Ịmaakị 3:22 - IWE ỌNỊNỊ

²² Ọzwọzọda nịnị ê chí hụrẹ Ijerusarẹmị vẹ, dị ẹ ka Ijeesu ộ nyị ụhwẹ echu ana aā hị́ “Ịbẹẹrịzẹbụ”, dị ẹ rẹ ka ụkata ọga ụhwẹ echu nịnị aa sịị dụ ụhwẹ echuu jịnẹẹ hụụnị ẹngụ aza nị.

Ịmaakị 3:22 ပူးပေါင်းရင်းမြစ်များ

2 Ohinọyị 1:2

Ụmẹ ọnọọ, Ahaziya ohinọyị Isirẹrị ộ hyẹdụ hụrị ẹbẹẹba enoze irehi anị Ị́samarịya, dị ọ tọ̀ ụnava ẹtẹẹtẹrẹ nị. Ộ tụ́ ọnụtụ anị nịnị na zama ẹtẹ idi ori ana aā hị́ Ịbaarị-Izebubi. Ẹkụra Anihwirisiti ọnya ana aā hị́ Ekironi ori ọnọọ ya nị. Ộ tụ́ ka ana họ̀ ka ọnị waa vaa rị ẹngụ ọnọnị.

Ahẹ Ụgama 22:6

Mâ yẹ ka ẹmị ẹ yị bẹrị ọza vụrụ-vụrụ Aza vi ene ee nyị mi unyi dị ẹ yaa sị eyii wụ̀ mị.

Imatiwu 10:25

Ọza ana aa kọsẹ ịsa ọ̀ọ sị yà anka ọga anị, ô ze; ozi ahụ ọ̀ọ rẹ sị yà anka ọga anị, o re ze. Àa na aa hị́ adarehi ‘ohirẹsụ ụhwẹ echu’, yẹ ka ịrẹha ene divi hu avọọ a vaa hị́ anineehi anị nị.”

Imatiwu 11:18

Ịjọọnụ mẹ̀ vẹ, ọ yị rị, o yi hú, dị ụ ka vị ọ nyị ụhwẹ echu nịnị nị.

Imatiwu 12:24

Ịjị Anihwarisi nịnị sị wụ́, dị ẹ ka, “Ụkata Ịbẹẹrịzẹbụ, ọga ụhwẹ echu nịnị ọ́nọrụ ọnọnị aa sịị dụ ụhwẹ echuu jịnẹ nị.”

Imatiwu 15:1

Ẹkụhị ọnya ọzwọzọda nịnị ọnịrị Anihwarisi nịnị ệ hụrẹ Ijerusarẹmị ká Ijeesu vẹ. Dị ẹ ka:

Imatiwu 9:34

Ama di Anihwarisi nịnị ka ohirẹsụ ụhwẹ echu nịnị ọ sị ụkata yị Ijeesu ana aa sịị dụ ụhwẹ echuu jịnẹ nị.

Ịmaakị 7:1

Ẹkụhị ọnya Anihwarisi nịnị beri ọzwọzọda ẹnyị aanị ệ hụrẹ Ijerusarẹmị ká Ijeesu vẹ.

Iruuku 11:15

Ama dị aza ẹnyị ịnị ẹnịnị ka, “Ụkata ọga ụhwẹ echu nịnị ana aā hị́ Ịbẹẹrịzẹbụ, Íjeesu aa sịị dụ ụhwẹ echuu jịnẹ nị.”

Iruuku 5:17

Ẹkụhị ọnya, dị Ijeesu raa zụ̀ aza ịsa nị. Â nyị Anihwarisi nịnị ọnịrị ọzwọzọda nịnị ana yaayịtẹ ịzọọ. Ẹnịnị vị ana hụrẹ avaba ẹkụra Igariri vẹ, ọnịrị Ijudiya beri Ijerusarẹmị. Ụkata Ohomorihi yà rị ọọ ana aa sịị mẹ aza ụkụ.

Ịjọọnụ 10:22

Ụmẹ o si tù ẹnẹ ẹ sịị̄ tamayị ụmẹ ene e sị sị irehi Ohomorihi tụ́ irenyi yọ. Ijerusarẹmị ẹ yàā rị eche ọnọọ nị. Ụmẹ ọnọọ vị ụmẹ ọgụ.

Ịjọọnụ 7:20

Dị ọkọnị aza ẹnẹẹ tụ́ Ijeesu ohi, dị ẹ ka, “Wáá yẹ ka ụhwẹ echu yà ịnị ẹngụ awụ? Ene ee sì ka ọnị ọ̀ wụ wụ?”

Ịjọọnụ 8:48

Dị Aniju nịnị tụ́ Ijeesu ohi, dị ẹ ka, “Aanịka yẹ yị vịdị yị kà a ka Anịsamarịya ụ vị nị, ka wâ nyị ụhwẹ echu?”

Ịjọọnụ 8:52

Dị Aniju nịnị tụ́ ọọ ohi, dị ẹ ka, “Ya sị yẹ ka wâ nyị ụhwẹ echu. Abụrahamị ô wusu, ọnịsẹ nịnị ẹnị e re wusu; dị ẹwụ kụkụ va ka ọza ana àa sị ụvọ za ịrẹyị awụ, oyi kuku vee sú paa!