Ịmaakị 2:8 - IWE ỌNỊNỊ

⁸ Obooboro ọnọọ Ijeesu ọ sị yẹ ịsị eyee ro ịnị ayị ẹnịnị. Agụvị avọọ dị ọ kà a yị wa ka, “Sị ẹ vẹ dị ẹwụ nịnị vavọọ ee ro ẹngụ ịsa ẹnẹnị ịnị ayị awụ nịnị?

Ịmaakị 2:8 ပူးပေါင်းရင်းမြစ်များ

1 Ịtọpa 29:17

Máa yẹ ka ụụ̄ zama ayị avaba azaa re; ayị awụụ̄ hinee tù aza ene ebira ẹnịnị vọrọ. Ịzẹyịza mị sị avaba ịsa ẹnẹnị va wụ nị. Mê re avaba aza awụ ana wara gụ anị mee hine ayị ka ẹnị ệ sị ẹyịza va wụ.

Ahẹ Ụgama 139:2

Wâ yẹ avaba ịsa ọnị maa mẹ̀. Ụ mẹ̀ yị yà ẹnẹẹnẹ, wâ yẹ ịsị mee ro.

Ụhịrẹyị 15:26

Ịsị eenyisi aro aza edivi vị yị Ẹnẹyịmavara nị, ama ịrẹyị irenu aza ọyịza vị enee hine e ayị.

Ụhịrẹyị 24:9

Avaba eto ọnị ọnụra aa mẹ̀ vị ọhịmị. Aza vị anaā nyị ịhyẹrẹ ọza anaa sị ọzaa mẹ enyinyi.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ezikẹẹrị 38:10

Aanị Ẹnẹyịmavara Ochẹtẹẹngụ mẹ kà yị Ịgọgị nị: ịjị ụmẹ ọnọọ òo tu, u vee nyima ee rò ụ mẹmẹ vaa mẹ odivi.

Imatiwu 12:15

Íjeesu mẹ̀ sị yẹ, dị ọ hụụ ịzọọ nị. Dị aza ọrụrụ-ọrụrụ dụ ọ aa na nị. Dị ọ mẹ avaba ọnịkụ nịnị ụkụ nị.

Imatiwu 16:7

Dị ẹyaa kà a yị ẹngụ ka, “Wáá yẹ ka agụvị ka yẹ yị sị ịsọyịrị za yọ nị?”

Imatiwu 9:4

Ijeesu ộ yẹ ịsị eyee ro; dị ọ ka, “Sị ẹ vẹ di u wee ro ịsa odivi ịnị ayị awụ nịnị?

Ịmaakị 2:7

“Sị ẹ vẹ dị ọ maanị aa kà? Vị aa kụ̀ Ohomorihi ụhụ aanị nọ! Ẹnẹ zụ vagu ọza ịnị ịvị anị, ẹ̀ yị vị Ohomorihi ọnịnya kẹnẹ?”

Ịmaakị 2:9

Ye re ana rọ hu, ọyịkà yị oswẹngụ ọnọọ ka â vagu ọọ ịnị ịvị anị, à vị ka à kà a yọ ka ọ̀ kwẹẹtẹ, dị ọ̀ sị odooro anị, dị ọ̀ zị ụsẹ?”

Ịmaakị 7:21

agụvị ka ịnị ayị aza áriro odiviī hụrẹẹ vẹ nị, anaā mẹ ka ẹ̀ẹ sẹ̀ ịrẹka, di èe yi oyi, dị ẹ̀ẹ rẹẹ wụ̀ ọza,

Iruuku 24:38

Dị Ijeesu họ̀ wa ka, “Sị ẹ vẹ dị ayị awụ nịnị sị vazi? Sị ẹ vẹ dị ụ waa jị mị ịrẹka nịnị?

Iruuku 5:22

Ijeesu ộ yẹ ịsị eyee ro, dị ọ kà a yị wa ka, “Sị ẹ vẹ dị ụ vavọọ ee ro ẹngụ ịsa ẹnịnị ịnị ayị awụ nịnị?

Iruuku 6:8

Ama Ijeesu ộ yẹ ịsị eyee ro, dị ọ kà a yị osuvọ ọnọọ ka, “Kwẹẹtẹ, dị ụ wa vẹ ọvịdị ịzẹnị!” Dị ọnọrụ ọnọọ kwẹẹtẹ vẹ nị.

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

Ịjọọnụ 6:64

Ama â nyị aza ẹnyị awụ nịnị, ẹnẹ ẹ̀ yị dọ wụ́.” Ijeesu ộ vịdị sị yẹ hụrẹ ụmọrụmọ aza ẹnẹ ẹ̀ yị dọ ọnị wụ́ ọnịrị ọza ana vaa sị ọnịị chire ọnịvị anị ụvọ.

Odeyi 5:3

Dị Ipita ka, “Ananịya! Sị ẹ vẹ dị ụ zẹẹ ka Echu ọ̀ dọ ayị awụ, dị ọ mẹ ka we cheeche yị Ụhwẹ Ọnịnị, dị ụ dà tẹ ịnị ẹkẹhị ọnị ụ dọ, ụ mẹ̀ ná ẹtẹ awụ?

Odeyi 8:22

Ro ịnẹ varẹma hụụnị ariro odivi awụ ọnọnị, dụ wa mẹ̀ aduwa hi Ohomorihi ka ọ̀ọ zụ vagu wu ịnị ịrẹyị oni u ro aanị!

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.