẹẹ ẹ sị katẹngụ baaba. Dị ọ kà a yị osuvọ ọnọọ ka, “Tana ụvọ awụ!” Dị osuvọ ọnọọ tana ụvọ anị, dị ụvọ anị ta nị.

Ịmaakị 3:5 ပူးပေါင်းရင်းမြစ်များ

Oyinyima 6:6

Di ọ ka àa yẹ asị ọnị mẹ̀ ọza vẹ ẹhẹ. Ộ zị ọ ẹtẹẹtẹrẹ ka ọnị ộ mẹ̀ ọza.

1 Ohinọyị 13:6

Di ohinọyị aa dá ịpẹẹ yị ọza Ohomorihi dị ọ ka, “Aarịhịnị da ịpẹ yị Ẹnẹyịmavara Ohomorihi awụ dị wa mẹ̀ aduwa yọ agụvị amị dị ọ̀ và ụvọ amị vẹ mị.” Ịzẹyịza dị ọza Ohomorihi ọnọọ dá ịpẹ yị Ẹnẹyịmavara, dị ọ và ụvọ ohinọyị vavẹ yọ, dị ụvọ ana rẹ yà anka ọ́ mẹ̀ vịdị yà nị.

Inehemaya 13:8

Ịrẹyị ọnọọ ộ kụ mị ayị ẹtẹẹtẹrẹ, dị mị kụ avaba ẹnya Itobaya ne và hi ẹhẹ nị.

Ahẹ Ụgama 95:10

Ohomorihi ộ kụ́ ayị hi aza ẹnẹẹ mẹ ịrayị ẹbẹẹva, Dị ọ kụkụ ka ivehu aza ẹnẹnị ẹ sị wa vene, ẹnịnị ẹ yị jẹẹ pè ọda anị.

Imatiwu 12:13

Ịjọnọọ dị ọ kà a yị ọnọrụ ọnọọ ka, “Tana ụvọ awụ!” Dị ọ tanaa, dị ụvọ anị ta, dị ọ rẹ sị yà anka ọsa nị.

Ịmaakị 3:4

Ịjị ọ vẹ dị Ijeesu kà a yị aza ẹnẹẹ ka, “Áá vọrọ ka à mẹ ọyịza ịnị ẹkụhị ụhwọtụ, à vị odivi? Áá rẹ vọrọ ka à dọ ọza tụ́, à vị a vọrọ ka à wụ̀ ọza nị?” Dị ẹnịnị kú irenu, dị è yi tụ́ ohi nị.

Iruuku 13:15

Dị Ananyị yị kà a yọ ka, “Ẹwụ nịnị ọmọzakụyẹ ẹnẹnị, aanịka wẹ mā ngwara imaaru ọnịrị ịkẹrịkẹtẹ awụ nịnị ka è ne hú enyi ịnị ẹkụhị ụhwọtụ?

Iruuku 17:14

Dị Ijeesu re wa nị, dị ọ ka, “Waa na nịnị, dị ụ wa sị ẹngụ awụ nịnị na zụ̀ ohirẹsụ irehi Ohomorihi!” Ẹ́nịnị màa na óze, dị ẹngụ ẹnịnị ta nị.

Iruuku 6:10

Dị Ijeesu kana eyi sì avaba aza ẹnẹẹ nị, dị ọ kà a yị ọnọrụ ọnọọ ka, “Tana ụvọ awụ!” Di osuvọ ọnọọ tana ụvọ anị, dị ụvọ anị ta nị.

Ịjọọnụ 9:7

Dị Ijeesu kà a yọ ka, “Na, dị ụ wa na nyịna eyi awụ ini adagu Ịsayịrọmị.” (Iruvo “Ịsayịrọmị” ọ vị “â tụ́ ọọ”.) Ịzẹyịza, dị ọnọrụ ọnọọ na, dị ọ na nyịna eyi anị, di o kuku ee re ẹtẹẹ vẹ nị.

Aniroomi 11:25

Ẹwụ nịnị ẹyịnyara amị, â nyị ịrẹyị ọnya oni iruvo anị nyịnẹ oni mee sì ka wa yẹ nịnị. Wàa yẹ ịrẹyị ọnọọ nịnị, ọyị kụkụ vaa zẹẹ ka we nee roo nịnị ka wâ da yẹ ịrẹyị nịnị kẹnẹ. Ịrẹyị ọnọọ yị: Anisirẹrị ẹnyị vị ana aa mẹ ayọkatẹngụ pooro ne tù ụmẹ ọnị ịrịka Anigiriki ana aa vẹ ịda Ohomorihi ọ̀ọ sị gụ.

2 Anịkọrịntị 3:14

Ayị ẹnịnị vị ẹnẹ rẹ sị ịta kú. Vi ve tụ́ ajịnị, ẹ̀ẹ yaa kà iwe oto ịyẹẹyẹ, vị ịsa ọnọọ ki kú wa ayị nị. Ịhị ọza ọnịrị Ijeesu oni Ohomorihi nyị mẹ ohinọyị ka ọ̀ dọ yị há, ọ̀ọ sị vị ọnya, ịhị ọnọọ a vaa hụ̀ ịsa ọnọọ hụrẹ ẹ ayị nị.

Anẹhwẹsọsị 4:18

Ayị ẹnịnị vị ịrahụ; ẹnịnị ẹ́ yị nyị tụ́ ịnị ẹhẹ obooro oni Ohomorihiī sịị yị ọza, agụvị ka ẹ yị nyị ịsị ẹ yẹ, dị ẹ rẹ yaa mẹ ayọkatẹngụ nị.

Anẹhwẹsọsị 4:26

Wa zụ kụ́ ayị, ama asị ụ zẹẹ ka ọyịkụ ọ̀ sị wụ na mẹ ịvị! Asị ụ zẹẹ ka wa kịị kụ́ ayị pooro dị ọyị ọ̀ ta.

Anẹhwẹsọsị 4:30

Asị ụ mẹ ka ayị Ụhwẹ Ọnịnị Ohomorihi ò du nịnị! Ụhwẹ Ọnịnị oni Ohomorihi sị wụ nịnị vị apọtẹrẹwa ana sị zụ̀ ka ẹkụhị aa vẹ oni Ohomorihi vaa sị dọ wụ nịnịị há.

Anihiburu 3:10

Agụvị avọọ ayị aza ẹnẹẹ ệ kụ́ ọnị, dị ọnị kà a ka ẹnịnị vị anaā sịị ayị ẹnịnịị nyeeyi pooro, ệ mā zẹẹ ka ẹnị ẹ̀ saasa ọda anị.

Anihiburu 3:17

Ẹnẹ vavọọ mẹ ayị kụ́ Ohomorihi pooro mẹ ịrayị ẹbẹẹva? Ẹnịnị ẹ vị avaba aza ana mẹ ịvị, di e sú hi ịnị ụnọmị nị.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

Ẹtore 6:16

Dị ẹ kà a yị ịrẹta beri ataba ka è wú za ẹnị, dị ẹ̀ sị ẹnị tẹ̀, dị asị ọza ana yaayịtẹ ịnị aga ohinọyị ọnọọ re ẹnị, dị asị Ozi Atẹmẹ ọnọọ rẹ kụ́ ayị hi ẹnị nị.

Ọdọvịdị 10:16

Ịjị ẹ maanị raa da ịpẹ, dị ezi Anisirẹrị nịnị va avaba ori ẹnịnị ha, dị ẹ kụkụ a hẹkẹ Ẹnẹyịmavara nị. Ụyọrị ezi Anisirẹrị ọ zị Ẹnẹyịmavara ẹngụ ẹtẹẹtẹrẹ.

1 Ịsamụwẹrị 20:34

Dị ahịka ọyịkụ-ọyịkụ Ijonatani sị kwẹẹtẹ hụrẹ ịzị a yà aa rị ịsa ịhị ọnọọ nị. Eyinẹhẹ eni eche hụrẹ aanị, ọ yị rị ịsa agụvị ka ayị aa kụ́ ọ ka ada anị aa zị ụsẹ ụtẹ agụvị ịrẹyị Idevidi.